താമര മോതിരം 5 [Dragon] 492

വീട്ടിലേക്കു എത്തിയ ഹർഷനെ കാത്തു അവിടെ രണ്ടു മൂന്ന് ആൾക്കാർ ഇരിക്കുന്നുണ്ടായിരുന്നു -എല്ലാപേരും വെളുത്ത വസ്ത്രം (മേല്മുണ്ടും, തറ്റുടുത്ത കീഴ്വസ്ത്രവും)ഏതോ സ്വാമിമാരുടെ പോലെ ഉള്ള സംസാരവും കണ്ടപ്പോൾ തന്നെ ഹര്ഷന് മനസിലായി .

പിന്നെ അകത്തേക്ക് കയറി ചെന്ന് അവിടെ ഹാളിന്റെ നടുക്ക് തറയിൽ ഇരിക്കുകയാണ് ഹര്ഷന്റെ ഭാര്യയുടെ അമ്മാവൻ (അമ്മയുടെ സഹോദരൻ)

അദ്ദേഹം ഒരു ബ്രഹ്മചാരി ആണ് കൂടെ ഗീതയിലും,വേദങ്ങളിലും ഒക്കെ നല്ല പാണ്ഡിത്യം ഉണ്ടായിരുന്ന ഒരു സ്വാമി ആയിരുന്നു

-ജാനകി വല്ലഭൻ എന്നാണ് പേര് എങ്കിലും ഹര്ഷനും ഭാര്യയും ഒക്കെ അമ്മവാ എന്നാണ് അദ്ദേഹത്തെ വിളിച്ചിരുന്നത്.

അമ്മവാ .. എന്ന് വിളിച്ചു അദ്ദേഹത്തിന്റെ അടുത്തേക്ക് പോയ ഹർഷൻ അദ്ദേഹത്തിന്റെ കാൽ തൊട്ടു വന്ദിച്ചു കൂടെ തറയിൽ തന്നെ ഇരുന്നു-

ജാനകി വല്ലഭനു ഹർഷൻ സ്വന്തം മോനെ പോലെ തന്നെ ആയിരുന്നു – ആ വാത്സല്യം ആദ്യം കാണുന്ന സമയം മുതൽ ഹർഷൻ അനുഭവിക്കുന്നത് ആണ്,

ഹർഷനോട് വീടിന്റെ കാര്യവും – ജോലിയുടെ കാര്യവും മറ്റും സംസാരിച്ചതിന് ശേഷം – നീ പോയി ഫ്രഷ് ആയിട്ട് വാ നമുക്കൊന്ന് നടക്കാൻ പോകാം എന്ന പറഞ്ഞു ഹർഷനോട്

അത് കേട്ട ഹര്ഷന് മനസിലായി തന്നടു അമ്മവാനു എന്തോ പറയാൻ ഉണ്ട്.

ഏകദേശം അര  മണിക്കൂർ കഴിഞ്ഞു  ഹര്ഷന്റെ വീടിന്റെ അടുത്തുള്ള ഒരു ചെറിയ പാർക്കിലെ ബെഞ്ചിൽ ഇരിന്നു സംസാരിക്കുകയായിരുന്നു രണ്ടുപേരും,

ജാനകി വല്ലഭൻ :- ഇവിടെ എന്തക്കയാണ് നടക്കുന്നത്…………

ഹർഷൻ :- ഞാൻ അമ്മാവനെ വിളിക്കാൻ ഇരിക്കുകയായിരുന്നു – എനിക്ക് ഒരുപാട് കാര്യങ്ങൾ പറയാൻ ഉണ്ട്

പിന്നീടു –

കണ്ണന്റെ അച്ഛന്റെ തിരോധാനം

കണ്ണന്റെയും അമ്മയുടെയും അറസ്റ്റ്

പോലീസുകാരൻ ചെയ്ത കാര്യങ്ങൾ

ഉണ്ണിയുടെ അറസ്റ്റ്

കണ്ണൻ പറഞ്ഞ – അവൻ അനുഭവിച്ച കാര്യങ്ങൾ -പിന്നെ അവൻ അയച്ചു കൊടുത്ത ആ വളയങ്ങൾ കാണിച്ചു

അവസാനം ഇന്നത്തെ ആക്സിഡന്റ് വരെ പറഞ്ഞു ഹർഷൻ.വീഡിയോയും കാണിച്ചു കൊടുത്തു

( ആ വീഡിയോയിൽ മറ്റാരും ശ്രദ്ധിക്കാതെ ഇരുന്ന കാര്യം – ആ ലോറി ഡ്രൈവർ ഇടിക്കുന്ന സമയത്തുപോലും ഒരു ഭാവമാറ്റവും ഇല്ലാതെ ഇരിക്കുന്നത് ആണ് – പിന്നെ ലോറിയിൽ നിന്ന് പറന്നു പോകുന്ന ആ വലിയ പക്ഷിയും- അതിനു ശേഷം ഡ്രൈവർക്കു വന്ന മാറ്റവും കണ്ടു ജാനകി വല്ലഭൻ)

വളരെ ഗൗരവമായി എല്ലാം മൂളികേട്ട ജാനകി വല്ലഭൻ ചോദിച്ചു.

“ഹര്ഷനു ദൈവ വിശ്വാസം ഉണ്ടോ “-

ഹർഷൻ :- ഉണ്ട്

ജാനകി വല്ലഭൻ :- “എത്രത്തോളം” – തനിക്കു ഒരു പ്രശനം ഉണ്ടായാൽ അത് തീർക്കാൻ താൻ ദൈവത്തെ പ്രാർത്ഥിക്കുന്നു – തന്റെ വിശ്വാസം അല്ലെ – പക്ഷെ അത് നടന്നില്ലെങ്കിൽ താൻ ദൈവത്തെ തള്ളി പറയുമോ

ഹർഷൻ ;- ദൈവന്റെ നമ്മൾ തള്ളി പറയില്ലല്ലോ ഒരിക്കലും – അത് എന്നിലുള്ള വിശ്വാസം അല്ലെ അമ്മാവാ –