? ഋതുഭേദങ്ങൾ ?️ 12 [ഖല്‍ബിന്‍റെ പോരാളി ?] 991

““പറഞ്ഞത് മനസിലായി എന്നു വിചാരിക്കുന്നു. അതുകൊണ്ട് സൗത്ത് ഇന്ത്യയില്‍ എവിടെയെങ്കിലും പോയ മതി… ഇനി ദൂരെ പോകണം എന്ന് നിര്‍ബന്ധമാണെങ്കില്‍ ഹൈദരബാദ് യുണിവേഴ്സിറ്റി നോക്കാം…. അതാവുമ്പോ അല്‍പം ദൂരമൊക്കെയുണ്ട്…. എന്നാലും ഒരു നേരത്തെ യാത്ര കൊണ്ട് ഇങ്ങേത്താന്‍ പറ്റും….”” ദേവ് പറഞ്ഞു. അനഘ തലയാട്ടി സമ്മതം അറിയിച്ചു.

““പ്രസിദ്ധമായ യുണിവേഴ്സിറ്റിയെല്ലാം അവരുടെ അഡ്മിഷന്‍ തുടങ്ങിയിട്ടുണ്ട്. താന്‍ നാളെ അവരുടെ സൈറ്റിലൊന്ന് ചെക്ക് ചെയ്തു നോക്ക്…. തുടങ്ങിയിട്ടുണ്ടെങ്കില്‍ രജിസ്ട്രര്‍ ചെയ്തോളു…””

““ങേ…. ഇല്ല… ഞാന്‍ ഇപ്രാവിശ്യം കൊടുക്കുന്നില്ല….”” അനഘ പെട്ടെന്ന് തലപൊക്കി പറഞ്ഞു.

““അതെന്താ….?””

““പഠിക്കാനാണ് എന്ന് പറഞ്ഞങ്ങോട്ട് ഓടിപിടിച്ചുപൊകാനൊന്നും പറ്റില്ല…. ബുക്കും താമസവുമൊക്കെയായി നല്ല ചിലവുണ്ടാകും…. അതിനൊക്കെ വഴി കണ്ടെത്തിയിട്ട് ഞാന്‍ പഠിക്കാന്‍ പോകുന്നുള്ളു.””

““പണത്തിന്‍റെ കാര്യം വിചാരിച്ച് താന്‍ പഠിക്കാന്‍ പോകാതെയിരിക്കണ്ട… തന്‍റെ പഠിപ്പിനും താമസത്തിനുമുള്ള ചിലവെല്ലാം ഞാന്‍ നോക്കിക്കൊള്ളാം…. അല്ലെങ്കിലെ ഒരു കൊല്ലം പോയി… ഇനി പണം കണ്ടെത്തനായിട്ട് സമയം കളയണ്ട….”” ദേവ് അവള്‍ പറഞ്ഞ പ്രശ്നത്തിന് പരിഹാരം പോലെ പറഞ്ഞു.

““നിങ്ങളെന്തിനാ എനിക്ക് വേണ്ടി പണം ചിലവഴിക്കുന്നത്….?””

““താന്‍ അപ്പം തിന്നാല്‍ മതി കുഴിയെണ്ണണ്ട….””

““അതുപോരല്ലോ…. എന്തിനാ എനിക്ക് വേണ്ടി പണം ചിലവഴിക്കുന്നത് എന്ന് എനിക്കറിയണം…”” അനഘ ഉടനടി പറഞ്ഞു.

““ഓ… എന്നാ കേട്ടോ…. താന്‍ ആദ്യരാത്രി പറഞ്ഞത് വല്ലതും ഓര്‍മയുണ്ടോ….?”” ദേവ് ചോദിച്ചു. അനഘ കുറച്ചുനേരം ചിന്തിച്ചു നിന്നെങ്കിലും ഒന്നും കിട്ടാത്തത് കൊണ്ട് തലയാട്ടി ഇല്ലയെന്ന് അറിയിച്ചു.

““ഹാ…. താന്‍ മറന്നു കാണും… പക്ഷേ എനിക്ക് നല്ല ഓര്‍മ്മയുണ്ട്…. താന്‍ അന്ന് പറഞ്ഞില്ലേ…. ഞാന്‍ കാരണമാണ് തന്‍റെ പി.ജി സ്വപ്നങ്ങളെല്ലാം തകര്‍ന്നതെന്ന്… അന്നെ തിരുമാനിച്ചതാ തന്‍റെ ആ സ്വപ്നം നിറവേറ്റി കൊടുക്കണമെന്ന്….. ഞാനായിട്ട് ആരുടെയും സ്വപ്നത്തിന് വിലങ്ങുതടിയാവരുതെന്ന് എനിക്ക് ഇപ്പോ നിര്‍ബന്ധമുണ്ട്…..””

““അത് ഞാന്‍ അന്ന് വെറുതെ….”” ദേവിന്‍റെ പറച്ചിലില്‍ എന്തോ ഓര്‍മ്മ വന്ന അനഘ അത് ന്യായിക്കരിക്കാന്‍ ശ്രമിച്ചു.

““വേണ്ട…. അതിനെക്കുറിച്ച് താന്‍ ഒന്നും പറയണ്ട…. പിന്നെ അത്തുവിന്‍റെ വിവാഹം കഴിഞ്ഞാല്‍ അവസാനിക്കുന്ന ഒരു ഉടമ്പടിയുണ്ട് നമ്മള്‍ തമ്മില്‍…. അന്ന് ഒറ്റ ദിവസം കൊണ്ട് ഇതൊന്നും ഒഴുവാക്കാന്‍ പറ്റില്ല…. ഞാന്‍ ചിന്തിച്ചപ്പോ തന്‍റെ പഠിക്കാനുള്ള ഈ പോക്ക് അതിന് ഒരു നല്ല അവസരമാവും…. താന്‍ പോയി വരുമ്പോഴേക്കും തന്‍റെ ഇല്ലത്തും ഇവിടെയും ഞാന്‍ എല്ലാം പറഞ്ഞു മനസിലാക്കികൊള്ളാം…. പിന്നെ ഇവിടെ നിന്നുള്ള ഒരു മാറ്റം തനിക്കും ഗുണം ചെയ്യുമെന്ന് ഞാന്‍ വിചാരിക്കുന്നു….”” ദേവ് കിഴക്കേ ചക്രവാളത്തിലേക്ക് നോക്കികൊണ്ട് പറഞ്ഞു.