സംഭവാമി യുഗേ യുഗേ Part 3 [John Wick] 135

പക്ഷെ അവന്റെ ദേഹത്തെ കുരുവിള കാണുമ്പോൾ തുന്നി ചേർത്ത് വികൃതമായിരിക്കണം. മകനെ… വില്ലി, നിന്റെ ദൗത്യവും ഇവരുടെ മരണവും കഴിയാതെ ഈ ലോകത്തു നിന്നും ഞാൻ യാത്രയാവില്ല.നീ മരണമാണ്. നിന്നെ ആശിർവാദിക്കുവാൻ എന്നെക്കൊണ്ട് കഴിയില്ല എങ്കിലും നിന്നെ മരണത്തിന്റെ ദേവന്മാരും ദേവതമാരും അസുരന്മാരും തുണക്കട്ടെ.”തളർന്ന എന്നാൽ പക സ്ഫുരിക്കുന്ന ശബ്ദത്തോടെ ഗോൻസൽവേസ് പറഞ്ഞു കൊണ്ട് ഫോൺ കട്ട് ചെയ്തു.

വില്ലിയുടെ കാതുകളിൽ ഗോൻസൽവേസ് പറഞ്ഞ വാക്കുകൾ അലയടിച്ചു.

“മരണമാണ് നീ……..”

************************************************

ഫെബിൻ അൽപ്പനരത്തിനു ശേഷം കണ്ണ് തുറന്നു. എല്ലാം തലകീഴായി കിടക്കുന്നതുപോലെ ഫെബിന് തോന്നി. ഒന്ന് കൂടി നോക്കിയപ്പോൾ താൻ ആണ് തല കീഴായി കിടക്കുന്നതെന്ന് മനസിലായി.കുറച്ച് അകലെ ആയി കസേരയിൽ ഒരാൾ മുഖം മറച്ച് തൊപ്പി വെച്ചിരിക്കുന്നു. അടുത്ത് തന്നെ ശിവാനിയും. താൻ കിടക്കുന്നതിന്റെ അടുത്തായി ഒരു ട്രേയിൽ നഴ്സുമാർ ഉപയോഗിക്കുന്ന സാധനങ്ങൾ ഇരിക്കുന്നു.

“ഡാ…… വില്ലി….നീ ആരോടാ കളിച്ചതെന്ന് നിനക്കറിയില്ല.നീ ഒക്കെ മരണത്തിലേക്കാടാ കാലെടുത്തു വെച്ചിരിക്കുന്നത്. എന്റെ ഡാഡിയും ഇച്ചായനും ഇതറിഞ്ഞാൽ ഉള്ള അവസ്ഥ അറിയുമോ നിനക്ക്? ഏഹ്?”ഫെബിൻ അഹങ്കാരത്തിന്റെ പുറത്ത് പിന്നെയും കുറെ എന്തൊക്കെയോ പുലമ്പി. അവസാനം വില്ലി തൊപ്പി ശെരിക്ക് വെച്ച് ഫെബിന്റെ കണ്ണിലേക്കു നോക്കി.അന്നേരത്തെ വില്ലിയുടെ രൂപം കണ്ട ഫെബിൻപോലും ഒരുനിമിഷം പകച്ചു.

View post on imgur.com

പൊതുവെ കുറച്ച് ഇരുണ്ട നിറമുള്ള വില്ലിയുടെ ശരീരത്തിലെ പേശികളെല്ലാം വലിഞ്ഞു മുറുകി. കണ്ണുകൾ രക്തവർണമായി. മുഖത്ത് ഇരയുടെ ചോര കുടിക്കുവാൻ മോഹമുള്ള മരണ ദൂതനെ പോലെ വില്ലി കാണപ്പെട്ടു.