അമ്മയുടെ ശരികൾ [ജ്വാല] 1325

അമ്മയ്ക്ക് , പകുതിയിൽ നിർത്തി,
സുഖമാണ്.
പെങ്ങൾക്കോ?
അവൾക്കും കല്യാണമൊക്കെ കഴിഞ്ഞു കുടുംബിനി ആയല്ലേ…
ഹും , ഞാൻ ഒന്നു മൂളി,അജു ഞാൻ ഇനി അധിക കാലം ഉണ്ടാകില്ല ആയുസ് തീരാറായി,
എന്നെ ആവശ്യമുണ്ടായിരുന്ന സമയത്ത് ഞാൻ നിങ്ങളെ ഉപേക്ഷിച്ചു പോയി,

നീ എന്നെ വെറുക്കരുത്, മാപ്പ് തരണം,
അമ്മയോട് പറയണം എല്ലാം എന്റെ തെറ്റ് ആയിരുന്നു എന്ന്, നിന്റെ അമ്മയുടെ സ്നേഹം ഞാൻ കണ്ടില്ല അല്ല കാണാൻ ശ്രമിച്ചില്ല.

നിന്റെ സഹോദരിക്ക് നീ ഞാനില്ലാത്ത കുറവുകൾ വരുത്താതെ നോക്കി, ദൂരെ നിന്ന് ഞാനെല്ലാം നോക്കി കാണുന്നുണ്ടായിരുന്നു അജു ,

എനിക്ക് ഭയമാണ് നിന്റെ അമ്മയെ അഭിമുഖീകരിക്കാൻ അവൾ അനുഭവിച്ച വേദനകൾ ആവാം,
ഈശ്വരൻ എന്നെ ഈ നിലയിൽ എത്തിച്ചത്
അർബുദം എന്നെ കാർന്ന് തിന്നു തുടങ്ങി,മരണത്തിന്റെ വരവിനായി കാതോർത്തു കിടക്കുകയാണ്,
ഒരു മകൻ എന്ന നിലയിൽ നീ എന്റെ ചിതയ്ക്ക് തീ കൊളുത്തണം .

അച്ഛൻ എന്തെല്ലാം ആണ് പറയുന്നത്?
എന്റെ ആഗ്രഹം ഞാൻ പറയട്ടെ അജു നാളെ ചിലപ്പോൾ കഴിഞ്ഞില്ലങ്കിലോ?
ഞാൻ മരിച്ചാൽ നിന്നെ അറിയിക്കും നീ എന്തായാലും വന്നു മുന്നിൽ നിന്ന് എല്ലാ ചടങ്ങുകളും ചെയ്യണം.ആത്മാവിനു എങ്കിലും കുറച്ച് സമാധാനം കിട്ടട്ടെ.

ഇനി ഒരാഗ്രഹം കൂടിയുണ്ട് നീ എനിക്ക് ഭക്ഷണം വാങ്ങി തരണം നിന്റെ അദ്ധ്വാനത്തിൽ ഉണ്ടാക്കിയ പൈസ കൊണ്ട് വേണം,
എന്റെ കണ്ണുകൾ നിറഞ്ഞു അച്ഛന്റെ കൈകൾ പിടിച്ചു ഞാൻ നടന്നു,
കാറിൽ എന്റെ അടുത്തായി ഇരുത്തി നേരെ പ്രശസ്തമായ വെജിറ്റേറിയൻ ഹോട്ടലിലേക്ക് പോയി,
വയറു നിറയെ ഭക്ഷണം കഴിപ്പിച്ചു.
സന്തോഷമായി മോനേ ഇനി ഞാൻ പോകട്ടെ,
അച്‌ഛാ ഞാൻ കൊണ്ട് വിടാം… വേണ്ട നീ ഇപ്പോൾ പൊയ്ക്കോ,
കൂടുതൽ ഒന്നും പറയാതെ അച്ഛൻ നടന്നു പോകുന്നത് നോക്കി നിന്നു…

എനിക്കപ്പോൾ അമ്മയെ കാണണം എന്ന് തോന്നി പിന്നെ ഒട്ടും ആലോചിച്ചില്ല വണ്ടി എടുത്ത് ഞാൻ നാട്ടിലേക്ക് കുതിച്ചു,

ഞാൻ വീട്ടിൽ എത്തുമ്പോൾ അമ്മ സ്കൂളിൽ നിന്ന് എത്തിയിട്ടുണ്ടായിരുന്നില്ല,
നേരെ സ്‌കൂളിലേക്ക് വിട്ടു. വൈകിട്ട് സ്കൂൾ വിട്ടു വരുന്ന കുട്ടികളുടെ ശബ്ദം ഞാൻ കേട്ടു, കുട്ടികളുടെ ഇടയിലൂടെ അമ്മ ആരോടോ കാര്യം പറഞ്ഞു വരുന്നത് കണ്ട് ഞാൻ കാറിൽ നിന്ന് പുറത്തേയ്ക്കിറങ്ങി.
അമ്മേ…
അപ്രതീക്ഷിതമായി എന്നെ കണ്ട അമ്മ ഒന്ന് അമ്പരന്നു നീ എന്താ ഇവിടെ? എപ്പോൾ വന്നു ?
ഒരു വായിൽ നൂറു ചോദ്യങ്ങൾ
ബാ ഒക്കെ പറയാം,