അമ്മയുടെ ശരികൾ [ജ്വാല] 1325

അങ്ങനെ ഓരോന്ന് ചിന്തിച്ചു തന്റെ ഫ്‌ളാറ്റിൽ എത്തി.ഒരു കാപ്പി ഉണ്ടാക്കാം എന്ന് വിചാരിച്ചു അപ്പോഴേക്കും സൂപ്രണ്ടിന്റെ വിളി വന്നു, തിരുവനന്തപുരം എത്തിയോ എന്ന് ,
മൂപ്പർക്കാണ് എന്നെക്കാളും ടെൻഷൻ.

കളക്ട്രേറ്റ് നിറയെ തിരക്ക്, അദാലത്തിനായി എത്തിയവർ ഒരു ഭാഗത്ത്, നിന്ന് തിരിയാൻ സമയം ഇല്ല.

സാർ,
പുറകിൽ നിന്ന് ആരോ വിളിച്ചു,
ഞാൻ തിരിഞ്ഞു നോക്കി,
അന്ന് അമ്പലത്തിൽ വച്ചു കണ്ട പെൺകുട്ടി,
ഞാൻ പുഞ്ചിരിച്ചു അവളുടെ മുഖത്ത് എന്നെ കണ്ടതിൽ ഒരു ആശ്വാസം പോലെ.
എന്താ?
ഞാൻ കളക്ടർ സാറിനെ കാണാൻ വന്നതാ, വീടിന്റെ കാര്യം പറയാൻ അപ്പോഴാണ് അവിടെ ആദ്യം ഇരിക്കുന്ന സാർ പറഞ്ഞത് സാറിനെ വന്നു കാണാൻ.

കുട്ടി ഇരിക്കൂ , അവൾ മടിച്ചു ,
ഇരിക്കെന്നെ, എന്റെ സംസാരത്തിൽ അവൾ അവിടെ ഇരുന്നു.
ശരിക്കും ഉറച്ചിരിക്കുന്നും ഇല്ല , ആരെയോ ഭയക്കുന്നത് പോലെ.

എന്താണ് തന്റെ പ്രശ്നം?
കൈയിലിരുന്ന പേപ്പറുകൾ എന്റെ നേരെ നീട്ടി,
വീട് ജപ്തി ചെയ്യാൻ ഉത്തരവ് വന്നിട്ടുണ്ട്, ലാൻഡ് റവന്യു വകുപ്പിന്റെ ആണ് ഉത്തരവ്

ജില്ലാ മജിസ്‌ട്രേറ്റ് കൂടിയായ കളക്ടറെ കാണാൻ വേണ്ടിയുള്ള വരവാണ്.
ഇത് എങ്ങനെയാണ് സംഭവിച്ചത് എന്നറിയില്ല. പലരോടും പറഞ്ഞു അവസാനത്തെ സ്ഥലം ആണ്, ഞങ്ങൾക്ക് ഇറങ്ങാൻ മറ്റൊരു സ്ഥലം കൂടി ഇല്ല സാർ,
അവൾ അത് പറയുമ്പോൾ കണ്ണുകൾ നിറയുകയും, വാക്കുകൾ കിട്ടാതെ പതറുകയും ചെയ്തു.

കുട്ടി വിഷമിക്കാതിരിക്കു നമുക്ക് എന്തെങ്കിലും ചെയ്യാൻ കഴിയുമോ എന്ന് നോക്കാം.
കുട്ടി,
സാർ എന്റെ പേര് ആരതി എന്നാ വീട്ടിൽ ആര്യ എന്ന് വിളിക്കും,
ഓ… ഞാൻ ചിരിച്ചു ,
ആര്യ ഒരു കാര്യം ചെയ്യൂ , ഫോൺ നമ്പർ തരൂ, ഞാൻ ഒരു വെള്ള പേപ്പർ കൊടുത്തു.
ഞാൻ സാറിനോട് ഒന്ന് സംസാരിക്കട്ടെ,
വളരെ ഉപകാരം സാർ നമ്പർ തന്നിട്ട് അവൾ പറഞ്ഞു.

ആര്യ ഒന്ന് വെയ്റ്റ് ചെയ്യണേ, ഇന്ന് അദാലത്ത് ഉള്ളത് കൊണ്ട് ധാരാളം ആൾക്കാർ ഉണ്ട്, നല്ല തിരക്ക് ആകും.