താമര മോതിരം 6 [Dragon] 381

കറങ്ങിയിട്ടും കാണിയപ്പനു നാല് മരങ്ങൾ മാത്രമേ കണ്ടു പിടിക്കാൻ പറ്റിയുള്ളൂ – താൻ ഈ പണി ചെയ്യാൻ തുടങ്ങിയിട്ട് കുറെ വർഷങ്ങൾ ആയിട്ടുണ്ടായിരുന്നു – ആദ്യമായിട്ട് ആണ് ഇങ്ങനെ പൂവിനു വേണ്ടി സമയം ചിലവഴിക്കുന്നത്- എന്തായാലും കിട്ടുന്നത് ആദ്യം പറിച്ചിട്ടു പിന്നെ നോക്കാം എന്ന ധാരണയിൽ ആദ്യത്തെ മരത്തിലേക്ക് കയറാൻ തുടങ്ങി.

പക്ഷിയെ പിടിക്കാൻ വല തലേദിവസം തന്നെ വിരിച്ചുരുന്നു എങ്കിലും മൂന്ന് പക്ഷി വേണ്ടത്തിനു പകരം അവർക്കു ഒരു പക്ഷി മാത്രം ആയിരുന്നു കിട്ടിയത്- അതിനെ കൂട്ടിൽ ആക്കി വല വീണ്ടും വിരിച്ചവർ കാത്തിരുന്നു.

തടാകത്തിൽ കല്ല് എടുക്കാനായി പോയ ആൾ – തടാകത്തിന്റെ ഭംഗിയും – അതിലെ താമര പൂവിന്റെ ഭംഗിയും കണ്ടു കുറച്ചു നേരം നോക്കി നിന്നു – കാരണം അത്രയ്ക്ക് ഭംഗി ആയിരുന്നു ആ തടാകത്തിൽ വെയിൽ തട്ടി ഉണ്ടായി വരുന്ന സ്വർണവർണ്ണത്തിലുള്ള രശ്മികൾ ആ താമര മൊട്ടുകളിൽ പതിക്കുമ്പോൾ അത് സ്വർണ താമര പോലെ തോന്നി അയാൾക്ക്.

കലശലായ ദാഹവും വിശപ്പും കൊണ്ട് അയാൾ ആ തടാകത്തിൽ നിന്ന് തെളിനീർ കോരി കുടിച്ചു ഒപ്പം തടാകത്തിന്റെ അരികിൽ നിന്നും ആ കല്ലുകൾ പറക്കി കൂട്ടുവാനും തുടങ്ങി – വിശപ്പിന്റെ വിളി കൊണ്ട് കണ്ണിൽ ഇരുട്ടു കയറിയ ഒരു നിമിഷത്തിൽ അയാൾക്കു താമര മൊട്ടിനകത്തുള്ള താമര കാമ്പ് – തിന്നാൽ നല്ല രുചി ആയിരിക്കും എന്ന കാര്യം ഓര്മ വന്നു – അയാൾ മുൻപും അത് കഴിച്ചിട്ടുണ്ടായിരുന്നു. അതിലെ ചെറിയ നാരുകൾ മാറ്റിയാൽ അത് വെള്ളരിയ്ക്ക പോലെ രുചി ഉള്ളതാണ് – ആ നാരുകൾ കയ്പു ഉണ്ടകുന്നത് കൊണ്ട് അത് കഴിക്കാറില്ല – മാത്രമല്ല നാട്ടിൽ വച്ച് കുളത്തിലെ താമര പറിച്ചു ചമ്മന്തി ഉണ്ടാക്കി കഞ്ഞി കുടിച്ചതും കൂടെ ഓർത്തപ്പോൾ അയാളുടെ വായിൽ കപ്പലോട്ടിക്കാനുള്ള ജലം നിറഞ്ഞു

പതിയെ തടാകത്തിലേക്ക് ഇറങ്ങി – മുന്നിൽ കണ്ട നാലഞ്ചു താമര മൊട്ടുകൾ ചേർത്തു പിടിച്ചു വലിച്ചു പൊട്ടിക്കാൻ ശ്രമിച്ചു എന്നാൽ അയാൾ കരുതിയതിലും ബലം അതിനു ഉണ്ടായിരുന്നു – വിശപ്പ് കൊണ്ടുള്ള ദേശ്യത്തിലും – തന്റെ ശക്തിയെ വെല്ലുവിളിച്ചു എന്ന് തോന്നിയതിനാലും അയാൾ ആ താമര തണ്ടിന്റെ പിടിച്ചു വലിച്ചു കരയിലേക്ക് അടിപ്പിക്കാൻ നോക്കി – അടിയിലെ കല്ലിൽ വേര് നല്ലവണ്ണം ഉറച്ചിരുന്നതിനാൽ – വലിച്ചെടുക്കുന്ന ഓരോ താമര തണ്ടിന്റെയും ഒപ്പം കുറച്ചു കല്ലുകളും കൂടെ വരുവാൻ തുടങ്ങി.

കരയിലേക്ക് വലിച്ചടുപ്പിച്ചു  താമരയിൽ നിന്നും അയാൾ മൊട്ടുകൾ പറിച്ചെടുത്തു ഇതളുകൾ പൊട്ടിക്കാൻ തുടങ്ങി – ആ താമരയിൽ നിന്നും അഭുതമായ സുഗന്ധം പറക്കാൻ തുടങ്ങി.സുഗന്ധം എന്ന് പറഞ്ഞാൽ മനസിനെയും ശരീരത്തിനെയും അടക്കിവാഴുന്ന ,വേറൊരു ലോകത്തേക്ക് ഉയർത്തിക്കൊണ്ടു പോകുന്ന തരം  സുഗന്ധം, അയാൾ യാന്ത്രികമായി ഓരോ ഇതളുകളും പൊട്ടിക്കുവാൻ തുടങ്ങി- എന്നാൽ എത്ര തന്നെ ഇതളുകൾ അയാൾ എടുത്തു മാറ്റിയിട്ടും അയാൾക്ക് അതിന്റെ ഉൾവശത്തു ഇരിക്കുന്ന കാമ്പ് കാണാനോ അതെടുക്കുവാനോ കഴിഞ്ഞില്ല – കുറേ  നേരം ശ്രമിച്ചതിന് ശേഷം അയാൾ കരയിലേക്ക് വലിച്ചു കൊണ്ട് വന്ന എല്ലാ പൂക്കളും തണ്ടിൽ നിന്നും വേർപെടുത്തി മാറ്റി വച്ചു ,ശേഷം കല്ലുകൾ ശേഖരിക്കുവാൻ