താമര മോതിരം 6 [Dragon] 381

നീ ഇരിക്ക് ഞന പോയി ഉണ്ണിയുടെ അമ്മയെ കണ്ടിട് വരാം  – എന്ന് പറഞ്ഞു കണ്ണൻ ഉണ്ണിയുടെ വീട്ടിലേക്ക് പോയി –

അവിടെ ചെന്ന് ഉണ്ണിയുടെ അമ്മയെ കണ്ടു കുറെ നേരം സംസാരിച്ചു – ഹർഷ മാമൻ ഉണ്ണിയെ പുറത്തിറക്കാൻ ഉള്ള എല്ലാ കാര്യങ്ങളും  ചെയ്യുന്നുണ്ട് എന്നൊക്കെ  പറഞ്ഞു അവരെ ആശ്വസിപ്പിച്ചു.

അറിയാതെ പോലും ഉണ്ണിയുടെ കാര്യം അവിടെ പറയാതിരിക്കാൻ കണ്ണൻ പരമാവധി ശ്രമിച്ചു.

അൽപ നേരം കഴിഞ്ഞു അമ്മയുടെ ഫോൺ വന്നു – ജാനകിമാമൻ വന്നിട്ടുണ്ട് എന്ന് പറഞ്ഞു

ഉണ്ണിയുടെ അമ്മയോട് ദേവുവിന്റെ കാര്യങ്ങൾ ഒക്കെ പറഞ്ഞു – അവളെ വന്നു കാണാനും മറ്റും പറഞ്ഞിട്ട് ഞാൻ വീട്ടിലേക്ക് തിരിച്ചു.

ജാനകിവല്ലഭൻ മാമന് കണ്ണനെ വലിയ കാര്യം ആയിരുന്നു – തിരിച്ചും എന്നാൽ ഈ ഇടയായി  കുറച്ചു നാൾ സംസാരിക്കാതെ മറ്റും ഒരു ചെറിയ ഗാപ് ഉണ്ടായിരുന്നു –

വീട്ടിലേക്ക് എത്തിയ ജാനകിവല്ലഭൻ അകത്തേക്ക് കയറാതെ വെളിയിൽ തന്നെ നിൽക്കുകയായിരുന്നു

കണ്ണൻ എത്തിയ ഉടനെ അവൻ അദ്ദേഹത്തിന്റെ കാൽ തൊട്ടു നമസ്കരിച്ചു പിന്നെ കെട്ടിപിടിച്ചു കൊണ്ട് ആ തോളിലേക്ക് ചായ്ഞ്ഞു.

അമ്മയോട് കുറച്ചു ചൂട് വെള്ളം എടുക്കാനും ഇന്നിവിടെ ഉണ്ടാകും രാത്രിലേക്കു പൊടിയരി കഞ്ഞി വേണമെന്നും പറഞ്ഞിട്ട് കണ്ണനെയും കൂട്ടി പുറത്തേക്ക് ഇറങ്ങി ജാനകിവല്ലഭൻ.

ജാനകിവല്ലഭൻ- കണ്ണാ ഹർഷൻ പറഞ്ഞിരുന്നു ഇവിടെ നടന്ന കാര്യങ്ങൾ എല്ലാം. നീ പറഞ്ഞതൊക്കെ – ഇനി നീ അവനോടു  പറയാത്തത് എന്തെകിലും ഉണ്ടെകിൽ അത് നീ എന്നോട് പറയണം

കണ്ണൻ:- ദേവുവിന്റെ കാര്യം പറയാൻ തുടങ്ങിയപ്പോൾ ജാനകിവല്ലഭൻ- നമുക്ക് ആ കുളത്തിന്റെ കയ്യിലേക്ക് പോകാം അതിനു മുന്നേ ആ മരങ്ങൾ എവിടെയാണ് എന്ന് ചോദിച്ചു.

കണ്ണൻ ജാനകിവല്ലഭനെ കൂട്ടി പറമ്പിലേക്ക് നടന്നു ആ മരത്തിന്റെ ചുവട്ടിൽ എത്തി- ജാനകി ആ മരത്തിന്റെ ചുറ്റും നടന്നു പിന്നെ തോളിൽ ഉണ്ടായിരുന്ന തുകൽ സഞ്ചിയിൽ നിന്നും ഒരു കത്തി പോലുള്ള സാധനമെടുത്തു ആ മരത്തിന്റെ തടിയിൽ ആഞ്ഞു കുത്തി – പിന്നെ ഒന്ന് കറക്കി പുറത്തേക്കു എടുത്തു- തടിയിൽ ഒരു ദ്വാരം അവശേഷിപ്പിച്ചു മരത്തിന്റെ കുറച്ചു കഷ്ണങ്ങളും ആയി കത്തി ഊരി എടുത്തു ജാനകിവല്ലഭൻ.