സംഭവാമി യുഗേ യുഗേ Part 3 [John Wick] 135

അല്പസമയത്തിന് ശേഷം വില്ലി പുറത്തേക്ക് ഡ്രസ്സ്‌ മാറി വന്നു. ഒരു ബ്ലാക്ക് കളർ ലോങ്ങ്‌ കോട്ടും, ബ്ലാക്ക് പാന്റും, ബ്ലാക്ക് ഗ്ലോവ്സും, തലയിൽ ഒരു കറുത്ത ഫെഡോറ ഹാറ്റും വെച്ച് തന്റെ പഴയ രൂപത്തിലേക്ക് വില്ലി എത്തി. കുറച്ച് നേരം കൂടി കഴിഞ്ഞതോടെ ശിവാനിയും വന്നു. ഒരു ബ്ലാക്ക് ജീൻസും വെളുത്ത ടോപും അതിനു മേലെ ഒരു ലെദർ ജാക്കറ്റുമായിരുന്നു ശിവാനിയുടെ വേഷം. ഇരുവരും ഫെബിന്റെ വരവിനായി കാത്തു നിന്നു.

************************************************

ഒട്ടും വൈകാതെ തന്നെ ഫെബിന്റെ കാർ വില്ലി അയച്ച ലൊക്കേഷന് അടുത്തെത്തി. ഒരു പഴയ ഫാക്ടറി. മുൻപ് താൻ ഇവിടെ വന്നിട്ടില്ല എന്ന് ഫെബിൻ ഓർത്തു.ഫാക്ടോറിയുടെ മുന്നിൽ കാർ നിർത്തിക്കൊണ്ട് ഫെബിൻ ഇറങ്ങി. അവിടെ വില്ലിയുടെ കാറും കിടന്നിരുന്നു. ഫാക്ടോറിയുടെ ഷട്ടർ അടഞ്ഞു കിടക്കുകയായിരുന്നു. ഫെബിൻ ശക്തിയായി ആ ഷട്ടർ തുറന്ന് അകത്തേക്ക് കയറി. പെട്ടെന്ന് അവന്റെ തലയുടെ പിന്നിൽ എന്തോ ഇടിച്ചതു പോലെ തോന്നി.

“ആആആഹ്……..”ഫെബിൻ വേദന കൊണ്ടലറി. പതിയെ അവന്റെ ബോധം മറഞ്ഞു.

************************************************

ഫെബിനെ തോളിൽ തൂക്കിക്കൊണ്ട് വില്ലിയുടെ ടീമിലെ ഒരാൾ വന്നു. ഇത് കണ്ട വില്ലിയുടെ മുഖത്ത് ഇരയെ കണ്ട വേട്ടമൃഗത്തിന്റെ മുഖഭാവമായി.

ഫെബിനെ മൂലയിൽ ഒരുക്കി വെച്ചിരിക്കുന്ന സ്ഥലത്ത്  തല കീഴായി തൂക്കിയിടുവാൻ വില്ലി നിർദ്ദേശം കൊടുത്തു. അതിനുശേഷം വില്ലി ഫോൺ എടുത്ത് അന്റോണിയോയെ വിളിച്ചു. (സ്പാനിഷിൽ)

“ഹലോ എ, ആദ്യ ടാർഗറ്റിനെ കിട്ടിയിരിക്കുന്നു.ഫാദറിന് ഫോൺ കൊടുക്കൂ”വില്ലി പറഞ്ഞു. വില്ലിയുടെ നിർദ്ദേശനുസൃതം അന്റോണിയോ ഗോൻസൽവേസിനു ഫോൺ കൊടുത്തു.

“വില്ലി….”തളർന്ന ശബ്ദത്തിൽ അയാൾ വില്ലിയെ വിളിച്ചു.

“ഫാദർ, കുരുവിളയുടെ രണ്ടാമത്തെ മകൻ. അവനെ എന്തു ചെയ്യണം?”വളരെ താഴ്മയായി വില്ലി ചോദിച്ചു.

“മരണം അവനു ലഭിക്കാവുന്ന ഏറ്റവും ചെറിയ ശിക്ഷയാണ്. അവന്റെ പൂർവികർ പ്രവർത്തിച്ചതിനു അവൻ വേദന സഹിക്കണം.മരണത്തിനു മുൻപ് അവനെ ഈ അവസ്ഥയിലെത്തിച്ച അവന്റെ പൂർവികരെ അവൻ മനസാൽ ശപിക്കണം. അവന്റെ ശരീരത്തിലുണ്ടാക്കുന്ന ഓരോ മുറിവിനും നീ അവനെ ഇങ്ങനെ എത്തിക്കാനുള്ള സാഹചര്യം പറഞ്ഞു കൊടുക്കണം. അവസാനം അവന്റെ മൃതശരീരം കണ്ട് കുരുവിളയുടെയും മകന്റെയും നെഞ്ച് തകരണം. അവന്റെ ശരീരത്തിനെ നീ എങ്ങനെ വേണമെങ്കിലും വേദനിപ്പിച്ചുകൊള്ളു.