അമ്മയുടെ ശരികൾ [ജ്വാല] 1325

ആ ദിവസം ഞങ്ങളുടെ മനസ്സിൽ ഒരു അരക്ഷിതാവസ്ഥ സൃഷ്ടിച്ചു എങ്ങനെ ഒക്കെയോ സഹോദരിയെ സമാധാനിപ്പിച്ചു കൊണ്ട് റൂമിൽ കൊണ്ട് കിടത്തി. തിരികെ വരുന്നേരം ഒരിക്കൽ കൂടി അമ്മയുടെ മുറിയുടെ വാതിലിൽ മുട്ടി, തുറന്നില്ല പക്ഷെ ഏങ്ങലടിയുടെ ചെറിയ ശബ്ദം കാതിൽ വന്നലച്ചു. കുറച്ച് നേരം കൂടി ഞാൻ അവിടെ നിന്നു പിന്നെ എന്റെ റൂമിലേക്ക് പോയി.

എന്തൊരു സന്തോഷം കളിയാടിയിരുന്ന ഞങ്ങളുടെ കുടുംബത്തിൽ എത്ര പെട്ടന്നാണ് അശാന്തി കടന്നു വന്നത്, ഞങ്ങളുടെ കുടുംബത്തെ നോക്കി പഠിക്കൂ എന്ന് പലരും പറയുന്നത് കെട്ട് ഞാൻ അഭിമാനപ്പെട്ടിരുന്നു. അത്രമാത്രം സന്തുഷ്ട കുടുംബം ആയിരുന്നു ഞങ്ങളുടേത് ഇപ്പോൾ എല്ലാം നഷ്ടമായിരിക്കുന്നു,
ഈശ്വരാ എന്തൊരു പരീക്ഷണം? ചിന്തിച്ചു, ചിന്തിച്ചു എപ്പോഴോ ഞാനും തളർന്നുറങ്ങി…

അജു,
രാവിലെ അമ്മ യുടെ ശബ്ദം കേട്ടാണ് ഞാൻ കണ്ണ് തുറന്നത്. പതിവ് പോലെ പ്രസന്നമായ മുഖത്തോടെ ചായക്കപ്പ് എനിക്ക് നേരെ നീട്ടി വേഗം കുടിച്ചിട്ട് കോളേജിൽ പോ ചെക്കാ എന്ന് പറഞ്ഞു അമ്മ പുറത്തേയ്ക്ക് നടന്നു.
അമ്മയുടെ മാറ്റം എനിക്ക് അത്ഭുതം ആയിരുന്നു, ഒന്നും സംഭവിച്ചിട്ടില്ലാത്തതു പോലെ.

കോളേജിലേക്ക് പോകാൻ തയ്യാറായി ബൈക്ക് സ്റ്റാർട്ട് ആക്കാൻ നേരമാണ് അമ്മ പറഞ്ഞത്.
അജു നിന്റെ ഒപ്പം ഞാനുമുണ്ട് എന്നെ സ്‌കൂളിലേക്ക് കൊണ്ടുവിട്ടിട്ട് പോയാൽ മതി.
ശരി അമ്മേ ,
അഞ്ചു മിനിറ്റിനുള്ളിൽ അമ്മ റെഡിയായി വന്നു, ഇളം വയലറ്റ് നിറത്തിൽ മഞ്ഞ പൂക്കളുള്ള സാരിയാണ് ചുറ്റിയിരിക്കുന്നത്, നെറ്റിയിൽ ചന്ദനക്കുറിയൊക്കെ ഇട്ട് വരുന്നത് കണ്ടാൽ എന്റെ മൂത്തചേച്ചി ആണോ എന്ന് തോന്നി പോകും.

പെങ്ങൾ രാവിലെ തന്നെ സ്കൂൾ ബസിൽ പോയിരുന്നു.
ബൈക്ക് എടുത്തു അമ്മ ശ്രദ്ധയോടെ ബൈക്കിൽ കയറി സാരി ഒതുക്കി പിടിച്ച് എന്നിലേക്ക് ചേർന്നിരുന്നു.
ഞങ്ങൾ രണ്ടാളും ഒന്നും മിണ്ടിയില്ല സ്‌കൂളിലേക്ക് കയറുന്നതിനു മുൻപുള്ള വാക മരത്തിന്റെ ചുവട്ടിൽ ബൈക്ക് നിർത്താൻ ആവശ്യപ്പെട്ടു.
ഞാൻ സ്‌കൂളിലേക്ക് കൊണ്ടുവിടാം, വേണ്ട ഇവിടെ നിർത്തൂ,
ഞാൻ ബൈക്ക് തണലിലേക്ക് ഒതുക്കി നിർത്തി,

അജൂ എനിക്ക് നിന്നോട് ചില കാര്യങ്ങൾ പറയാനുണ്ട് ഒരു മുഖവര ഇല്ലാതെ അമ്മ കാര്യത്തിലേക്ക് കടന്നു,
അച്ഛൻ ഇനി വരില്ല നമ്മളെ എന്നത്തേക്കും ആയി ഉപേക്ഷിച്ചു പോയിരിക്കുന്നു,
അതിന്റെ കാരണം എനിക്കിപ്പോൾ നിന്നോട് പറയാൻ കഴിയില്ല, പിന്നീട് നീ അറിയും ഒരു വിവാഹമോചനത്തിന് എനിക്ക് താല്പര്യം ഇല്ല കോടതിയും വക്കീലും ഒക്കെ ആയി സമൂഹത്തിന്റെ കണ്ണ് എന്റെ കുടുബത്തിലേക്ക് വീഴുന്നത് എനിക്കിഷ്ടമല്ല.