സംഭവാമി യുഗേ യുഗേ Part 3 [John Wick] 135

ഇതെല്ലാമായതോടെ വില്ലിക്ക് ഇവളുടെ താല്പര്യത്തോടെയല്ല ഈ കൂടി കാഴ്ച്ച എന്ന് മനസിലായി.

“താൻ ഇങ്ങനെ ഡൌൺ ആവല്ലേ”അവളുടെ അടുക്കലേക്ക് നടന്നു കൊണ്ട് വില്ലി പറഞ്ഞു.

അവൻ അടുത്ത് വരുംതോറും ശിവാനി പേടിച്ചുകൊണ്ടിരുന്നു. എങ്കിലും തലയുയർത്താതെ തന്നെ അവൾ ഓവർ കോട്ട് പോലത്തെ ഡ്രസ്സ്‌ താഴേക്ക് ഊർത്തി ഇട്ടു.

ശിവാനിയുടെ അടുത്തെത്തിയ വില്ലി ഇത് കണ്ട് ഞെട്ടി. എങ്കിലും അവൻ അവളുടെ ശരീരത്തിൽ സ്പർശിച്ചില്ല.അവൻ അവളുടെ അടുത്തേക്ക് നീങ്ങി നിന്നു. ഇരു ശരീരങ്ങൾ തമ്മിൽ വിരലുകളുടെ ദൂരം മാത്രമുണ്ടായിട്ടും വില്ലിക്ക് കാമം ഉണർന്നില്ല. പെട്ടെന്ന് അവൻ കുനിഞ്ഞു കൊണ്ട് അവൾ ഊരി ഇട്ട കോട്ട് എടുത്ത് അവളെ അണിയിച്ചു. ശിവാനി ആകെ ഞെട്ടി തരിച്ചു നിൽക്കുകയാണ്.

“നിന്നെ ഞാൻ തൊടില്ല, കാരണം നിന്നെ ഞാൻ തൊട്ടാൽ പിന്നെ nee എന്റെ കൂടെ ജീവിക്കേണ്ടി വരും”പുഞ്ചിരിയോടെ വില്ലി പറഞ്ഞു.

“ഏട്ടാ…..”പൊട്ടി കരഞ്ഞു കൊണ്ട് ശിവാനി വില്ലിയെ കെട്ടി പിടിച്ചു.

വില്ലി അവളുടെ തല തഴുകിക്കൊണ്ട് അവളുടെ കരച്ചിൽ തീരുവാൻ വേണ്ടി കാത്തു നിന്നു. കുറച്ച് നേരം കൂടി കഴിഞ്ഞപ്പോൾ ശിവാനി കരച്ചിൽ പതിയെ ഏങ്ങലടിയിലേക്ക് മാറി. തന്റെ ശരീരത്തിൽ നിന്നും അവൾ വേഗം വിട്ടു മാറി.

“കരച്ചിൽ കഴിഞ്ഞില്ലേ ഇനി വാ ഇവിടെ ഇരിക്ക്”അടുത്തുള്ള കസേരയിലേക്ക് ചൂണ്ടി വില്ലി ശിവാനിയോട് പറഞ്ഞു.

ശിവാനി വേഗം തന്നെ ആ കസേരയിൽ വന്നിരുന്നു. വില്ലി അവൾക്ക് ഒരു ഗ്ലാസിൽ വെള്ളം കൊടുത്തു. വെള്ളം കിട്ടാത്തവരെ പോലെയുള്ള അവളുടെ കുടിക്കൽ കണ്ട് വില്ലി മനസ്സിൽ കരഞ്ഞു.തന്നെ പോലെയുള്ള ഒരു കുട്ടിയാണ് ഇവളും, ഇവളെ സഹായിക്കണമെന്ന് അവന്റെ മനസ്സ് പറയുന്നപോലെ തോന്നി.

“തന്റെ പേരെന്താ?”അവൻ ചോദിച്ചു.