സംഭവാമി യുഗേ യുഗേ Part 3 [John Wick] 135

പിറ്റേന്ന് രാവിലെ എന്നെ ഹോട്ടൽ റീസെപ്ഷനിസ്റ്റ് വിളിച്ചുണർത്തി. പ്രഭാത കൃത്യങ്ങൾ എല്ലാം കഴിഞ്ഞിറങ്ങിയപ്പോൾ റൂമിലെ ബെൽ ആരോ അടിച്ചു. തുറന്നു നോക്കിയപ്പോ വെയ്റ്റെർ ചായയുമായി നിൽക്കുന്നു. ചായ കപ്പ്‌ വെച്ചിരിക്കുന്ന സൗസറിൽ ഒരെഴുത്ത് കണ്ടു. ഞാൻ വേഗം ചായ വാങ്ങി റൂമിലേക്കു കയറി വാതിലടച്ചു. സൗസ്റിൽ നിന്നും എഴുതിയ കടലാസ് എടുത്തു

“Kuruvila Group of Companies, Bandra

Infrastructure Investment”

ഇതായിരുന്നു അതിൽ എഴുതിയിരുന്നത്. വേഗം തന്നെ ഞാൻ ചായ കുടിച്ച് റെഡി ആയി.

ഒരു ഫോർമൽ ഷർട്ടും പാന്റും എടുത്തിട്ട് ഷർട്ട്‌ ഇൻ ചെയ്തു വെച്ചു.ഒരു കടലാസ്സിൽ ഞാൻ കുറച്ച് കാര്യങ്ങൾ എഴുതി.

താഴെ ഇറങ്ങിയപ്പോൾ തന്നെ എന്റെ ടീമിനെ ഞാൻ കണ്ടു. ടീം ലീഡേർക്ക് ഞാൻ കണ്ണ് കൊണ്ട് സിഗ്നൽ നൽകി. പാർക്കിങ്ങിൽ കയ്യിലെ കടലാസ്സിട്ടുകൊണ്ട് വണ്ടി എടുത്തു കൊണ്ട് പോയി.അയാൾ വന്ന് ആ പേപ്പർ എടുത്ത് വായിക്കുന്നത് ഞാൻ റിയർ കണ്ണാടിയിലൂടെ കണ്ടു.

ആ പേപ്പറിൽ:”Don’t Follow Me”

************************************************

ഫെബിൻ കുരുവിള തങ്ങളുടെ പുതിയ ഷോപ്പിംഗ് മാളിലേക്ക് ഇൻവെസ്റ്റ്മെന്റുകൾ ഉണ്ടാക്കാനുള്ള പാച്ചിലിൽ ആണ്.ജോൺ കുരുവിള അധികം ഇത്തരം കാര്യങ്ങളിൽ ഇടപെടാതെ മക്കൾക്ക് വേണ്ട സ്വാതന്ത്ര്യം നൽകിയിരിക്കുകയാണ്. അയാളുടെ ഭാര്യയുടെ മരണശേഷം മക്കളാണ് എല്ലാം നോക്കുന്നത്.ഫ്രാൻസിസ് അമേരിക്കയിൽ തങ്ങളുടെ ബ്രാഞ്ച് നോക്കി നടത്തുകയാണ്. ഫെബിൻ ഇന്ത്യയിലും. രാവിലെ ഒരു 9മണി ആയപ്പോൾ ഫെബിന്റെ റൂമിലെ ഇന്റർകോം ശബ്ദിച്ചു.ഫെബിൻ അതെടുത്തു.

“സർ ഇവിടെ ഒരാൾ വന്നിരിക്കുന്നു. കണ്ടിട്ട് ഒരു ഇൻവെസ്റ്റർ ആണെന്ന് തോന്നുന്നു.”റീസെപ്ഷനിസ്റ്റ് പറഞ്ഞു.

“ആഹ് അയാളെ വേഗം റൂമിലേക്ക് വിട്”ഫെബിൻ പറഞ്ഞു.

“ഓക്കേ സർ”റീസെപ്ഷനിസ്റ്റ് ഫോൺ വെച്ചു.

ഫെബിൻ ആകെ ത്രില്ലിൽ ആയിരുന്നു. ഇൻവെസ്റ്റർ ആണ് വരുന്നത് അയാളെ എങ്ങനെ ഇമ്പ്രെസ്സ് ചെയ്യണം എന്ന് ആലോചിക്കുകയാണയാൾ വരുന്നത് തന്റെ മരണമാണെന്നറിയാതെ…..

************************************************

കുരുവിള ഗ്രൂപ്പ്‌ ഓഫ് കമ്പനിസിന്റെ ഹെഡ് ഓഫീസിൽ ഞാൻ ഒരു 9മണിയോടെ എത്തി.ഫെബിൻ കുരുവിളയെ കാണണം എന്ന് ഞാൻ റീസെപ്ഷനിസ്റ്റിനോട് പറഞ്ഞു.വേഗം തന്നെ അയാൾ ഇന്റർകോം വഴി