അമ്മയുടെ ശരികൾ [ജ്വാല] 1324

സാർ , ഒന്ന് സംസാരിച്ചു നോക്കു, കിട്ടിയാൽ വലിയ ഉപകാരമായിരുന്നു.
ഞാൻ അപ്പോൾ തന്നെ ഫോണെടുത്ത് സുഹൃത്തിനെ വിളിച്ചു, അവധി ദിവസങ്ങൾ കഴിഞ്ഞ് ആ കുട്ടിയെ കൂട്ടി കൊണ്ട് വരൂ , താങ്ക്യൂ പറഞ്ഞു സംഭാഷണം അവസാനിപ്പിച്ചു.

സാർ ഞാൻ എങ്ങനെയാണ് ഇതിനെല്ലാം നന്ദി പറയേണ്ടത് എന്റെ വിഷമ ഘട്ടത്തിൽ എല്ലാം എന്നെ സഹായിക്കുന്നുണ്ട്.

തന്റെ എല്ലാ വിഷമങ്ങളിലും എന്നും സഹായിക്കാൻ കൂട്ടുമോ?

എന്റെ ചോദ്യം മനസ്സിലായിട്ടോ അവൾ എന്റെ കണ്ണിൽ നോക്കി ഇരുന്നു.
ഞാൻ അമ്മയെ കൂട്ടി തന്റെ വീട്ടിലേക്ക് വരട്ടെ …..
സാർ…. നിശ്ശബ്ദനായി അവൾ ഇരിക്കുന്നത് കണ്ടിട്ട് ഞാൻ ഒന്നു കൂടി ചോദിച്ചു,
ഞാൻ പറഞ്ഞത് കേട്ടില്ലേ?
സാർ, അവിടെ ഇറക്കിയാൽ മതി, അവൾ ചൂണ്ടി കാട്ടിയ റോഡിന്റെ ഓരത്ത് കാർ നിർത്തി.
എന്നിട്ട് അവൾ എന്നോട് കുറച്ച് കൂടി എടുത്തിട്ടു സ്വകാര്യം പോലെ പറഞ്ഞു.
വീട്ടിൽ വന്നു അച്ഛനെ കണ്ട്, എന്റെ കുടുബം ഇഷ്ടമായാൽ എനിക്ക് യാതൊരു ഇഷ്ടക്കുറവ് ഇല്ല, ഈ ഒരു സ്റ്റാൻഡ് മാത്രമേ എനിക്കു എടുക്കാൻ കഴിയു.

മതി, ധാരാളം അവധി ദിവസം കഴിഞ്ഞു ഞാൻ വരുമ്പോൾ അമ്മയെ കൂട്ടി വരാം, അത് കഴിഞ്ഞ് നമുക്ക് ജോലിയുടെ കാര്യത്തിനും പോകാം .

അവളെ യാത്ര ആക്കിയ ശേഷം ഞാൻ വളരെ സന്തോഷത്തിൽ ആയിരുന്നു. ഇത്രയും കാലം വിവാഹമേ വേണ്ടാ എന്ന് വിചാരിച്ചു നടന്നിട്ട് ഒരു പെൺകുട്ടി ആദ്യമായി തന്റെ മനസ്സിൽ വരുന്നു
ദൈവ നിശ്ചയം.

റോഡിലെ തിരക്കൊക്കെ കഴിഞ്ഞു വീട്ടിലെത്തുമ്പോഴേക്കും എട്ടു മണി കഴിഞ്ഞിരുന്നു , അമ്മ വഴി കണ്ണുമായി ഇരിക്കുന്നുണ്ട്, ടിവി ഓടുന്നുണ്ടെങ്കിലും ഗെയ്റ്റിലാണ് അമ്മയുടെ കണ്ണ് , ഇത്രയും പ്രായമായിട്ടും ഞാനൊന്ന് വരാൻ താമസിച്ചാൽ അമ്മയ്ക്ക് ടെൻഷൻ ആണ്.

ഭക്ഷണം കഴിക്കാൻ ഇരുന്നപ്പോൾ ഒരു സദ്യക്കുള്ള വട്ടം തന്നെ ഉണ്ടാക്കിയിട്ടുണ്ട്, എന്തിനാ അമ്മേ ഇത്രയും കറികൾ ഉണ്ടാക്കിയത്?
നീ ആഴ്ചയിൽ ഒരിക്കലാ വരുന്നത്, എപ്പോഴെങ്കിലും നല്ല ഭക്ഷണം ഞാൻ ഉണ്ടാക്കി തരണ്ടേ?

എങ്ങനെ അമ്മയുടെ അടുത്ത് അവതരിപ്പിച്ചു തുടങ്ങണം എന്ന കാര്യത്തിലാണ് ആശയക്കുഴപ്പം, കർക്കശക്കാരിയായ അധ്യാപിക ആണ് സ്‌കൂളിലെങ്കിൽ വീട്ടിൽ സ്നേഹനിധിയായ അമ്മയാണ്, സുഹൃത്താണ് എന്തും പറയാനുള്ള സ്വാതന്ത്ര്യം ഉണ്ട്, പക്ഷെ അതേ പോലെയല്ലല്ലോ ഇത് പറയാൻ ഒരു വിമ്മിഷ്ടം ഭക്ഷണം കഴിക്കുന്നതിനു ഇടയ്ക്ക് പലപ്രാവശ്യം അമ്മയെ നോക്കുകയും ചെയ്തു,

ഒന്ന് തുടങ്ങി കിട്ടാനാണ് ബുദ്ദിമുട്ട്.
വെള്ളം കുടിച്ച് എഴുന്നേൽക്കാൻ തുടങ്ങിയപ്പോൾ അമ്മ വിളിച്ചു.
അജൂ , നിനക്ക് എന്തെങ്കിലും പറയാനുണ്ടോ?
ഞാൻ തല കുലുക്കി,
നിന്റെ വായിലെ നാവ് എവിടെ പോയി? ഞാൻ ഇങ്ങനറിയാണോ നിന്നെ പഠിപ്പിച്ചിരിക്കുന്നത്?