അപരാജിതന്‍ 18 [Harshan] 10308

 

“ഇന്ത മാതിരി ഒരു വിഷയോം  ഇത് മുതലേ താൻ ,,,,ഇനി ഇത് മീണ്ടും സെയ്യകൂടാത് ” എന്ന് ശങ്കരനെ നോക്കി അയാൾ പറഞ്ഞു

 

“ഡെയി ,,,,,,,,,,,,നല്ല മാതിരി കത്തികൊടെടാ ,,,,,,,,,,” അയാൾ ചിരിച്ചു കൊണ്ട് പറഞ്ഞു

 

അത് കേട്ട് ഗ്രാമീണർ ഭയന്നു പോയി

അത്രക്കും ദുഷ്ടൻ ആണ് തിമ്മയ്യൻ

ശങ്കരനെ കൊള്ളുമോ എന്ന് പോലും അവർ ഭയന്നു ,

പക്ഷെ ജീവനിൽ പേടിച്ചു ഒരക്ഷരം പോലും മിണ്ടാതെ അവർ നിന്നു

 

ശങ്കരനെ വലിച്ചിഴച്ചു കൊണ്ട് അവർ ചന്തയിലെ അംശം തുടങ്ങുന്ന ഭാഗത്തുള്ള മുക്കാലിതറയിൽ കൊണ്ട് വന്നു

പരസ്യമായി അവന്‍റെ വസ്ത്രങ്ങൾ വലിച്ചു അഴിച്ചു

അത്രയും ജനങ്ങളുടെ മുന്നിൽ നഗ്നനായി മാറിയപ്പോൾ അപമാനം കൊണ്ട് അവന്‍റെ തല കുമ്പിട്ടു

ബലമായി അവന്‍റെ കൈയും കാലും  മുക്കാലി കോണിൽ വലിച്ചു കെട്ടി

അവൻ ഭയന്ന് കൊണ്ട് നിലവിളിച്ചു കൊണ്ടിരുന്നു

 

തല്ലാൻ വേണ്ടിയാണ് അതും ചാട്ടവാറു കൊണ്ട്

ഒരു കങ്കാണി തുകൽ കെട്ടിയ ചാട്ടവാർ കൊണ്ട് വന്നു

പിന്നെ നിർത്താതെ അടിയായിരുന്നു

അമ്പതു വട്ടം അവന്‍റെ പുറത്തും കൈയിലും തുടയിലും കാലിലും ഒക്കെ ചാട്ട പതിഞ്ഞു കൊണ്ടിരുന്നു

നിസ്സഹായനായ ശങ്കരൻ ഏച്ചി എന്ന് വിളിച്ചു അലറി കരഞ്ഞു കൊണ്ടിരുന്നു

ഓരോ അടിയിലും അവന്‍റെ ഏച്ചി എന്ന വിളി ആ ചന്ത മൊത്തം മുഴങ്ങി

അടികിട്ടുന്തോറും അവന്‍റെ ശബ്ദ൦ പതിഞ്ഞു പതിഞ്ഞു വന്നു

ഒന്നു നിലവിളിക്കാൻ പോലുമുള്ള ആവലാതിലാതെ അവൻ മുക്കാലിയിൽ തളർന്നു തൂങ്ങി കിടന്നു

നാൽപതു അടി കഴിഞ്ഞപ്പോളേക്കും ഞരക്കം മാത്രം ആയി

അവൻ തളർന്നു പോയിരുന്നു

 

ശിവശൈലത്തുള്ളവർ ചങ്കു തകർന്നു ആ കാഴ്‌ച കാണാൻ ആകാതെ തല കുമ്പിട്ടു നിന്നു

യതീന്ദ്രൻ അവിടെ നിന്നും മാറി

ഇതൊന്നും കാണാൻ ഉള്ള ത്രാണി അയാൾക്കില്ലായിരുന്നു

 

വ്യക്തമായ സന്ദേശം കൊടുക്കാൻ വേണ്ടിയാണ് തിമ്മയ്യൻ ഇത് ചെയ്‌തതും

ഇനി ഒരാളും കള്ളതരം കാണിക്കരുത് കാണിച്ചാൽ ഇതിലും അപ്പുറം ആകും എന്നുള്ള സന്ദേശം

 

