സംഭവാമി യുഗേ യുഗേ Part 3 [John Wick] 135

വേണ്ടി തയ്യാറെടുക്കുകയായിരുന്നു. കുരുവിളയും ഒടുവിൽ പ്രതികാരത്തിനായി ഒരുങ്ങി. എസ്കിമോ തന്നാൽ ആകും വിധം അവരെ പറഞ്ഞു മനസിലാക്കാൻ ശ്രമിച്ചുവെങ്കിലും അത് വിജയിച്ചില്ല.അവസാനത്തെ അടവെന്നപോലെ  എസ്കിമോ ഇവരിലേക്ക് ഭയത്തെ നിറക്കുവാൻ ശ്രമിച്ചു.

“ചെല്ല് എല്ലാവരും ചെല്ല് പക്ഷെ ഒന്നോർത്തോ നിങ്ങൾ പോകുന്നത് പുലി മടയിലേക്കോ സിംഹത്തിന്റെ വായിലേക്കോ അല്ല മരണമില്ലാത്ത മരണത്തിന്റെ അടുത്തേക്കാണ്. നിങ്ങളുടെ പക അവന്റെ ശക്തിയെ കൂട്ടുകയല്ലാതെ ഒരിക്കലും കുറക്കുകയില്ല. ഞാൻ ഈ സീൻ വിടാൻ പോവുകയാണ്, അവന്റെ കയ്യിൽ പെടുന്നതിനേക്കാളും ഭേദം വല്ല ലോറിക്കും തല വെക്കുന്നതാണ്.ഒന്നോർത്തോ അമേരിക്കയിലെ അറിയപ്പെടുന്ന കൊലയാളി ആയ ഞാൻ അയാളെ പേടിക്കുന്നുവെങ്കിൽ അവൻ എന്താണ് ഊഹിക്കാവുന്നതേയുള്ളു. നിങ്ങളുടെ ഇളയ മകനെ നിങ്ങൾക്ക് ഇപ്പോൾ നഷ്ട്ടപെട്ടു മിസ്റ്റർ കുരുവിള, അടുത്തത് നിങ്ങളുടെ മൂത്ത മകനായ ഫ്രാൻസിസ് ആയിരിക്കും. പോലീസിനും അധികാരത്തിനും അവനെ തളക്കുവാൻ സാധിക്കില്ല,അവൻ അദൃശ്യനാണ്.”എസ്കിമോ പറഞ്ഞ വാക്കുകൾ ഫ്രാൻ‌സിസിന്റെ കണ്ണ് തുറപ്പിച്ചു.

“ആരാ നീ തന്നെ പറ എസ്കിമോ ആരാ എന്റെ അനിയനെ കൊന്നത്?”ഫ്രാൻസിസ് ഭ്രാന്തനെപോലെ അലറി.

“Death”എസ്കിമോ അത്ര മാത്രമേ പറഞ്ഞുള്ളു.

“Death? ആരാണത്?”ഫ്രാൻസിസ് അക്ഷമയോടെ ചോദിച്ചു.

“വില്ലി അഥവാ വില്യം അഥവാ മരണം”  എസ്കിമോ വളരെ സാവധാനത്തോടെ ആ പേര് പറഞ്ഞു.

ഫ്രാൻസിസ് ആകെ ഞെട്ടലിലും പേടിയിലുമാണ്. അധോലോക പ്രവർത്തനങ്ങളിൽ പങ്കാളിയായ ഫ്രാൻ‌സിസിനു അത്രയും മതിയായിരുന്നു ആളെ തിരിച്ചറിയുവാൻ. അധോലോകത്തിന്റെ നായകൻ,മരണ ധൂതൻ എന്നിങ്ങനെ പല പേരുകളിൽ അറിഞ്ഞിരുന്ന വില്ല്യം പക്ഷെ പലരിൽ നിന്നും അദൃശ്യനാണ് കൂടെ അന്റോണിയോ എന്ന കൂടപ്പിറപ്പും.എസ്കിമോ പറഞ്ഞപോലെ അവരുടെ കയ്യിൽ കിട്ടുന്നതിനേക്കാളും നല്ലത് ലോറിയിലേക്ക് തല വെക്കുക തന്നെയാണെന്ന് ഫ്രാൻ‌സിസിനും തോന്നി.

“നീ എന്ത് നോക്കി നിക്കുവാടാ വാ അവനെ കൊന്നിട്ടെ ഞാൻ അടങ്ങു”കലി തുള്ളിക്കൊണ്ട് കുരുവിള പറഞ്ഞു.ഫ്രാൻസിസ് മുഖം താഴ്ത്തി കൊണ്ട് വേണ്ട എന്ന രീതിയിൽ തല കുലുക്കി കാണിച്ചു. തന്റെ മകനും അയാളെ പേടിക്കുന്നു എന്നറിഞ്ഞ കുരുവിള ധര്മസങ്കടത്തിലായി. ഒരു ഭാഗത്ത്‌ ഇളയ മകന്റെ മരണം, മറുവശത്തു അദൃശ്യനായ എതിരാളിയും…….പോരാട്ടങ്ങളിലേക്ക് അവർ വീണ്ടും അടുത്ത് കൊണ്ടിരിക്കുന്നു.

തുടരും…..

************************************************

പ്രിയപെട്ട സുഹൃത്തുക്കളെ,

ഈ കഥ കുറച്ച് കാലത്തേക്ക് നിർത്തി വെക്കുകയാണ്. എനിക്ക് ക്ലാസുകൾ ഉണ്ട്. പരീക്ഷയുണ്ട്,നോട്സ് എഴുതുവാനുണ്ട്. ആകെ മൊത്തം അടുത്ത കുറച്ച് മാസങ്ങൾ ഞാൻ തിരക്കിലായിരിക്കും,ക്ഷമിക്കുമല്ലോ

ഒരിക്കലും ഈ കഥ ഞാൻ ഇടക്ക് വെച്ച് നിർത്തി പോകില്ല എന്ന് നിങ്ങൾക്ക് ഉറപ്പ് തരുന്നു.എല്ലാം ഒന്ന് കേട്ടടങ്ങിയ ശേഷം ഞാൻ നിങ്ങൾക്ക് ഒരു വെടിക്കെട്ടിനുള്ള സ്കോപ്പുമായി വരുന്നതാണ്. ഇതുവരെ പ്രോത്സാഹനങ്ങൾ നൽകിയ എല്ലാ വായക്കാർക്കും എന്റെ പ്രിയ സുഹൃത്തുക്കൾക്കും എന്റെ ഹൃദയം നിറഞ്ഞ നന്ദി രേഖപെടുത്തുന്നു

ഏവർക്കും നല്ലൊരു പുതുവത്സരം ആശംസിക്കുന്നു

John Wick