അമ്മയുടെ ശരികൾ [ജ്വാല] 1325

ചിലമ്പിച്ച എന്നാൽ പരിചിതമായ ശബ്ദത്തിൽ എന്നോട് പറഞ്ഞു ഞാൻ അച്ഛൻ ആണ്,
അത് കേട്ടതും ഞാൻ ഫോൺ കട്ട് ചെയ്തു , ദേഷ്യം സഹിക്കാതെ ഫോൺ ഓഫ് ചെയ്തു.ഒരു നെടുവീർപ്പോടെ ഞാൻ ഓർത്തു ഞങ്ങളെ വിട്ട് പോയിട്ട് അച്ഛൻ ഇപ്പോൾ എത്ര നാൾ ആയി…

ആലപ്പുഴ ജില്ലയിലെ പുരാതനമായ തറവാട്ടിലെ കാരണവരുടെ രണ്ടു മക്കളിൽ ഇളയവൾ ആയിരുന്നു എന്റെ അമ്മ ,
വല്യച്ഛൻ ധാരാളം വായിക്കുകയും, ചിന്തകനും , സോഷ്യലിസ്റ്റ് പ്രസ്ഥാനങ്ങളുമായി വളരെ അടുപ്പം ഉള്ള ആളുമായിരുന്നു, വല്യച്ഛന്റെ നിരന്തരമായ ഉത്സാഹം കൊണ്ട് അമ്മയെ പഠിപ്പിച്ചു ഹൈസ്‌കൂളിൽ ടീച്ചറുമാക്കി, വല്യച്ഛന്റെ പോളിസി ആണ് പെൺകുട്ടികൾക്ക് ടീച്ചർ ജോലിയാണ് അന്തസ് എന്ന്,

അമ്മയെ കാണാൻ അതി മനോഹരമായിരുന്നു, അമ്മയുടെ മുടി ഒക്കെ നിതംബം മറഞ്ഞു നിൽക്കും കണ്ണുകൾക്കും, ചിരിക്കും ഒകെ ഒരു പ്രത്യേക ഭംഗി ആയിരുന്നു,
അച്ഛനും നല്ല ഭംഗിയായിരുന്നു കാണാൻ, ഉറച്ച ശരീരം ഭംഗിയായി ചീകി വച്ചിരിക്കുന്ന മുടി ഒരിക്കലും ചുളിവ് വീഴാത്ത ഷർട്ട് ആരും നോക്കി നിൽക്കുന്ന ജെന്റിൽ മാൻ ടൂറിസം ഡിപ്പാർട്ട്മെറ്റിലെ ഉയർന്ന ജോലി അവർക്ക് രണ്ടു മക്കൾ ഞാൻ അജിത്ത് ബാലകൃഷ്ണൻ , സഹോദരി അഹല്യ ബാലകൃഷ്ണൻ വളരെ സന്തോഷകരമായ ജീവിതത്തിൽ എപ്പോഴാണ് അശാന്തികൾ സംഭവിച്ചത് എന്ന് ഇന്നും അജ്ഞാതം.

ഒരു ദിവസം ഞാൻ കോളേജിൽ നിന്ന് വന്നപ്പോൾ കേട്ടു വീട്ടിലെ ബഹളം.
ഓടി വീട്ടിൽ എത്തിയപ്പോൾ കണ്ടത് പേടിച്ചരണ്ട പെങ്ങൾ കരഞ്ഞു കലങ്ങിയ മുഖവുമായി ഒരു മൂലയ്ക്ക് നിൽക്കുന്നു അമ്മയുടെ കണ്ണുകളിൽ നിന്നും കണ്ണീർ ധാരധാരയായി ഒഴുകുന്നു, അമ്മയുടെ മുഖം ചുവന്നു തിണിർത്ത് ഇരിക്കുന്നു,
അച്ഛൻ അമ്മയെ അടിച്ചോ?
അച്ഛൻ ബാഗുമായി പുറത്തേയ്ക്കിറങ്ങാൻ നിൽക്കുന്നു.
അമ്മേ എന്താണ്?
അച്ചാ എന്താണ്? ആരും ഒന്നും മിണ്ടുന്നില്ല
പെങ്ങൾ ഓടി വന്നേനെ കെട്ടി പിടിച്ചു. അച്ഛൻ പുറത്തേയ്ക്കിറങ്ങാൻ പോയപ്പോൾ ഓടി ഞാനാ കൈകൾ പിടിച്ചു അച്ചാ എങ്ങോട്ടാ?

എന്റെ കൈകൾ വിടുവിച്ചു മുന്നോട്ട് നടക്കുന്നതിനിടയിൽ അവൾക്ക് ഭ്രാന്താ ഭ്രാന്ത് എന്ന് പുലമ്പുന്നത് ഞാൻ കേട്ടു.
ഒരു നിമിഷത്തിനിടയിൽ എല്ലാം സംഭവിച്ചു കഴിഞ്ഞിരുന്നു, അച്ഛൻ കാറിൽ കയറി പോയി,
അമ്മ തളർന്നു സെറ്റിയിൽ ഇരുപ്പായി, പെങ്ങൾ എന്നെ കെട്ടി പിടിച്ചു ഏങ്ങലടിച്ചു കരയുന്നു, എന്താണ് ചെയ്യേണ്ടത് എന്നറിയാതെ ഞാൻ കുഴങ്ങി.
ഒന്നും മിണ്ടാതെ ഇരുന്ന അമ്മയുടെ അടുത്ത് ഞാൻ ചെന്നു പതിയെ വിളിച്ചു,
അമ്മേ, പ്രതികരണം കാണാത്തതു കൊണ്ട് ഞാൻ പിന്നെയും വിളിച്ചു അമ്മേ,
ഒരു ഭ്രാന്തിയെ പോലെ ചുറ്റും നോക്കി പിന്നെ പൊട്ടികരഞ്ഞു കൊണ്ട് റൂമിലേക്ക് ഓടി കയറി, ഞാനും പെങ്ങളും പരസ്പരം നോക്കി. അവൾ ഇപ്ലോഴും കരഞ്ഞു കൊണ്ടിരിക്കുകയാണ്, ഞാനവളെ സമാധാനിപ്പിച്ചു അടുത്ത് ഇരുന്നു .