സംഭവാമി യുഗേ യുഗേ Part 3 [John Wick] 135

“യു കാൻ കാൾ മി വില്ലി”അത്രയും പറഞ്ഞു കൊണ്ട് ഞാൻ റൂമിലെ ഡോർ അടച്ചു.

പണത്തിന്റെ ആർത്തിയിൽ പേര് പോലും ചോദിക്കാൻ മറന്ന ഇവനെയാണല്ലോ ഞാൻ കൊല്ലേണ്ടി വരുന്നതെന്നോർത്തപ്പോൾ എനിക്കെന്നോട് തന്നെ സഹതാപം തോന്നി.

************************************************

ഫ്ലാറ്റിൽ നിന്നിറങ്ങിയ ഫെബിൻ നേരെ കുരുവിളയെ വിളിച്ചു കാര്യം പറഞ്ഞു. അയാൾക്കും സന്തോഷമായി തന്റെ മകൻ നല്ലൊരു ഡീൽ ഉറപ്പിച്ചല്ലോ എന്നുള്ളതിൽ. അയാൾക്കുവേണ്ട എല്ലാ സൗകര്യവും ചെയ്യണമെന്നും കുരുവിള ഫെബിനെ ചട്ടം കെട്ടി.എല്ലാം സമ്മതിച്ച ഫെബിൻ നേരെ ജോസഫിനെ വിളിച്ചു.

“എന്താ സർ?”വിളിച്ച ഉടനെ ജോസഫ് ചോദിച്ചു.

“എടൊ താൻ ആ ശിവാനിയെ വിളിച്ചു റെഡി ആകാൻ പറ ഇന്നൊരു കിടിലൻ കേസ് വന്നിട്ടുണ്ട്”ഫെബിൻ ഉത്സാഹത്തോടെ പറഞ്ഞു.

“ശെരി സർ”അയാൾ അതും പറഞ്ഞു ഫോൺ കട്ട് ചെയ്തു.

വില്ലിയെപോലെ ബിസിനസ്‌ അറിയാത്ത ആളുകളെ കിട്ടാൻ വേണ്ടി അവൻ ദൈവത്തോട് പ്രാർത്ഥിച്ചു. ശിവാനിയെ പിക്ക് ചെയ്യാൻ വേണ്ടി ഫെബിൻ കാർ മുന്നോട്ട് പായിച്ചു.

************************************************

ജോസഫ് വേഗം തന്നെ അവരുടെ ഗസ്റ്റ് ഹൗസിലേക്ക് വിളിച്ച് ശിവാനിയോട് റെഡി ആയി നിൽക്കാൻ പറഞ്ഞു.ശിവാനി മറുതത്തൊരു അക്ഷരം പറയാതെ എല്ലാം കേട്ടു.തന്നെ ഇതാ ഇവർ കാഴ്ച വെക്കാൻ പോകുന്നു.അവൾക്ക് ചുറ്റും ഇരുണ്ടതായി തോന്നി. എങ്കിലും ഇവരെ കൊല്ലണമെന്ന ആഗ്രഹം കൊണ്ടും ജീവനിൽ കൊതിയുള്ളത് കൊണ്ടുമാണ് ഇത് വരെ അവൾ ആത്മഹത്യക്ക് ശ്രമിക്കാതിരുന്നത്. വളരെ വേഗം തന്നെ അവൾ ഡ്രസ്സ്‌ മാറ്റി ഫെബിൻ വരുന്നതും കാത്തിരുന്നു.

************************************************

ഫെബിൻ നല്ല ഉത്സാഹത്തോടെയാണ് ഗസ്റ്റ് ഹൗസിലേക്ക് വന്നത്. കയറിയ ഉടനെ അവൻ ബെൽ അമർത്തി. വാതിൽ തുറന്ന് തല കുനിച്ചു നിൽക്കുന്ന ശിവാനിയെ കണ്ട് അവനു ദേഷ്യം വന്നു.

“ഓഹ് തൊടങ്ങി അവളുടെ തല കുനിച്ച് നിൽക്കൽ”അവൻ നീരസത്തോടെ പറഞ്ഞു.