സംഭവാമി യുഗേ യുഗേ Part 3 [John Wick] 135

“ആഹ് എന്ന വാ നമുക്ക് പോവാം”ഇതും പറഞ്ഞു വില്ലി കാറിന്റെ കീയും എടുത്തു കൊണ്ട് പുറത്തേക്കിറങ്ങി.ശിവാനി അവനെ അനുഗമിച്ചു.ഫ്ലാറ്റിന്റെ താഴത്തേക്കവർ ലിഫ്റ്റിൽ പോയി. കാർ പാർക്കിങ്ങിലേക്ക് ഇറങ്ങിയ ശിവാനി വില്ലിയുടെ കാർ കണ്ടു ഞെട്ടി. ഒരു അസ്റ്റോൺ മാർട്ടിൻ കാർ. കോടികൾ വിലമതിപ്പുള്ള വണ്ടി.

“ഇതേട്ടന്റെയാണോ?”അവൾ ആശ്ചര്യത്തോടെ ചോദിച്ചു.

“അതേലോ”അവൻ പുഞ്ചിരി പൂർവ്വം ഉത്തരം പറഞ്ഞു കൊണ്ട് വണ്ടിയിൽ കയറി. വളരെ പെട്ടെന്ന് തന്നെ ശിവാനി അപ്പുറത്തേക്ക് വന്നുകൊണ്ട് കാറിലേക്ക് കയറി.വില്ലി വണ്ടി മുന്നോട്ടെടുത്തു.

************************************************

ഫെബിൻ തന്റെ ഓഫീസിൽ തിരക്കിലായിരുന്നു. മാസവസാനമായതിന്റെ വരവ് ചിലവുകൾ നോക്കുകയാണവൻ. പെട്ടെന്ന് അവന്റെ ഫോൺ അടിച്ചു. നോക്കിയപ്പോ ഇച്ചായൻ കാളിങ് എന്ന് കാണിച്ചു.

“ഹലോ ഇച്ചായ ഇതെവിടായിരുന്നു?”അവൻ ചോദിച്ചു.

“ഞാൻ കുറച്ചു തിരക്കിലായിരുന്നു ഫെബി. പിന്നെ നമ്മുടെ ‘എസ്കിമോ’എന്തിയെ?”ഫ്രാൻസിസ് ചോദിച്ചു.

“അവൻ ഇവിടെ തിന്നും കുടിച്ചും പിടിച്ചും ചേട്ടായി വരാൻ കാത്തു നിൽക്കുന്നു.അല്ല ചേട്ടായി എന്ന വരുന്നേ?”അവൻ ചോദിച്ചു.

“ആഹ്ടാ ഞാൻ അത് പറയാനാ നിന്നെ വിളിച്ചേ. ഞാൻ ഇപ്പൊ പുറപ്പെടും ഇവിടെ നിന്നു.അപ്പൊ നമുക്ക് നാളെ കാണാം”ഫ്രാൻസിസ് പറഞ്ഞു.

“നാളെ കാണാം ചേട്ടായി.ഓക്കേ ബൈ”ഫെബിൻ പറഞ്ഞു.

“ബൈ ഡാ”ഫ്രാൻസിസ് ഫോൺ കട്ട് ചെയ്തു.

ഫ്രാൻസിസ് നാട്ടിലേക്ക് വരുന്ന വിവരം ഫെബിൻ കുരുവിളയെ വിളിച്ചറിയിച്ചു.ഫെബിൻ ആകെ ത്രില്ലിൽ ആണ് തന്റെ ഇച്ചായന്റെ വരവ് അറിഞ്ഞത് മുതൽ.

************************************************