സംഭവാമി യുഗേ യുഗേ Part 3 [John Wick] 135

നിന്നിരുന്നിടത്തിനു കുറച്ചകലെയായി വില്ലിയുടെ ടീമും നിന്നിരുന്നു. അവരോട് തന്നെ ഫോളോ ചെയ്യുവാനായി കണ്ണ് കൊണ്ട് സിഗ്നൽ കൊടുത്തു.

“ആഹ് ഏട്ടാ എത്ര നേരായി ഞാൻ കാത്തുനിക്കുന്നു”ഒരു കുഞ്ഞു പരിഭവത്തോടെ ശിവാനി പറഞ്ഞു.

“അത് ശിവാനി, റൂം ചെക്ക് ഔട്ട്‌ ചെയ്യണ്ടേ”ഒരു പുഞ്ചിരിയോടെ വില്ലി പറഞ്ഞു.

“അയ്യേ ഈ ഏട്ടൻ എന്നെ ശിവാനി,ശിവാനി എന്ന് വിളിക്കല്ലേ. കാൾ മി ശിവ”പഴയ ഓജ്ജസുള്ള ശിവാനിയെ പോലെ അവൾ പറഞ്ഞു.

“ഓഹ് ആയിക്കോട്ടെ ശിവ”അവളെ കളിയാക്കുന്നപോലെ വില്ലി പറഞ്ഞു.

“വാ വണ്ടിയിൽ കയറ്”വില്ലി അതും പറഞ്ഞു കാറിലേക്ക് കയറി.ശിവയും ഒപ്പം കയറി. അവർ വണ്ടി മുൻപോട്ടെടുത്തു. കുറച്ചു പിന്നിലായി ഒരു വണ്ടിയിൽ വില്ലിയുടെ ടീമും.

ശിവയുടെ കൂടെ ഇരിക്കുമ്പോൾ താൻ പന്ത്രണ്ടു കൊല്ലം മുൻപുള്ള രൂപത്തിലേക്ക് പോകുന്നതായി അവനു തോന്നി. ജീവിതത്തിന്റെ ഇടക്കെപ്പോഴോ എടുത്തണിഞ്ഞ മുഖം മൂടിയാണ് ഈ ഗൗരവഭാവം.

“അല്ല ഏട്ടൻ ഏട്ടന്റെ കഥ പറഞ്ഞില്ലല്ലോ”ശിവാനി ഇടക്കെപ്പോഴോ ചോദിച്ചു.

“എനിക്കെന്ത് കഥ ശിവ”ഒന്നുമറിയാത്ത പോലെ വില്ലി ചോദിച്ചു.

“ഓഹ് പിന്നെ,ഒന്നുമില്ലാതെ ഏട്ടൻ എന്തിനാ അവരെ കൊല്ലാൻ ഇറങ്ങിയിരിക്കുന്നെ? വേഗം പോരട്ടെ കഥ പോരട്ടെ”ശിവാനി കുസൃതിയോടെ പറഞ്ഞു.ശിവയുടെ കുസൃതികണ്ട് വില്ലിക്ക് പറയാതിരിക്കാനും കഴിഞ്ഞില്ല.

************************************************

ഫെബിന്റെ ഫോണിലേക്ക് വില്ലിയുടെ ലൊക്കേഷൻ വന്നു. മുംബൈയിൽ നിന്ന് മാറി ഒരു മലമ്പ്രദേശത്താണ് ഈ സ്ഥലം നിൽക്കുന്നത്. എവിടെ ആയാൽ എന്താ ഷോപ്പിംഗ് മാളിൽ ഇൻവെസ്റ്റ്മെന്റ് ഇപ്പൊ ഇതാ പെണ്ണിന് ഞാൻ പറയുന്ന വില ഫെബിൻ മനസിലാലോചിച്ചു കൊണ്ട് കാർ എടുത്ത് മുന്നോട്ട് നീങ്ങി. ഇതിനിടയിൽ അവൻ കുരുവിളയെയും വിളിച്ച് കാര്യം അറിയിച്ചിരുന്നു.അവൻ കാറുമായി മരണത്തിലേക്ക് നീങ്ങി……….

************************************************