താമര മോതിരം 5 [Dragon] 493

കൃഷിയിറക്കാൻ പൈസ കൊടുക്കുന്ന പതിവ് ഉണ്ടായിരുന്നു റെഡ്ഡി ഇവിടെ ആദ്യമായി വന്ന സമയത്തു- പിന്നെ ആ പൈസ തിരികെ കൊടുക്കാൻ ആകാതെ നിസാര വിലയ്ക്കു  തന്റെ ഭൂമി കൊടുത്തു ആത്മഹത്യ ചെയ്യുന്ന കർഷകൻ അവിടത്തെ സ്ഥിരം കാഴ്ചയായിരുന്നു.

പൂത്തു കായ്ച്ചു നിന്ന വയലുകൾ നേരം വെളുക്കുമ്പോൾ മൊത്തം ചീഞ്ഞു / വാടി പോകുന്ന  രോഗം തുടങ്ങിയതിനു ശേഷമാണ് ഇവർക്ക് ഈ കഷ്ടപ്പാട് ഉണ്ടായതു – അതിനു എന്താണ് കാര്യം എന്ന് ഇതുവരെ അവർക്കാർക്കും മനസിലായില്ല –

എന്നാൽ റെഡ്ഡി ഏറ്റെടുത്ത വയലുകൾക്കു ഒന്നും ആ പ്രശ്നം ഉണ്ടാകാറില്ലാരുന്നു.

ആകെ മൊത്തം എന്തുചെയ്യണം എന്നറിയാതെ നിൽക്കുന്ന അവസ്ഥായിൽ ആണ് ആ മഹാക്ഷേത്രത്തില മുനി അവരോടു ഒരു ഹോമം ചെയ്യുന്നതിനായി പറഞ്ഞത് – അവർ അറിയാതെ ചെയ്യണം എന്നും പ്രതേകം പറഞ്ഞു ഉറപ്പിച്ചിരുന്നു അദ്ദേഹം – ആ ഹോമം  ആണ് ഇവിടെ നടന്നു കൊണ്ടിരിക്കുന്നത്.

ആ മുനിയുടെ അഭ്യർത്ഥന പ്രകാരം – ആ നാട്ടിന്റെ പുറത്തു നിന്ന് വന്ന കുറച്ചു പുരോഹിതൻമാരാണ്  ഹോമം നടത്തിയിരുന്നത്-

ഹോമം അതിന്റെ പൂർണതയിൽ എത്തുന്ന നേരം ദൂരെ നിന്നും വരുന്ന ജീപ്പുകളുടെ ശബ്ദം കേട്ട് വെളിയിൽ കാവൽ നിന്നിരുന്ന ആൾക്കാർ എല്ലാപേർക്കും അറിയിപ്പ് കൊടുത്തു –

കൂടെ എല്ലാപേരും അവിടെ ഉണ്ടായിരുന്ന കൃഷി കഴിഞ്ഞ വയലുകൾ കൃഷിച്യ്തു കൊയ്ത്തു  കഴിഞ്ഞ ശേഷം മിച്ചം വരുന്ന നെല്ലിന്റെയും ചോളത്തിന്റെയും,സൂര്യകാന്തിയുടെയും – ഇലകളും  തണ്ടുകളും മറ്റും അവിടെ തന്നെ  കൂട്ടിയിട്ട് കത്തിക്കുവാൻ തുടങ്ങി.

ജീപ്പുകൾ അടുത്തെത്തിയപ്പോൾ അവർ കണ്ടു മുന്നിലത്തെ ജീപ്പിൽ – മുന്നിലത്തെ സീറ്റിൽ ഒരു കാൽ പുറത്തേക്ക് ഇട്ടു – ജീപ്പിന്റെ ചവിട്ടുപടിയിൽ ചവിട്ടി – ഒരു വലിയ മഴു ജീപ്പിന്റെ പടിയിൽ കുത്തി ഇരിക്കുന്നു

അവൻ

റെഡ്ഡിയുടെ വലം കൈയ് -റെഡ്ഢിയുടെ സാംബ്രാജ്യം ഇവിടെ കെട്ടിപ്പടുക്കാൻ അയാളെ സഹായിച്ച ആൾ, റെഡ്ഡി  ഒന്ന് നോക്കിയാൽ അവിടം ചുട്ടു ചാമ്പലാക്കി കൊണ്ടു വരുന്ന അയാളുടെ വിശ്വസ്ഥാൻ,

ബദാമി ഗ്രാമത്തിലെ എല്ലാ ‘അമ്മ,പെങ്ങൾ തുടങ്ങി പെണ്ണായി ഇന്നലെ ജനിച്ച പെൺകുട്ടി പോലും പേടിക്കണ്ട – കണ്ണിൽ പെടാതിരിക്കേണ്ട

മഹാ ദുഷ്ടൻ

എതിർക്കുന്നവരെ നിഷ്ക്കരുണം വധിക്കാൻ എപ്പോഴും റെഡ്ഢിയുടെ മൗനാനുവാദമുള്ളവൻ.

ഒരു ആജാന ബാഹു

കബോലദൃംഷ്ടൻ –

നഖത്തിൽ വരെ ക്രൂരത ഒളിഞ്ഞിരിക്കുന്നവൻ – അവന്റെ കണ്ണുകളിൽ മരണം എപ്പോഴും ഉണ്ടാകും –