? ഋതുഭേദങ്ങൾ ?️ 12 [ഖല്‍ബിന്‍റെ പോരാളി ?] 991

അനഘ ഇതെല്ലാം കേട്ട് അല്‍പം ഞെട്ടലോടെ ദേവിനെ നോക്കി. ദേവ് എല്ലാം പ്ലാന്‍ ചെയ്തുവെന്ന കാര്യം മനസിലാക്കിയ അനഘയ്ക്ക് എന്തു മറുപടി പറയണമെന്നറിയാതെ നിന്നു.

““താന്‍ പഠിക്കാന്‍ പോകുന്ന കാര്യം എല്ലാവരെയും പറഞ്ഞു മനസിലാക്കാന്‍ ഇത്തിരി പാടാണ്. പ്രത്യേകിച്ച് മാളുട്ടിയെ…. സാരമില്ല… എന്തായാലും ഞാന്‍ പറഞ്ഞു മനസിലാക്കികൊള്ളാം….”” ദേവ് എച്ചുകെട്ടിയ ഒരു ചിരിയോടെ പറഞ്ഞു ഒപ്പിച്ചു. അവന്‍റെ മുഖഭാവത്തിന്‍റെ അര്‍ത്ഥം അനഘയ്ക്ക് മനസിലായിരുന്നില്ല… അതിനാല്‍ തന്നെ അനഘ മറുപടിയൊന്നും പറഞ്ഞില്ല.

““താനെന്തായാലും നാളെ യുണിവേഴ്സിറ്റി സൈറ്റോന്ന് ചെക്ക് ചെയ്തു നോക്ക് കേട്ടോ… എന്‍റെ ലാപ് ഷെല്‍ഫിലുണ്ട്…. അതില്‍ നോക്കിയാ മതി…”” ദേവ് അനഘയുടെ മുഖത്ത് നോക്കി പറഞ്ഞു..

““മ്….”” അനഘ ഒരു മൂളലില്‍ മറുപടിയൊതുക്കി.

““പിന്നെ….. അല്ലേല്‍ വേണ്ട… അത്രയുള്ളു…. താന്‍ കിടന്നോ….”” ദേവ് എന്തോ പറയാന്‍ തുനിഞ്ഞെങ്കിലും എന്തോ ചിന്തയില്‍ അത് വിഴുങ്ങി. പിന്നെ അനഘയോട് പോയ്ക്കൊള്ളാന്‍ പറഞ്ഞു. അനഘ തിരിഞ്ഞു റൂമിലേക്ക് നടന്നു.
വാതിലിലെത്തിയപ്പോ തിരിഞ്ഞു ദേവിനെ നോക്കിയപ്പോ അവിടെ കറുത്ത ആകാശത്തെ നോക്കി എന്തോ ചിന്തിച്ചു നില്‍ക്കുന്ന ദേവിനെയാണ് കണ്ടത്. എന്തോ അതിനെ തടസ്സപ്പെടുത്താന്‍ അനഘയ്ക്ക് തോന്നിയില്ല. അവള്‍ റൂമിലേക്ക് കയറി മാളുട്ടിയ്ക്കടുത്ത് വെച്ചിരുന്ന തലയണ പഴയ സ്ഥാനത്ത് വെച്ചു അവളുടെ അടുത്ത് കയറി കിടന്നു. ദേവേട്ടന്‍ പറഞ്ഞ വാക്കുകള്‍ വിണ്ടും ഓര്‍മകളില്‍ വന്നപ്പോ ആദ്യം നോട്ടം പോയത് മാളുട്ടിയിലേക്കാണ്. ഉറങ്ങി കിടക്കുന്ന മാളുട്ടിയുടെ നെറ്റിയില്‍ പതിയെ തലോടി. ഉറക്കത്തിലും പുഞ്ചിരിക്കുന്ന മാളുട്ടിയുടെ മുഖത്തേക്ക് തന്നെ അനഘ നോക്കികൊണ്ടിരുന്നു. എന്തോ നഷ്ടങ്ങളുടെ കുട്ടത്തിലേക്ക് ആ ചിരിയും വരുമോ എന്ന ചിന്ത അനഘയുടെ മനസിലേക്ക് കടന്നു വന്നു. എന്തു ചെയ്യണമെന്നറിയാതെ അവളുടെ മനസ് കുലുങ്ങികൊണ്ടിരുന്നു.

അല്‍പം കഴിഞ്ഞപ്പോ വാതിലടച്ചു ദേവ് റൂമിലേക്ക് കയറി വന്നപ്പോഴാണ് അനഘ ചിന്തകളില്‍ നിന്ന് ഉണരുന്നത്. ദേവ് മാളുട്ടിയുടെ അടുത്തായി വന്നു കിടന്നു. ആ മുഖത്ത് എന്തോ വിഷമമുള്ളത് അനഘ മനസിലാക്കിയിരുന്നു എന്നാല്‍ അതിന്‍റെ കാരണമെന്താണെന്ന് എത്ര ചിന്തിച്ചിട്ടും അനഘയ്ക്ക് മനസിലായില്ല. ദേവ് ലൈറ്റോഫാക്കിയപ്പോ മാളുട്ടിയെ കെട്ടിപിടിച്ചു അനഘ കിടന്നു. ചിന്തകളുടെ മൂടുപടങ്ങളുമായി….

(…തുടരും…)

✿•••┈┈┈┈┈┈┈┈┈┈┈┈┈┈┈┈┈┈┈•••✿

ഇഷ്ടമായാലും ഇല്ലെങ്കിലും രണ്ടുവാക്കുകളിലെങ്കിലും അഭിപ്രായം അറിയിക്കും എന്ന് വിശ്വസിക്കുന്നു. നിങ്ങളുടെ പ്രതികരണങ്ങളാണ് എന്‍റെ ബാക്കി എഴുത്തിനുള്ള പ്രചോദനം. പ്രചോദനം നല്‍കുമെന്ന് പ്രതീക്ഷയില്‍ നിര്‍ത്തുന്നു. അടുത്ത ഭാഗം എന്ന് തരുമെന്ന് കൃത്യമായി പറയാന്‍ എനിക്ക് സാധിക്കില്ല…. പരമാവധി പെട്ടെന്ന് തരാന്‍ ശ്രമിക്കാം…

Stay Safe

  ഖല്‍ബിന്‍റെ പോരാളി

◆━━━━━━━━━━◆❃◆━━━━━━━━━━◆