താമര മോതിരം 6 [Dragon] 381

തിരികെ ഹോമകുണ്ഡത്തിലേക്ക് വന്ന ആ തല അതിലേക്ക് കാണിച്ചു അതിൽ നിന്നും ഉള്ള ചുടു ചൂര മുഴുവൻ ആ ഹോമകുണ്ഡത്തിലേക്ക് ഒഴിച്ച് കൊണ്ട് ആ തല ത്തിലേക്ക് ഇട്ടു- അവിടെ മുഴുവൻ മാംസം കത്തിയ രൂക്ഷഗന്ധം പടർന്നു എങ്കിലും വീണ്ടും ജടാധാരി ഒരു സ്വർണ തളികയിൽ ഉള്ള ദ്രാവകം ഒഴിച്ചതോടെ ആ തീ കറുത്ത നിറം മാറി  സാധാരണ നിലയിലേക്ക്  ചുവപ്പു നിരത്തിലേക്ക് വരുകയും അവിടെ മുഴുവൻ പുക നിറയുകയും രൂക്ഷ ഗന്ധം മാറി – നെയ്യിന്റെ ഗന്ധം ആകുകയും – ഒടുവിൽ അതെ ദ്രാവകം കൊണ്ട് തന്നെ ഹോമകുണ്ഡത്തിലെ തീ വയ്ക്കുകയും ചെയ്തു.

സ്വന്തം കിടാവ് തലയില്ലാതെ കിടക്കുന്ന കാഴ്ച കണ്ട ആ തള്ള പശുവിന്റെ കണ്ണിൽ നിന്നും കണ്ണുനീർ ഒഴുകി,കൂടെ അകിടിൽ നിന്നും ആർക്കെന്നറിയാതെ പാലും.

<<<<<<<<<<<<<<<<<<<<<൦ >>>>>>>>>>>>>>>>>>>>>>>>>>>

തടാകത്തിന്റെ കരയിൽ വലിയ പേരാലിന്റെ അടിയിൽ ജഗത് – ഗുരു വിശ്വചൈതന്യനാന്ദഗിരി തന്റെ ശിഷ്യഗണങ്ങൾക്ക് അറിവ് പകരുകയായിരുന്നു – പതിവായുള്ള പഠനങ്ങൾക്ക് ശേഷം ശിഷ്യഗണങ്ങൾക്ക് തങ്ങളുടെ സംശയദൂരീകരണത്തിനും അവസരം ഉണ്ടായിരുന്നു.

ആ ചോദ്വത്തര വേളയിൽ ഒരു ശിഷ്യൻ ഗുരുവിനോട് ശിവ ശക്തി പീഠങ്ങളെ പറ്റി ആരാഞ്ഞു – ഗുരു  ശക്തി പീഠങ്ങളെ കുറിച്ച് തനിക്ക് അറിയുന്നതെല്ലാം ശിഷ്യഗണങ്ങൾക്കായി പകർന്നു കൊടുക്കാൻ തുടങ്ങി,

ആദിപരാശക്തിയെ സതിയുടെ ശരീരപിണ്ഡങ്ങളുടെ രൂപത്തിൽ പ്രതിഷ്ഠിച്ചിരിക്കുന്ന ഭഗവതീക്ഷേത്രങ്ങളാണ് ശക്തിപീഠങ്ങൾ.

സതിദേവിയുടെ മൃതശരീരം സുദർശനചക്രത്താൽ ഖണ്ഡിക്കപ്പെടുകയും അവ പൃഥ്വിയുടെ ഓരോ ഭാഗങ്ങളിൽ പതിക്കുകയും ചെയ്തു. ഇവയാണ് പിൽക്കാലത്ത് ആദിശക്തിപീഠങ്ങളായ് അറിയപ്പെട്ടത്.

സതിയുടെ ചേതനയറ്റ ശരീരവുമായി അലഞ്ഞുനടക്കുന്ന ശിവൻ

ദക്ഷപ്രജാപതിയുടെ പുത്രിയായി ആദിശക്തി സതീരൂപത്തിൽ ജന്മമെടുത്തു. പരമശിവനുമായി സംഗമിക്കുകയായിരുന്നു സതി അവതാരത്തിന്റെ ലക്ഷ്യം.

ശിവവിരോധിയായിരുന്ന ദക്ഷന് സതി ശിവനെ വിവാഹം ചെയ്യുന്നത് ഒന്നുകൊണ്ടും സ്വീകാര്യമല്ലായിരുന്നു. എന്നാൽ ശിവനും സതിയുമായുള്ള വിവാഹം സംഭവിക്കുകതന്നെ ചെയ്തു.

ശിവന്റെയും സതിയുടെയും വിവാഹം ദക്ഷന് ശിവനോടുള്ള വിരോധത്തെ ഇല്ലാതാക്കുകയല്ല മറിച്ച് വർദ്ധിപ്പിക്കുകയാണ് ചെയ്തത്. ദക്ഷന്റെ പ്രിയപുത്രിയായിരുന്ന സതി തന്റെ ഇച്ഛയ്ക്ക് വിരുദ്ധമായി ഒരു യോഗിയായ ശിവനെ വിവാഹം ചെയ്തതിൽ, ദക്ഷന് സതിയോടും നീരസമുണ്ടായി.

ഒരിക്കൽ മഹായാഗം നടത്തുവാൻ ദക്ഷൻ തീരുമാനിച്ചു. ശിവനും സതിയും ഒഴികെയുള്ള സമസ്ത ദേവീ ദേവന്മാർക്കും ഋഷിവര്യന്മാർക്കും ദക്ഷൻ തന്റെ യജ്ഞത്തിൽ സംബന്ധിക്കുവാൻ ക്ഷണപത്രിക അയച്ചു. എങ്കിലും തന്റെ ഭവനത്തിൽ വെച്ചുനടക്കുന്ന യജ്ഞത്തിൽ സമ്മേളിക്കുവാനുള്ള ആഗ്രഹം സതി ശിവനെ അറിയിച്ചു. ക്ഷണമില്ലാത്ത യജ്ഞത്തിൽ പങ്കെടുക്കുന്നത് യജ്ഞം നടത്തുന്നവരെ അപമാനിക്കുന്നതിന് തുല്യമാണെന്ന് ശിവൻ പറഞ്ഞു.