താമര മോതിരം 5 [Dragon] 492

കാറ്റും ,ഇടിയും മിന്നലും തുടങ്ങി, മഴ ഇപ്പൊ പെയ്യും എന്ന അവസ്ഥയിൽ തന്നെ കുറച്ചു നേരം മഴ എന്തോ കാത്തുനിൽക്കുന്നത് പോലെ തോന്നി കണ്ടുനിൽക്കുന്നവർക്ക്.

പെട്ടെന്ന് എവിടെ നിന്ന് ആണെന്ന് അറിയില്ല ഒരു കറുത്ത വലിയ പക്ഷി അവിടേക്ക് പറന്നു വന്നു -ഒരു വലിയ കഴുകൻ – കണ്ണ് രണ്ടും ചുവന്നു തുടുത്തു

ഒരു വർഷക്കാലം എവിടേയോ അടച്ചിട്ടു നല്ല മാംസം കൊടുത്തു വളർത്തിയത് എന്ന് തോന്നുന്ന വിധം വളരെ മാംസനിബിഢമായ ശരീരത്തോട് കൂടിയ ആ പക്ഷിയുടെ ചിറകു രണ്ടും വിടർത്തി വീശുമ്പോൾ ഉണ്ടാകുന്ന കാറ്റ് മതിയാകും ഒരാൾ തെറിച്ചു പോകാൻ .

ആ പക്ഷി കണ്ണന്റെ തലയ്ക്കു ചുറ്റും വട്ടമിട്ടു പറക്കാനും കൂടെ വിചിത്രമായ ഒച്ചയിൽ കരയാനും തുടങ്ങി. മഴമാറി നിൽക്കുന്ന കറുത്തിരുണ്ട ആ ആകാശത്തിന്റെ ചുവട്ടിൽ എന്താണ് നടക്കുന്നത് എന്ന് പോലും ബോധമില്ലാത്ത അവസ്ഥായിൽ ആയിരുന്നു കണ്ണൻ.

കുറച്ചകലെയായി കണ്ണന് എതിരെ വെറുതെ പതിയെ വരുകയായിരുന്ന ഒരു ടിപ്പർ ലോറി കണ്ടു ആ കഴുകൻ അങ്ങോട്ടേക്ക് പറന്നു പോയി,പിന്നെ ആ ലോറിയുടെ മുകളിൽ സ്ഥാനം ഉറപ്പിച്ചു,

പെട്ടെന്ന് മുന്നിൽ എന്തോ തടസം കണ്ടപോലെ തോന്നിയ ആ ലോറി ഡ്രൈവർ ബ്രേക്ക് അടിച്ചു, പെട്ടെന്നുമുണ്ടായ ആ പ്രവർത്തിയിൽ അയാൾ തന്നെ മുന്നോട്ടാഞ്ഞു സ്റ്റീയറിങ് വീലിൽ നെഞ്ചും തലയും ഇടിച്ചു ബോധം പോയി.

എന്നാൽ ലോറി ഇപ്പോഴും ഓടി കൊണ്ടിരിക്കുന്നു – ആ ഡ്രൈവർ ഇപ്പോൾ എഴുനേറ്റു ലോറിയുടെ ആക്സിലേറ്റർ ആഞ്ഞു ചവിട്ടി മുന്നോട്ടേക്ക് പാഞ്ഞു കൊണ്ടിരിക്കുന്നു

,ആ സ്പീഡിൽ ഓടിക്കൊണ്ടിക്കുമ്പോഴും പെട്ടെന്നുള്ള ആക്സിലേറ്റരിൽ ലോറിയുടെ ടയർ റോഡിൽ ഉറഞ്ഞു കൊണ്ട് ഇരട്ടി വേഗത കൈവരിച്ചു.

മുന്നിലേക്ക് ഒരു തീഷ്ണമായ ക്രൂരഭാവത്തോടെ നോക്കികൊണ്ടിരിക്കുന്ന ഡ്രൈവറിന്റെ കണ്ണുകൾ  നേരത്തെ കണ്ട പക്ഷിയുടേത് പോലെ ചുവന്നു തുടുത്തു ഇരിക്കുന്നു.

അപ്പോഴേക്കും ദൂരെയായി കണ്ണന്റെ ബൈക്ക് കാണുവാൻ സാധിച്ചു ലോറി ഡ്രൈവറിനു-

അയാൾ വീണ്ടും വണ്ടിയുടെ വേഗത കൂട്ടി കൊണ്ടു വണ്ട് മുന്നോട്ടേക്ക് പായിച്ചു –

ലോഡ് ഇല്ലാത്തതിനാൽ വണ്ടിയുടെ പിൻഭാഗം ഉയർന്ന വേഗതയിൽ കിടന്നു അടിക്കുന്നുണ്ടായിരുന്നു.

അത് ഒരു വലിയ ശബ്ദമായപ്പോൾ അവിടെ ഉണ്ടായിരുന്ന ആൾക്കാർ എല്ലാം ആ ലോറിയെ ശ്രദ്ധിക്കാനും അത് ഒരു നിയന്ത്രണമില്ലാതെ മുന്നിൽ വരുന്ന ബൈക്കിനു നേരെ പാഞ്ഞു പോകുന്നതും കണ്ടു ഉച്ചത്തിൽ നിലവിളിക്കാൻ തുടങ്ങി.

അതെ സമയം – കണ്ണന്റെ വീട്ടിൽ കുളത്തിന്റെ അടിത്തട്ടിൽ ഉണ്ടായിരുന്ന ആ നീലകല്ലിൽ നിന്ന് പ്രകാശം  വർഷിക്കാൻ  തുടങ്ങി – പകൽ സമയം ആയിട്ട് പോലും അതിന്റെ പ്രകാശം പുറത്തു നിന്ന് കാണാൻ സാധിക്കുന്ന വിധം ആയിരുന്നു,