അപരാജിതന്‍ 18 [Harshan] 10305

“അമ്മയോട് പറയണം ഞാൻ സുഖായി ഇരിക്കുന്നു എന്ന് കേട്ടോ ,,അതുപോലെ അന്വേഷണവും പറയണം ”

“പിന്നെ ,,,ബാക്കി ഉള്ളവർ ഒക്കെ എന്താ പറയുന്നേ ?”

“ഇവിടെ മാമൻമാർ ഒക്കെ മല്ലയുദ്ധപരിശീലനത്തിൽ ആണ് അപ്പു ,,, വൈശാലിയിലെ ഉത്സവം വരികയല്ലേ ”

“ആഹാ ,,അപ്പൊ അത്രക്കും വലിയ ഉത്സവമാണോ ?”

“ആണോന്നോ ,,,,ഉത്സവം എന്ന് പറഞ്ഞാൽ പോരാ ,,, യുദ്ധ൦ ആണ് ,,,യുദ്ധം ”

“യുദ്ധമോ ,,,?” ആകാംക്ഷയോടെ അപ്പു ചോദിച്ചു

“അതൊക്കെ പറയാൻ ആണെങ്കിൽ ഒരുപാട് ഉണ്ട് അപ്പു ”

“രണ്ടു രാജകുടുംബങ്ങൾ ആണ് പ്രജാപതികളും കലിശ൯മാരും ,, അഞ്ഞൂറ് കൊല്ലങ്ങൾക്ക് മുന്നേ യുദ്ധം ആയിരുന്നു ഇവർ തമ്മിൽ,, വൈശാലിയിലെ പ്രജാപതികളുടെ കൊട്ടാരത്തിനും അതുപോലെ വൈശാലിയിലെ പുണ്യ വൈഷ്‌ണവഭൂമിയായ ശ്രീവത്സഭൂമിക്കും അതിൽ പ്രതിഷ്ഠിക്കേണ്ട നാരായണവിഗ്രഹത്തിനും വേണ്ടി , ആ വിഗ്രഹത്തിനു അമൂല്യങ്ങളായ ശക്തികൾ ഉണ്ട് ,, അതുപോലെ കൊട്ടാരത്തിൽ നിലവറയിൽ കോടാനുകോടികളുടെ നിധികളും ഉണ്ട് ,, ഇതെല്ലാം ഇപ്പോൾ പ്രജാപതികളുടെ കൈവശം ആണ് ,,,ഈ കലിശന്മാർ ആ സ്വത്തുക്കളിൽ അവകാശം ഉന്നയിച്ചു കൊണ്ടാണ് യുദ്ധം ചെയ്തിരുന്നത് , യുദ്ധത്തിൽ ആർക്കും ജയം ഇല്ലാതെ പരസ്പരം പോരടിച്ചു രണ്ടു പക്ഷത്തും നാശ നഷ്ടങ്ങൾ വന്നപ്പോ രണ്ടു കുടുംബങ്ങളും ബഹുമാനിക്കുന്ന ചില ശ്രഷ്ഠവ്യക്തിത്വങ്ങൾ ഇരുവരെയും സന്ധിസംഭാഷണത്തിന് വിളിപ്പിച്ചു , അങ്ങനെ അവരുടെ മുന്നിൽ ഒരു ഉടമ്പടി വെച്ചു , അതായതു യുദ്ധ൦ വേണ്ട പകരം  വൈശാലിയിലെ ഉത്സവ സമയത്തു ആയോധന മത്സരങ്ങൾ നടത്തുക , അതിൽ വിജയിക്കുന്നവർക്ക് ഇതെല്ലാം സ്വന്തമാകും എന്ന് തീരുമാനം വന്നു , ഇരു വിഭാഗവും അത് അംഗീകരിച്ചു , എത്ര മത്സരം വേണമെന്നും എത്ര നാൾ കൂടുമ്പോ ഉത്സവം നടത്തണം എന്നും അഞ്ഞൂറ് കൊല്ലങ്ങൾക്ക് മുന്നേ  നറുക്കെടുപ്പിലൂടെ തീരുമാനിക്കാൻ ധാരണയായി , അങ്ങനെ കലിശ൯മാരുടെ പക്ഷത്തു നിന്നും പ്രജാപതി പക്ഷത്തു നിന്നും അഞ്ചു വയസുള്ള രണ്ടു കുട്ടികളെ കൊണ്ട് നറുക്കെടുപ്പിച്ചു ,, നിർഭാഗ്യവശാൽ അന്നത്തെ നറുക്കെടുപ്പിൽ , ഉല്‍സവം  അമ്പതു കൊല്ലം കൂടുമ്പോൾ നടത്താനും അതുപോലെ മത്സരത്തിന്‍റെ എണ്ണം പത്തു വട്ടം നടത്താനും തീരുമാനിക്കേണ്ടി വന്നു

“എന്താ ഈ കേൾക്കുന്നേ അമ്പത് കൊല്ലം കൂടുമ്പോ ഉത്സവമോ ?”

