? ഋതുഭേദങ്ങൾ ?️ 12 [ഖല്‍ബിന്‍റെ പോരാളി ?] 991

““അപ്പോ പറഞ്ഞു വന്നത് നിങ്ങളുടെ കമ്മിറ്റി സെക്രട്ടറി മനോജ് എനിക്ക് പകരം വിളിച്ചുകൊണ്ടുവന്ന പലരും അതുകഴിഞ്ഞ് എന്നെ വിളിച്ചിരുന്നു. അപ്പോ നിങ്ങള്‍ അവര്‍ക്ക് കൊടുക്കാമെന്ന് പറഞ്ഞ ശബളത്തെ പറ്റിയും പറഞ്ഞിരുന്നു. അല്ല പ്രസിഡന്‍റെ നിങ്ങള്‍ കൊടുക്കാന്‍ ഉദ്ദേശിച്ചത് ഇപ്പോ എനിക്ക് തരുന്നതില്‍ നാലായിരം അധികമുണ്ടായിരുന്നല്ലോ…. എന്നിട്ടും അതുപോരായെന്ന് പറഞ്ഞു എല്ലാവരും പോയി അല്ലേ…..”” ദേവ് ചോദിച്ചു. പ്രസിഡന്‍റും സുഭാഷും ഒന്നും പറയാതെ ദേവിനെ നോക്കി ഇരുന്നു. മറുപടി വരാതെയായപ്പോള്‍ ദേവ് തുടര്‍ന്നു.

““അപ്പോ എന്‍റെ തിരുമാനം ഇതാണ്. ഇനിയിപ്പോ പ്രസിഡന്‍റ് പറഞ്ഞപോലെ കഴിഞ്ഞതോക്കെ മറന്ന് ഞാന്‍ വീണ്ടും നെന്മണിക്കര ശ്രീകൃഷ്ണക്ഷേത്രത്തിലെ മേല്‍ശാന്തിയാവണേല്‍ നിങ്ങള്‍ എനിക്ക് പകരം വരുന്നവര്‍ക്ക് കൊടുക്കാമെന്ന് പറഞ്ഞ ആ തുക ശബളമായി എനിക്കും കിട്ടണം….””

““തിരുമേനി… അത്….””

““പ്രസിഡന്‍റെ, എന്‍റെ തിരുമാനത്തില്‍ മാറ്റമൊന്നുമില്ല. ഞാനിപ്പോ ഇവിടെ ശാന്തിക്കാരനായിട്ടിപ്പോ രണ്ടുകൊല്ലത്തോളമായില്ലേ….. ഇതിനിടെ മറ്റു ജീവനക്കാര്‍ക്കെല്ലാം ശബളം കുട്ടിയപ്പോഴും ഞാന്‍ വേണ്ട എന്ന് പറഞ്ഞിരുന്നു. അതിന് കാരണം ഒന്നാമത് ഈ ജോലി ഞാന്‍ ഉപജീവനമാര്‍ഗ്ഗമായി കാണുന്ന ഒരാളായിരുന്നില്ല. ദൈവത്തെ പൂജിക്കാനുള്ള ഒരാവസരവും അപ്പോ കിട്ടുന്ന ഒരു മാനസിക സന്തോഷവും മാത്രമായിരുന്നു ലക്ഷ്യം. പിന്നെ ഞാന്‍ വന്ന സമയത്ത് വരവും ചിലവും കൂട്ടിമുട്ടിക്കാന്‍ ക്ഷേത്രം ഭാരവാഹികള്‍ കഷ്ടപ്പെട്ടിരുന്നതൊന്നും പ്രസിഡന്‍റിനെയോ ക്ലര്‍ക്കിനെയോ ഞാന്‍ പറഞ്ഞു മനസിലാക്കി തരണ്ടല്ലോ… ഇന്നിപ്പോ അത്യാവശ്യം വരുമാനമൊക്കെ വരുന്നുണ്ടെന്ന് എനിക്കറിയാം…. അപ്പോ പിന്നെ എനിക്ക് പകരം വരുന്ന ആള്‍ക്ക് നിങ്ങള്‍കൊടുക്കാമെന്ന് പറയുന്ന തുക എനിക്കും തരുന്നതില്‍ വിരോധമുണ്ടോ….?”” ദേവ് ചോദിച്ചു. ദേവിന്‍റെ ചോദ്യം കേട്ട് പ്രസിഡന്‍റും ക്ലര്‍ക്കും പരസ്പരം നോക്കി. ദേവ് സൗമ്യ ഭാവത്തില്‍ ഇരുവരെയും മാറി മാറി നോക്കി.

അവസാനം വേറെ ഉത്തരമില്ലാത്തത് കൊണ്ട് പ്രസിഡന്‍റ് തലയാട്ടി ദേവ് പറഞ്ഞതിന് അനുകൂലിച്ചു. ഇതെല്ലാം കുറച്ചപ്പുറത്ത് നിന്ന് അനഘ കേള്‍ക്കുന്നുണ്ടായിരുന്നു. അവളുടെ ചുണ്ടില്‍ ഒരു പുഞ്ചിരി ജനിച്ചു.

““ഞാന്‍ പറഞ്ഞതിന് പെട്ടെന്നൊരു മറുപടി തരണമെന്ന് ഞാന്‍ പറയുന്നില്ല. നിങ്ങള്‍ കമ്മിറ്റിയില്‍ ചര്‍ച്ച ചെയ്തു തിരുമാനം നേരത്തെ പറഞ്ഞ പോലെ മാസാവസനത്തിന് മുമ്പ് അറിയിച്ചാ മതി. അകത്തേക്കായാലും പുറത്തേക്കായാലും ഞാന്‍ തയ്യാറാണ്. ചര്‍ച്ചയുടെ കുടെ എന്‍റെ മകളുടെ കാര്യം കുടെ തിരുമാനം ആക്കികൊള്ളണം. അവള്‍ക്ക് മറ്റു ഭക്തരെ പോലെയുള്ള എല്ലാ അവകാശവും ഞാന്‍ ശാന്തിക്കാരനായ ക്ഷേത്രത്തില്‍ ഉണ്ടാവണം. അതില്ലെല്ലാം തിരുമാനമായിട്ട്  എന്താച്ചാ പറഞ്ഞോളളാ…. പിന്നെ സെക്രട്ടറിയോട് പ്രത്യേകം ചോദിച്ചോളു ട്ടോ….”” ദേവ് ഒരു ചിരിയോടെ പറഞ്ഞു.