സംഭവാമി യുഗേ യുഗേ Part 3 [John Wick] 135

“ഗിഫ്‌റ്റോ?എനിക്കോ?”സംശയത്തോടെ വില്ലി ചോദിച്ചു.

“ആഹ് വേണേൽ അങ്ങനെയും പറയാം”കള്ളച്ചിരിയോടെ ഫെബിൻ പറഞ്ഞു.

“എന്താത്?”ആകാംഷയോടെ എന്നാൽ അതിനേക്കാളും സംശയത്തോടെ വില്ലി ചോദിച്ചു.

ഫെബിൻ സൈഡിൽ മറഞ്ഞു നിന്നിരുന്ന ശിവാനിയെ മുന്നിലേക്ക് നിർത്തി.

“ഇതാണെന്റെ ഗിഫ്റ്റ്”ഒരു ചെറു ചിരിയോടെ അവൻ പറഞ്ഞു.

“അപ്പൊ ശെരി നിങ്ങൾ തുടങ്ങിക്കോ പരിപാടി ഞാൻ കട്ടുറുമ്പാവുന്നില്ല”കള്ള ചിരിയോടെ പറഞ്ഞു കൊണ്ട് ഫെബിൻ ശിവാനിയെ ഉള്ളിലേക്ക് തള്ളിക്കൊണ്ട് ഡോർ അടച്ചു.

************************************************

ശിവാനിയെ കണ്ട് വില്ലി ഞെട്ടി.ഫെബിൻ ആണെങ്കിൽ വാതിൽ അടച്ചു കൊണ്ട് പോയി. സ്ത്രീ വിഷയങ്ങളിൽ തീരെ താല്പര്നല്ലാത്ത വില്ലി ഫെബിനെ മുഷിപ്പിക്കണ്ട എന്ന് കരുതി ഒന്നും മിണ്ടാതെ തീൻ മേശയിലേക്ക് പോയി അവിടെ തുറന്നു വെച്ചിരുന്ന ബിയർ ബോട്ടിൽ കുടിക്കാൻ തുടങ്ങി. കുറച്ച് നേരമായിട്ടും ശിവാനി തല കുനിച്ചു നിന്നതല്ലാതെ ഒരക്ഷരം പറഞ്ഞില്ല.’സാധാരണ ഈ കേസുകൾ ഇങ്ങോട്ട് വരേണ്ടതാണല്ലോ’വില്ലി മനസ്സിൽ ആലോചിച്ചു. എന്തായാലും ഈ മൗനത മാറ്റാൻ വില്ലി തീരുമാനിച്ചു.

“യൂ നീഡ് ബിയർ?”വില്ലി ഗൗരവത്തോടെ ചോദിച്ചു.

“ഏഹ്”ഞെട്ടി കൊണ്ട് ശിവാനി തലയുയർത്തി.

“ഓഹ് മലയാളി ആണല്ലേ. എന്താടോ ഇത്രേം നേരം മിണ്ടാതിരുന്നത്? സാധാരണ ഇങ്ങോട്ട് നിങ്ങൾ വന്ന് മുട്ടേണ്ടതാണല്ലോ”ചെറു പുച്ഛത്തോടെ വില്ലി പറഞ്ഞു.

അവസാന വാക്കുകൾ അവളിൽ ശെരിക്ക് കൊണ്ടു.ദയനീയതയോടെ അവൾ വില്ലിയെ നോക്കി. എന്നിട്ട് കണ്ണീർ വാർക്കാൻ തുടങ്ങി.