കങ്കാണികളിൽ ഒരാൾ വന്നു തളർന്നു കിടക്കുന്ന അവന്‍റെ മുടിയിൽ പിടിച്ചു മുഖം ഉയർത്തി

കരണതു ആഞ്ഞു അടിച്ചു

 

അവൻ തലകുമ്പിട്ടു വീണു

 

“ഡെയ് ,,,,,,,,,,,,അത് കൊണ്ട് വാ ,,,,,,,,,,,” തിമ്മയ്യൻ കങ്കാണികളിൽ ഒരാളോട് പറഞ്ഞു

അയാൾ ഒരു വലിയ കുറുവടി കൊണ്ട് വന്നു

തിമ്മയ്യൻ അത് വാങ്ങി ശങ്കരന്‍റെ വലം കൈ മുട്ടിനു താഴെ നോക്കി ആഞ്ഞടിച്ചു

“ഏച്ചി ,,,,,,,,,,,,,,,,,,,,,,,,,,,,,,,,,,,,,,,,,,,,,” എന്ന  വേദനയോടെയുള്ള അവന്‍റെ അലർച്ച അവിടെ മുഴങ്ങി

 

ഇടിയുടെ ശക്തിയിൽ എല്ലൊടിഞ്ഞു കൈ വളഞ്ഞു പോയിരുന്നു

അത് കണ്ടു ഗ്രാമീണരെല്ലാരും ഭയന്ന് വിറച്ചു

തിമ്മയ്യൻ ശങ്കരന്‍റെ മുന്നിൽ ചെന്നു

 

ചിരിച്ചു കൊണ്ട് പറഞ്ഞു

 

“നീ ,,,നായ് ,,,,,,,,,,,,,നായ് താൻ ,,,ശണ്ടാള നായ് ,,,എങ്കൾക്കു അടിമൈ ,,,,,അടിമൈ ഇന്ത മാതിരി പൊറുക്കിതരം പണ്ണകൂടാത് ,,,,,കേട്ടിയാ ,,,,,,,,,,,,,,” മെല്ലെ തളർന്നു കിടക്കുന്ന അവന്‍റെ കാതിൽ മൊഴിഞ്ഞു

 

എന്നിട്ടു ഭയന്ന് നില്കുന്ന ശിവശൈലവാസികളെ നോക്കി പൊട്ടി ചിരിച്ചു

 

പാതി ബോധത്തില്‍ അവൻ മുക്കാലി കയറിൽ ഇരുകൈയും ബന്ധിക്കപ്പെട്ടു തൂങ്ങിയാടി

 

തിമ്മയ്യനും കങ്കാണികളും അട്ടഹസിച്ചു കൊണ്ടിരുന്നു

അടിമകളായ ശിവശൈലംകാർ നെഞ്ച് പൊട്ടി നിലവിളിച്ചു,,,ആ കുഞ്ഞിന്‍റെ ദുരന്തം കണ്ടുകൊണ്ട് ,,,

 

സഹിക്കാനാകാതെ വേദനയോടെയാണ് ശങ്കരൻ കാളവണ്ടിയിൽ കിടന്നത്

അവന്‍ തിരിഞ്ഞും മറിഞ്ഞും കൊണ്ടിരുന്നു

കാളവണ്ടി അതിവേഗം ശിവശൈലം ലക്ഷ്യമാക്കി പോകുകയാണ്

പാതി ബോധത്തിൽ കിടക്കുന്ന അവനു അൽപ്പാൽപ്പമായി വെള്ളം കൊടുക്കുന്നണ്ടായിരുന്നു.

ഒടിഞ്ഞ കൈ വളഞ്ഞു പോയിരിക്കുന്നു ഒപ്പം നീര് വെച്ച് കൈയാകെ വീർത്തിരിക്കുന്നു.

“മാമ ,,,,,,,,,,,,,,,” അവൻ ഞെരക്കത്തോടെ പറഞ്ഞു

“എന്താ മോനെ ,,,” അവന്‍റെ സമീപത്തിരുന്ന ഉമാദത്തൻ വിളികേട്ടു

“ഞാൻ മരിച്ചു പോകുംന്നാ തോന്നണേ ,,,,എനിക്ക് ,,,എനിക്ക് വേദന സഹിക്കാൻ പറ്റണില്ല …”എച്ചിയെ കാണണം ,,,,,എനിക്കെന്‍റെ ഏച്ചിയെ കാണണം ” അവൻ വാവിട്ടു കരയാൻ തുടങ്ങി

 

