സംഭവാമി യുഗേ യുഗേ Part 3 [John Wick] 135

“ശിവാനി”പതിഞ്ഞ സ്വരത്തിൽ അവൾ പറഞ്ഞു.

“ആഹ് ഞാൻ വില്ലി.താൻ തന്റെ കഥ പറ”അവൻ ഒരു കസേര എടുത്ത് അവളുടെ അടുത്തേക്കിരുന്നുക്കൊണ്ട് പറഞ്ഞു.

“കഥയോ?”അവൾ ആശ്ചര്യത്തോടെ വില്ലിയെ നോക്കി.

“ആഹ് തന്റെ ജീവിത കഥ. വെറുതെ താൻ ഇങ്ങനെ ഇറങ്ങില്ല പിന്നെ പേടിക്കൊണ്ടും ആണ് ഈ ജോലി ചെയ്യാൻ ഇറങ്ങുന്നതെന്ന് മനസിലായി. സൊ കഥ പറ “വില്ലി പറഞ്ഞു.

“അതെ പേടികൊണ്ടാ ഞാൻ ഇറങ്ങിയത് അവന്മാർ എന്നെ കൊല്ലും ഇല്ലെങ്കിൽ”ദേഷ്യം കലർന്ന സങ്കടത്തോടെ അവൾ പറഞ്ഞു.

എന്നിട്ട് അവളുടെ കഥ വളരെ ചുരുക്കത്തിൽ വില്ലിയെ പറഞ്ഞു കേൾപ്പിച്ചു. ശിവാനിയുടെ കഥ കേട്ട വില്ലി കസേരയിലേക്ക് ചാരി ഇരുന്നു.തന്റെ തനി പകർപ്പായി വില്ലിക്ക് ശിവാനിയെ തോന്നി.

“കൊല്ലും ഞാൻ ഒരിക്കൽ അച്ഛനെയും മക്കളെയും”കുഞ്ഞു കുട്ടികളുടെ നിഷ്‌ക്കളങ്കതയോടെയാണ് അവൾ പറഞ്ഞതെങ്കിലും ഇരയെ കിട്ടിയ കുറുക്കന്റെ മനോവിചാരത്തിലേക്ക് വില്ലി എത്തി.

അവൻ പതിയെ എണീറ്റ് അടുത്തുള്ള ജനാലക്കരികിലേക്ക് നീങ്ങിക്കൊണ്ട് കയ്യിലെ ക്യൂബൻ സിഗരറ്റ് എടുത്ത് കത്തിച്ചു. അവന്റെ നിൽപ്പും ഭാവവും കണ്ട ശിവാനി ചെറുതായി ഒന്ന് പേടിച്ചു.

“അവരെ കൊല്ലാൻ ഞാൻ സഹായിക്കാം നിന്നെ”ഗൗരവത്തോടെ വില്ലി പറഞ്ഞു.

ശിവാനി ഇത് കേട്ട് ആകെ ഞെട്ടി.

“ഏട്ടൻ….. ഫെബിയുടെ കൂട്ടുകാരൻ അല്ലേ?”ശിവാനി കസേരയിൽ നിന്നെണീറ്റ് കൊണ്ട് ചോദിച്ചു.