സംഭവാമി യുഗേ യുഗേ Part 3 [John Wick] 135

“ഹഹഹഹഹഹ………….”വില്ലി ഉറക്കെ ഉറക്കെ അട്ടഹസിച്ചു. അവന്റെ നിൽപ്പും കയ്യിലെ സിഗരട്ടും അട്ടഹാസവും ഒക്കെ ശിവാനിയെ ശെരിക്കും ഭയപ്പെടുത്തി.

“ഞാൻ നീ പറഞ്ഞ കുരുവിളയുടെയും മക്കളുടെയും മരണമാണ് ഹഹഹ…..”വില്ലി വീണ്ടും അട്ടഹസിച്ചു.

ശിവാനിയുടെ ഉള്ളിലെയും പ്രതികാരദാഹി ഉണർന്നു തുടങ്ങി. അവളുടെ മുഖത്തും ക്രൂരത നിറഞ്ഞു തുടങ്ങി.ഒട്ടും വൈകാതെ തന്നെ അവളും വില്ലിയുടെ കൂടെ അട്ടഹസിക്കാൻ  തുടങ്ങി.രണ്ട് മരണങ്ങളുടെ സമാഗമം…………

************************************************ഇതൊന്നുമറിയാതെ ഫെബിൻ കാറിൽ കയറി ഓഫീസിലേക്ക് പോവുകയായിരുന്നു.ഫെബിൻ നേരെ അച്ഛൻ ജോണിനെ വിളിച്ചു.

“ആഹ് ഡാഡി, വില്ലിയെ പൂട്ടാൻ ശിവാനിയെ വിട്ടിട്ടുണ്ട്”കള്ള ചിരിയോടെ അവൻ പറഞ്ഞു.

“ഹ്മ്മ് നല്ലത്. അവൾ കൊഴപ്പമുണ്ടാക്കാഞ്ഞാൽ മതി”തന്റെ സ്ഥായി ഭാവത്തിൽ തിരിച്ചു പറഞ്ഞു.

“അതിനുള്ളതൊക്കെ ഞാൻ കൊടുത്തിട്ടുണ്ട്, ഡാഡി പേടിക്കണ്ട. ആഹ് പിന്നെ ഞാൻ ഓഫീസിൽ നിന്നു ഫ്രണ്ട്സിന്റെ അടുത്തേക്ക് പോവും”ഫെബിൻ പറഞ്ഞു.

“ഹാ ശെരി”കുരുവിള പറഞ്ഞുകൊണ്ട് ഫോൺ കട്ട് ചെയ്തു.

************************************************

ഫ്ലാറ്റിൽ വില്ലിയും ശിവാനിയും ഇരിക്കുകയാണ്. അടുത്ത നീക്കങ്ങൾ മനസ്സിൽ കുറിച്ചിട്ടു വന്ന വില്ലിയുടെ എല്ലാ പദ്ധതികളും തകർത്തു കൊണ്ടാണ് ശിവാനിയുടെ വരവ്. എങ്കിലും വളരെ ക്ലിയർ ആയ ചാൻസ് ആയി ഇത് വില്ലിക്ക് തോന്നി. ശിവാനിയോടുള്ള സഹതാപവും അനുകമ്പയുമാണ് വില്ലിയെ അവളെ സഹായിക്കാൻ പ്രേരിപ്പിക്കുന്നത്.

ശിവാനിയാണെങ്കിൽ ഒരു ചേട്ടനെ കിട്ടിയ സന്തോഷത്തിലാണ് മാത്രവുമല്ല തന്റെ ജീവിതാഭിലാഷം നിറവേറുവാൻ സഹായിക്കാമെന്നും വാക്ക് നൽകിയിരിക്കുന്നു.

“ഏട്ടാ….അല്ല ഞാൻ അങ്ങനെ വിളിച്ചോട്ടെ?”മടിച്ചു മടിച്ചുകൊണ്ട് ശിവാനി ചോദിച്ചു.

“എനിക്കനിയത്തി ഇല്ല, സൊ താൻ വിളിച്ചോ”വില്ലി ഗൗരവത്തോടെ തന്നെ പറഞ്ഞു.