ഒരൊറ്റ നിമിഷം അന്തരീക്ഷം നിശബ്ദമായി.. ചീവിടുകളുടെ ശബ്ദം പോലും നിലച്ചെന്ന് തോന്നിച്ച നിമിഷം…തൊട്ടടുത്ത നിമിഷം ,അവിടെ തളകെട്ടിയ നിശബ്ദതയെ കീറിമുറിച്ചുകൊണ്ട് ഉമ്മാടെ ശബ്ദം…

“മോനെ………..” അത് അവിടെയാകെ അലയടിച്ചു….

കൂടെ പെങ്ങന്മാരും ..

വെടി കൊണ്ടത് ഇടനെഞ്ചിനു തൊട്ട് മുകളിൽ. ഞാൻ അവിടെ അമർത്തിപിടിച്ചുകൊണ്ട് നിലത്തിരുന്നു.. പാതിയടഞ്ഞ കാറിന്റെ ഗ്ലാസിലൂടെ ഉള്ളിലെ ആ മനുഷ്യനെ ഞാൻ കണ്ടു.. വീട്ടിലുള്ളവർ ഓടിവന്ന് എന്നെ താങ്ങിയെടുത്തു.. മൂത്താപ്പ കാറെടുത്തു.. എന്നെ അതിൽ കയറ്റി ആശുപത്രി യിലേക്ക്..

ആശുപത്രി കിടക്കയിൽ മരണത്തോട് മല്ലടിച്ച് മൂന്ന് ദിവസം..

പൊലീസ് അന്ന്വോഷണം തുടങ്ങി..

ലോക്കൽ സെക്രട്ടറി യെ വധിക്കാൻ ശ്രമിച്ചതിൽ പ്രതിക്ഷേതിച്ച് നാട്ടിൽ മുഴുവൻ പ്രക്ഷോഭങ്ങൾ അലയടിച്ചു..

എനിക്കെതിരെയുള്ള വധ ശ്രമത്തിന്റെ അന്വോഷണം പിന്നീട് എന്റെ മുൻ കാലങ്ങളിൽ ചെന്നെത്തി…
സിഐ ദിനേഷ്‌ കൃത്യമായി അതെല്ലാം അന്വോഷിചറിഞ്ഞു..

ദിവസങ്ങൾക്ക് ശേഷം സിഐ ദിനേഷ്.. താൻ അന്വോഷിച്ചറിഞ്ഞ ചില വസ്തുതകൾ വിനോദിനോട് സംസാരിക്കുന്നു..

“വിനോദെ..നമ്മളൊ അൻവറൊ മനസിലാക്കിയതിനുമപ്പുറത്താണു‌ സത്യങ്ങൾ..”

“സാറെന്താ പറഞ്ഞ് വരുന്നത്”?

” അൻവർ അലിയും ഷാഹിനയും തമ്മിലുള്ള പ്രണയം…അതിന്റെ സത്യാവസ്ഥ മറ്റൊന്നാണു.. “” ഇന്നലെ സാജിതാനെയും ഞാൻ കണ്ടു വിശദമായി സംസാരിച്ചു.. അൻവർ എഴുതിയ കവിത സാജിത സ്റ്റേജിൽ ആലപിച്ചു.. അത് കേട്ട് ഓടിയെത്തിയ അൻവറിനു അവളോട് എന്തൊ ഒരു ആരാധന തോന്നി.. ആ കവിതയാലാപനത്തിനു അൻവർ ന്റെ വക സമ്മാനം.. അതിന്നും സൂക്ഷിക്കുന്നു സാജിത.. രണ്ട് ദിവസം മുമ്പ് അത് അൻവറിനു തിരിച്ച് കൊടുത്തു അങ്ങെനെയെങ്കിലും ആ ഹൃദയം ഉണരാൻ വേണ്ടി…”

“സാറൊന്ന് തെളിച്ച് പറ…”

പന്ത്രണ്ട് വർഷം മുമ്പ്…….
പ്രണയവും സൗഹൃദങ്ങളും മുളപൊട്ടി പൂത്ത് തളിർത്തിരുന്ന , പാറിപറന്നിരുന്ന കലാലയം .
ഈക്വിലാബിന്റെ ഇരമ്പലുകൾ കേട്ട് ചുവന്ന് പൂത്ത വാക മരങ്ങളുടെ കലാലയം..