“അതെ അപ്പു ,,,, അത് ഉടമ്പടി ആയതിനാൽ ഇരുപക്ഷത്തിനും തള്ളികളയാൻ സാധിക്കുമായിരുന്നില്ല ,, അതോടെ അമ്പത് കൊല്ലം കൂടുമ്പോ ഉത്സവം നടത്താനും ആ ഉത്സവത്തിൽ മത്സരങ്ങൾ കൂടെ ഉൾപ്പെടുത്താനും ധാരണയായി ,, അങ്ങനെ അഞ്ഞൂറ് കൊല്ലം കൊണ്ട് പത്തു മത്സരങ്ങൾ ”

“അത് കൊള്ളാമല്ലോ …പക്ഷെ ഈ മത്സരം എന്ന് പറഞ്ഞാ എന്താ ഇന്ദുകുഞ്ഞേ  ”

“അതിൽ ഇല്ലാത്തതു ഒന്നുമില്ല അപ്പു ,,, ഒക്കെ പഴയകാലത്തെ ഹൈ ലെവൽ ആയോധനകലകൾ തന്നെ ആണ് ,, അന്ന് ഒരു തീരുമാനം കൂടെ ഉണ്ടായി ,,,അതായത് ഒൻപതു മത്സരങ്ങൾ കഴിഞ്ഞാൽ അതിൽ ആരാണോ പരാജയപെട്ടിരിക്കുന്നത് അവർക്ക് പത്താമത്തെ മത്സരം നിയന്ത്രിക്കാം ,,അവർക്കു ആയിരിയ്ക്കും പത്താമത്തെ മത്സരത്തിൽ എന്തൊക്കെ മത്സരം വേണമെന്നു തീരുമാനിക്കാൻ ഉള്ള ഉത്തരവാദിത്വം ,,അതുപോലെ പത്താമത്തെ മത്സരത്തോടെ  സമനിലയിൽ അവസാനിച്ചാൽ , പത്താമത്തെ മത്സരം ജയിച്ചവൻ ആരാണോ അവർക്കു അവകാശപ്പെട്ടതാണ്  നേരത്തെ പറഞ്ഞതെല്ലാം ”

“അത് കൊണ്ട് എന്തേലും പ്രശ്നമുണ്ടോ, ഇതൊക്കെ വലിയ സംഭവം ആണോ  ?”

“ആണ് അപ്പു ,,,, അതായതു ഇതുവരെ നടന്ന ഒൻപതു മത്സരങ്ങളിൽ അഞ്ചു മത്സരം പ്രജാപതികൾ ജയിച്ചു

നാലെണ്ണം കലിശന്മാരും ,,, മാത്രവും അല്ല ഒൻപതാമത്തെ മത്സരം തോറ്റത് കലിശന്മാർ ആയതു കൊണ്ട് പത്താമത്തെ മത്സരം സകല ചുമതലകളും അവർക്കാണ് ,, അതിൽ അവർ ജയിച്ചാൽ രണ്ടു പേരും സമനിലയിൽ ആകുന്നതിനാൽ  ഉടമ്പടി അനുസരിച്ചു അവസാന മത്സരം  ആര് ജയിക്കുന്നുവോ അവർ വിജയികളായി മാറും ,,, അപ്പൊ  പറഞ്ഞതെല്ലാം അവർക്കു അടിയറവു വെക്കണം ,, കൂടാതെ  കൊട്ടാരത്തിലെ എല്ലാവരും അവരുടെ അടിമകളായി മാറും .. അപ്പൊ രണ്ടു കൂട്ടർക്കും ഇത് ഒരു ജീവൻ മരണ പോരാട്ടം പോലെ ആണ് ,,ഇപ്പൊ മനസിലായോ …”

“ഓ ,,വല്ലാത്ത ഒരു നാട് തന്നെ ,,, ”

“പിന്നെ എന്താ അപ്പു വിചാരിച്ചത് ,,, അന്ന് ആ മത്സരത്തിൽ എത്ര പേര് മരണപ്പെടും എന്ന് കണ്ടറിയാം ,,, ”

“അയ്യോ ,,,,അതൊക്കെ ഉണ്ടോ ,,?”

