താമര മോതിരം 6 [Dragon] 381

തുടങ്ങി.ഏറുമാടത്തിൽ ഇരുന്നു കഴിക്കാം എന്ന് തീരുമാനിച്ചു വന്ന ജോലി പെട്ടെന്ന് തീര്ക്കുവാനായി താമര കാമ്പിലൂടെ കരയിലേക്ക് വലിച്ചു കൊണ്ട് വന്ന കല്ലുകളും അയാൾ പെറുക്കി എടുത്തു പിന്നെ എല്ലാം ഒരു ചാക്കിലാക്കി അയാൾ ഏറുമാടത്തിലേക്ക് നടന്നു.

അയാൾ ഏറുമാടത്തിത്തിന്റെ അടുത്തെത്താറായപ്പോൾ മറ്റുള്ള രണ്ടു പേരും കൂടെ ചേർന്നു കാണിയപ്പനെ എടുത്തു കൊണ്ട് വരുന്നതാണ് കണ്ടത് – കയ്യിയുള്ള വസ്തുക്കൾ എല്ലാം അവിടെ  വച്ച് അയാലും കൂടെ പോയി  സഹായിച്ചു – കാണിയപ്പൻ മരത്തിൽ നിന്നും വീണിരിക്കുന്നു – കയറി കുറച്ചു ദൂരം മാത്രം പിന്നിട്ടതിനാൽ വലിയ ഉയരത്തിൽ നിന്നല്ല വീണത് – പക്ഷെ നടുവ് ഇടിച്ചാണ് അയാൾ വീണത്.ഇത്തിരി നേരം അവർ എല്ലാം കൂടി കാണിയപ്പന്റെ നടുവ് തടവി കൊടുത്തു കൂടെ കുടിക്കാനായി ജലവും മറ്റും കൊടുത്തു, അത് കണ്ട മറ്റെയാൾ ഓടി പോയി താമര എടുത്തു കൊണ്ട് വന്നു അതിന്റെ കാമ്പ് കാണിയപ്പന് കഴിക്കുവാനായി ഇതളുകൾ പൊട്ടിക്കാൻ തുടങ്ങി.

നട്ടെല്ല് വിറയ്ക്കുന്ന ഞെട്ടലോടെ ആണ് കാണിയപ്പൻ അയാളെ നോക്കിയത് – പിന്നെ തൊണ്ടയിൽ നിന്നും ഒരു ആർത്തനാദത്തോടെ അലറി വിളിച്ചു – അയ്യോ ……………………….. നീ ഇത് ഇവിടെ നിന്നാടാ പറിച്ചതു, നിന്നോട് പറഞ്ഞതല്ലേ തടാകത്തിൽ നിന്നും ഒന്നും പറിക്കരുത്  എന്നൊക്കെ ചോദിച്ചു അയാളെ വഴക്കു പറയാൻ തുടങ്ങി.

മറ്റുള്ളവർ ഇടപെട്ടതിനാലും , വിശപ്പ് സഹിക്കാൻ പറ്റാതെ യാണ് പറിച്ചതു എന്നയാൾ പറഞ്ഞത് കൊണ്ടും കാണിയപ്പൻ അത് തിരികെ കൊണ്ട് തടാകത്തിൽ ഇട്ടിട്ടു വരാൻ ഓടിച്ചു വിട്ടു  അയാളെ.

അത് കേട്ട് അയാൾ ഓടി അത് കൊണ്ട് തടാകത്തിൽ ഇട്ടു – പിന്നെ തിരിഞ്ഞു നടന്നു – നടക്കുന്നതിടയിൽ ഒന്നുകൂടെ തിരിഞ്ഞു നോക്കിയാ അയാൾ കണ്ടു ആ മൊട്ടുകളുടെ തണ്ട് അത് മുറിഞ്ഞു പോയിടത്തു നിന്നും വീണ്ടും താഴേക്കു വളർന്നു ഒരു കല്ലിൽ വേര് ഊന്നി പഴയതു പോലെ ചെടിയായി മാറുന്നതാണ്, അത്ഭുതം കൊണ്ട് കുറച്ചു നേരം അത് നോക്കി നിന്നിട്ടു – പേടി തോന്നിയപ്പോൾ അവിടെ നിന്നും അയാൾ ഓടി പോയി – പക്ഷെ മറ്റുള്ളവരോട് ഇത് അയാൾ പറഞ്ഞില്ല.

കാണിയപ്പൻ ശെരിക്കും ആലോചിച്ചു എങ്ങനെയാ മരത്തിൽ നിന്നും വീണതെന്ന – ഓര്മ വച്ച കാലം മുതൽ മരത്തിൽ കയറിയിരുന്ന ഞാൻ ഇത് വരെ വീണിട്ടില്ല – ഇത് പക്ഷെ തന്നെ ആരോ കാലിൽ പിടിച്ചു വലിച്ചത് പോലെ തോന്നി അയാൾക്ക് – കാലിന്റെ പാദത്തിൽ നോക്കിയാ കാണിയപ്പൻ ശെരിക്കും ഞെട്ടി പോയി ,തന്റെ കാലിൽ എന്തോ വള്ളി ചുറ്റിയതു പോലെ ഒരു പാട് ചുവന്നു തിണിർത്തു കിടക്കുന്നു – മറ്റുള്ളവരെ പേടിപ്പിക്കണ്ട എന്ന് കരുതി അയാൾ ആരോടും ഒന്നും പറഞ്ഞില്ല.

ശേഷം അയാൾ മെല്ലെ എഴുനേറ്റു അടുത്ത മരത്തിൽ കയറുവാനായി നോക്കി – എന്നാൽ നടുവേദന നല്ലവണ്ണം ഉണ്ടായിരുന്നതിനാൽ അയാൾ മറ്റാരും കാണാതെ തന്റെ രക്ഷയിൽ ഉണ്ടായിരുന്ന ആ ദ്രാവകത്തിൽ ഒരു തുള്ളി തന്റെ നാവിന്റെ തുമ്പിലേക്ക് ഇറ്റിച്ചു.നാലഞ്ചു നിമിഷത്തിനുള്ളിൽ കാണിയപ്പനെ മറ്റുള്ളവർ കാണുന്നത് മരത്തിന്റെ ഏറ്റവും ഉയരെ നിൽക്കുന്നത് ആണ്.

മരത്തിന്റെ ഉയരെ എത്തിയ കാണിയപ്പൻ പൂവിന്റെ അടുക്കലെത്തി ശേഷം തന്റെ നിഴൽ പൂവിൽ വീഴാതെ, പൂവിന്റെ ഇതളുകളിൽ സ്പർശിക്കാതെ പൂ ഒരു ചാക്ക് ഉപയോഗിച്ച് മൂടി , പിന്നെ പൂ പറിച്ചു താഴേക്കു ഇറങ്ങാൻ തുടങ്ങി.താഴെ എത്തിയ കാണിയപ്പനു ചാക്കിൽ നിന്നും ഭാരം തോന്നാത്തത് കൊണ്ട് ചാക്കിന്റെ മുകൾ ഭാഗം ചെറുതായി തുറന്നു അകത്തേക്ക് നോക്കി – പക്ഷെ അകത്തു പൂവ് ഇല്ലായിരുന്നു പകരം ഒരു പിടി ചാരം മാത്രം ,