സംഭവാമി യുഗേ യുഗേ Part 3 [John Wick] 135

വില്ലിയുടെ കഥ കേട്ട ശിവാനി കരയാൻ തുടങ്ങി. ഒപ്പം വില്ലിയോട് ആരാധനയും കൂടി വന്നു.

“ഇത്രേം വലിയ കഥ ഇണ്ടായിട്ടാണോ ഏട്ടൻ എന്ത് കഥ എന്ന് ചോദിച്ചേ”അവൾ കണ്ണുനീർ തുടച്ചു കൊണ്ട് ചോദിച്ചു.

“ഹാ അതൊക്കെ ഇനി പറഞ്ഞിട്ടെന്തിനാ ആദ്യം നമുക്ക് ഈ കാര്യം തീർക്കാം എന്നിട്ട് പോരെ ബാക്കി?”വളരെ ലാഘവത്തോടുകൂടി വില്ലി പറഞ്ഞു.

കുറച്ച് നേരം കൂടി യാത്ര ചെയ്തതോടെ അവർക്കിറങ്ങേണ്ട സ്ഥലമെത്തി. ഒരു മൊട്ടക്കുന്നിന് താഴെ പഴയ ഫാക്ടറി. അവിടെ കാവലായി ഒരു ടീമും.

“ഏട്ടാ….. ഇതൊക്കെ നമ്മുടെ ആൾക്കാരാണോ?”ശിവാനി അൽപ്പം ഭയത്തോടെ ചോദിച്ചു.

“അതെ ഇതൊക്കെ നമ്മുടെ ആൾക്കാർ തന്നെയാണ്”വില്ലി അതും പറഞ്ഞ് കാർ സൈഡിലേക്ക് പാർക്ക്‌ ചെയ്തിട്ടു. കാറിൽ നിന്നിറങ്ങിയ വില്ലി അവിടെ നിന്നിരുന്ന തന്റെ ടീമിനോട്‌ അകത്തേക്ക് കയറി നിൽക്കാനും ഫെബിന് സംശയമില്ലാത്ത രീതിയിൽ വണ്ടി മാറ്റി ഇടുവാനും പറഞ്ഞു.

വില്ലിയും ശിവാനിയും വില്ലിയുടെ ടീമും ഫാക്ടോറിയിലേക്ക് കയറി. പുറത്തുനിന്നു നോക്കിയാൽ പഴയതെങ്കിലും ഉള്ളിൽ അത്യാധുനിക സൗകര്യങ്ങൾ എല്ലാം തന്നെ ഉണ്ട്. ഫാക്ടോറിയുടെ ഒരു മൂലയിൽ ഒരു ബെഡ്ഡും കുറെ ഓപ്പറേഷൻ സാധനങ്ങളുമുണ്ട്.

“ശിവ, നിനക്ക് ഡ്രസ്സ്‌ മാറണ്ടേ?”ശിവാനിയോട് വില്ലി ചോദിച്ചു.

“ആഹ് മാറണം ഏട്ടാ”ശിവാനി ചെറിയ ചമ്മലോടെ പറഞ്ഞു.

“നീ ആ കാണുന്ന റൂമിലേക്ക് പൊയ്ക്കോളൂ അവിടെ നിനക്ക് വേണ്ട ഡ്രസ്സുകൾ ഉണ്ടാവും.”വില്ലി ഒരു റൂം ചൂണ്ടി കാട്ടി കൊണ്ട് പറഞ്ഞു. ശിവാനി അത് കേട്ട് ശെരി എന്നർത്ഥത്തിൽ തലയാട്ടിക്കൊണ്ട് പോയി.

മറ്റൊരു മുറിയിലേക്ക് വില്ലിയും.