“നമ്മൾ ഇപ്പോ തന്നെ എത്തും ,,,വൈദ്യരപ്പൂപ്പനെ കാണിക്കാം ,,അപ്പൂപ്പൻ മരുന്ന് തരും ”

അവന്‍റെ ബോധം മറയുന്ന അവസ്ഥയിൽ ആയിരുന്നു

 

“ഞാൻ മരിച്ച ,,,എന്‍റെ കണ്ണുകൾ ഏച്ചിക്കു കൊടുക്കണെ  മാമാ ,,,: പാതിബോധത്തോടെ അവൻ പുലമ്പിക്കൊണ്ടിരുന്നു

എല്ലാവർക്കും അത് കേട്ട് സങ്കടമായി

കാളവണ്ടി ശിവശൈലത്തു എത്തിചേർന്നു അവശനായ ശങ്കരനെ എല്ലാവരും കൂടെ എടുത്തു വൈദ്യരയ്യയുടെ ഭവനത്തിൽ എത്തിച്ചു

ശിവാനി ഇത് തല്കാലത്തേക് അറിയാതെ ഇരിക്കാൻ എല്ലാരോടും പറഞ്ഞു

 

തളർന്നു കിടക്കുന്ന അവനെ തിണ്ണയിൽ കിടത്തി

അപ്പോളേക്കും സ്വാമി അയ്യയും അങ്ങോട്ടേക്ക് വന്നു

എല്ലാവരും ശങ്കരന്‍റെ അവസ്ഥയിൽ അങ്ങേ അറ്റം ദുഖിതരായിരുന്നു

 

വൈദ്യരയ്യ അവനെ പരിശോധിച്ചു

അവനു വേദനയും തളർച്ചയും ഒക്കെ അനുഭവിക്കുന്നുണ്ടായിരുന്നു

വൈദ്യരയ്യ മുറിയിൽ പോയി ഒരു കുഞ്ഞു ചില്ലു കുപ്പിയിൽ സൂക്ഷിച്ച മരുന്ന് കൊണ്ട് വന്നു

ഒരു തുളസിയില ആ കുപ്പിക്കുള്ളിൽ മുക്കി മരുന്ന് നനപ്പിച്ചു അവന്‍റെ നാവിന്‍റെ അടിയിൽ വെച്ചു

നിമിഷങ്ങൾക്കകം അവൻ ഉറക്കമായി

 

കഞ്ചാവിന്‍റെ സത്തിൽ നിന്നും ഉണ്ടാക്കിയെടുത്ത മരുന്നായിരുന്നു

 

വൃദ്ധനായ വൈദ്യരയ്യ , അവന്‍റെ ഒടിഞ്ഞ കൈയിൽ വിരലോടിച്ചു ഒടിവിന്‍റെ സ്ഥിതി മനസിലാക്കി

മെല്ലെ ഒടിവ് നിവർത്തി എല്ലു കൂട്ടി നിർത്തി

 

മയക്കത്തിലും കൊടിയ വേദനയിൽ അവൻ ഞരങ്ങി കൊണ്ടിരുന്നു

“ഏച്ചി ,,,,,,,,,,,” എന്ന് അപ്പോളും അവൻ അവ്യക്തമായി വിളിക്കുന്നുണ്ടായിരുന്നു

 

കൈയിൽ ചങ്ങലംപരണ്ട അരച്ച് പുരട്ടി കഴിഞ്ഞു നീണ്ട തുണിയിൽ നറുനീണ്ടിയും നീർമാതളകാതലും ഞാവൽമരകാതലും മരമഞ്ഞളും ചേർത്തുണ്ടാക്കിയ കഷായത്തിൽ മുക്കി കൈയിൽ സൂക്ഷ്മതയോടെ ചുറ്റി

മുള ചീന്തിയത് കൊണ്ട് കൈയിൽ വെച്ച് കെട്ടി കൈ അനങ്ങാത്ത വിധത്തിൽ കെട്ടി

 

“ശങ്കരാ ,,,,,,,,,,,,,,,,,”

“ശങ്കരാ ,,,,,,,,,,,,,,,,,മോനെ ,,,,,,,,,,,,,,,,,”

 

എന്നുള്ള വിളി കേട്ട് എല്ലാവരും തിരിഞ്ഞു നോക്കി

 

ഒരു നടുക്കം ആയിരുന്നു എല്ലാവർക്കും