സംഭവാമി യുഗേ യുഗേ Part 3 [John Wick] 135

കേരളത്തിൽ തങ്ങൾക്കെറ്റ തിരിച്ചടികളിൽ പതറാതെ നിന്നത് തന്നെ അമേരിക്കയിലെ ബിസിനസ്‌ ഒന്നുകൊണ്ട് മാത്രമാണ്.എന്നും കുരുവിളയ്ക്ക് തന്റെ മൂത്ത പുത്രനെ വളരെ വാത്സല്യമാണ്.ഫ്രാൻസിസ് വളരെ പെട്ടെന്ന് തന്നെ റൂമിലേക്ക് കയറി. എന്നിട്ട് കുറച്ച് നേരം കുരുവിളയോട് കുശലം അന്വേഷിച്ചു.എന്നിട്ട് റൂമിലേക്ക് പോയി ഒന്ന് ഫ്രഷ് ആയി വന്നു. കയ്യിൽ ഒരു വിസ്കി ബോട്ടിലുമായി കുരുവിളയുടെ അടുത്ത് പോയിരുന്നു.

“ഡാഡി, ഫെബി എവിടെ?”ഫ്രാൻസിസ് ചോദിച്ചു.

“അവൻ നീ നാളെയെ വരുള്ളൂ എന്ന് പറഞ്ഞതോണ്ട് പുതിയ ഒരു ഇൻവെസ്റ്ററെ ചാക്കിലാക്കാൻ പോയിരിക്കുവാ”കുരുവിള പറഞ്ഞു.ഫെബിൻ ഒരു പെഗ് ഒഴിച് കുരുവിളയ്ക്കും ഒരു പെഗ് അവനും എടുത്തു.

“അല്ല നമ്മുടെ എസ്കിമോ എവിടെ?”ഫ്രാൻസിസ് അവരുടെ അമേരിക്കൻ കില്ലറെ അന്വേഷിച്ചു.

“അവൻ നീ വരുന്നതും കാത്ത് തിന്നും കുടിച്ചും ഇവിടെ ഉണ്ട്.”ഒരു പരിഹാസത്തോടെ കുരുവിള പറഞ്ഞു.

“ആഹ് ഞാൻ അവനെ ഒന്ന് വിളിച്ച് ഇങ്ങോട്ട് വരാൻ പറയട്ടെ”ഫ്രാൻസിസ് അതും പറഞ്ഞ് ഫോൺ എടുത്ത് എസ്കിമോയെ വിളിച്ചു. എസ്കിമോ വേഗം തന്നെ വരാം എന്ന് പറഞ്ഞു.ഫ്രാൻ‌സിസും കുരുവിളയും കുറച്ചു നേരം കൂടെ ഓരോന്ന് പറഞ്ഞിരുന്നു.

ഒരു അരമണിക്കൂറിനു ശേഷം എസ്കിമോ അവരുടെ ഫ്ലാറ്റിൽ എത്തി.ആ കറുത്ത് തടിച്ച ആ ഭീമാകാരനെ കണ്ടാൽ തന്നെ ഭയം തോന്നും. അയാൾ വന്ന് അടുത്തുള്ള കസേരയിലേക്ക് ഇരുന്നു.(ഇംഗ്ലീഷിൽ)

“എസ്കിമോ നിങ്ങളുടെ ടാർഗറ്റ് എന്താണെന്ന് അറിയാമല്ലോ? കുറച്ച് റിസ്ക് ആണ് എന്നാലും ഞങ്ങളുടെ അഭിമാനപ്രശ്നമാണ് അതുകൊണ്ട് എന്ത് വിലകൊടുത്തും അവരെ കൊല്ലണം. എന്ത് ഹെല്പിനും ഞങ്ങൾ ഉണ്ട്.”ഫ്രാൻസിസ് പറഞ്ഞു.

“എനിക്ക് ടാർഗറ്റ് അറിയാം ആകെ അറിയാത്തത് ആ സ്ഥലമാണ് അത് മാത്രം പറഞ്ഞു തന്നാൽ മതി”എസ്കിമോ പറഞ്ഞു.