“പിന്നില്ലേ ,,,,”

“അപ്പൊ പോലീസ് കോടതി ,,ഇതൊന്നും ”

“ഇതൊന്നും ഇവിടെ ബാധകം അല്ല ,,, ഇപ്പൊ മനസിലായില്ലേ ,,,”

“ഉവ്വ് ,,, ഇന്ദുകുഞ്ഞിന്‍റെ  മാമന്മാർക്കു വല്ല കരിംകുരങ്ങു രസായമോ കാണ്ടാമൃഗാദി  ലേഹ്യമോ   വാങ്ങി കൊടുക്ക് ,,,,നന്നായി പുഷ്ടിക്കട്ടെ ,,,ഇടി കൊള്ളാന്‍ ഉള്ളതല്ലേ ”

“അപ്പു ,,,വേണ്ട വേണ്ട ,,,,,,,,,,,,,,,,,അവരുടെ മുന്നിൽ നീ പെട്ട നുറുക്കികളയും ”

“അയ്യോ വേണ്ട ,,,,എനിക്ക് അത്ര ശക്തി ഒന്നുമില്ല ,,പാവമാ ,,,,, കണ്ടാ വ്യക്തമാകും ,, ഇങ്ങനെ വലിയ ഡയലോഗുകൾ പറയും എന്നെ ഉള്ളു ,,,അടി കൊള്ളാൻ എനിക്ക് വയ്യ ,,,,എന്തായാലും നോക്കട്ടെ ,,,പറ്റുമെങ്കിൽ ആ ഉത്സവം അതിന്‍റെ ഇടയിലെ മത്സരവും ഒക്കെ കാണണം  എന്നുണ്ട് ,,,”

“അപ്പു ,,,,വേറെ ഒരു കാര്യം ഉണ്ട് ,,ഉത്സവം  ആകുമ്പോ ത്തു ദിവസം മുന്നേ അതിർത്തി അടക്കും ,, പിന്നെ പുറമെ നിന്നും ആർക്കും പ്രവേശിക്കാൻ പറ്റില്ല ,, ഈ നാട്ടിൽ ഉള്ളവർക്ക് മാത്രേ ഇതൊക്കെ കാണാൻ പറ്റു ,,അതുമല്ലെങ്കിൽ ഉത്സവത്തിന് കുറഞ്ഞത് പത്തു ദിവസം മുന്നേ എങ്കിലും ഇതിനുള്ളിലേക്ക് പ്രവേശിക്കണം ,,”

“അയ്യോ അങ്ങനെ ആണോ ,,എന്നാ ഞാൻ വരുന്നില്ല ,,എനിക്ക് കമ്പനിയിൽ ലീവ് അധികം ഇല്ല ,,ഞാൻ ഇല്ല നിങ്ങടെ നാട്ടിലേക്ക് ,,ആ പിന്നെ കുഴപ്പമില്ല ,, ദേവർമടം തറവാടും അവിടെ സ്നേഹനിധിയായ ഭുവനേശ്വരി ദേവി എന്ന പരട്ട തള്ളയും അവരുടെ എരണം കെട്ട ആണ്മക്കളും ഉള്ളതിനാലും ,,ഈ പറഞ്ഞവർക്ക് എന്നെ ഒരുപാട് ഇഷ്ടവും വാത്സല്യവും ബഹുമാനവും ഉള്ളതിനാലും അവിടെ പത്തു ദിവസം മുന്നേ വന്നാലും എനിക്ക് താമസിക്കാൻ ദേവർമടം തറവാടും എന്നെ പരിചരിക്കാൻ മാമന്മാരും അവരുടെ മക്കളും ഒക്കെ ഉണ്ടല്ലോ  ,,,എന്‍റെ കാലു തിരുമ്മി തരാൻ ആ ആയിയും ,,,ഹോ ,,,,എന്‍റെ ജീവിതം ധന്യമായി ”

അപ്പു ഈ പറയുന്നത് കേട്ട് ഇന്ദുവിനു ചിരിയടക്കാൻ ആയില്ല

“മതി അപ്പു ,,,,മതി ,,,,ഇതിൽ കൂടുതൽ ഞാൻ താങ്ങില്ല ,,, ”

“പിന്നെ ,,, ഒന്നുമില്ലേലും മാലിനി കൊച്ചമ്മയും പിന്നെ ഇന്ദുകുഞ്ഞിന്‍റെ അമ്മയും ആ ആയിതള്ളയുടെ വയറ്റിന്നു വന്നത് കാരണം കൂടുതൽ ഞാൻ ഒന്നും പറയുന്നില്ല ”

“അതൊക്കെ പോട്ടെ അപ്പു ,,,,ചിറ്റയെ വിളിക്കാറുണ്ടോ നീ ”

“ഇപ്പോ കുറവാ ,,,,,,,,,,ഞാൻ ഇവിടെ ഒരുപാട് തിരക്കിൽ ആണ് കുഞ്ഞേ ,,,,എന്ത് ചെയ്യാ ,,, ഞാൻ ഇവിടത്തെ സൂപ്പർസ്റ്റാർ ആണ് ഇപ്പൊ ,,,”

“അത് പിന്നെ പറയാനുണ്ടോ ,,,,അപ്പു ആശാൻ എവിടെ പോയാലും സൂപ്പർസ്റ്റാർ അല്ലെ ,,,”