അമ്മയുടെ ശരികൾ [ജ്വാല] 1325

പെണ്ണിനെ കയറൂരി വിട്ടാൽ ഹിമാലയം വരെ കയറും അമ്മാതിരി ചോദ്യങ്ങളാ കൈവശം ഉള്ളത്.

ഞങ്ങൾ ഭക്ഷണം കഴിച്ച് എഴുന്നേറ്റു. ഒരിക്കൽ കൂടി നന്ദി പറഞ്ഞു അവൾ മുന്നോട്ട് നടന്നു. പിന്നെ വേഗം തന്നെ തിരികെ വന്നു സാറിന്റെ നമ്പർ ഒന്ന് തരുമോ?
എന്തെങ്കിലും ആവശ്യം ഇനിയും വന്നാലോ, ഇടയ്ക്ക് വിളിച്ചു ശല്യപ്പെടുത്താമല്ലോ?
ഞാൻ ചിരിച്ചു കൊണ്ട് എന്റെ നമ്പർ കൊടുത്തു.

അമ്മയെ അന്വേഷിച്ചതായി പറയണം ,
ഞാൻ തലയാട്ടി..
എന്തൊരു പക്വമതി, അമ്മയ്ക്ക് ചേർന്ന മരുമകൾ ആയിരിക്കും ഇത്.

ഇടയ്ക്ക് അച്ഛനെ വിളിക്കാറുണ്ട്, വിവരങ്ങൾ അന്വേഷിക്കും. ഒരിക്കലും സാമ്പത്തികമായി ഒരു സഹായവും ചെയ്യാൻ അച്ഛൻ അനുവദിച്ചിരുന്നില്ല.

രണ്ടാം ശനിയും പിന്നെ ചില അവധി ദിവസങ്ങൾ എല്ലാം കൂടി അടുപ്പിച്ചു വന്നു ഒരാഴ്ചയോളം അവധിയുണ്ട് ,
അമ്മ കാത്തിരിക്കുന്നുണ്ടാകും,
ഞാൻ നാട്ടിലേക്ക് തിരിച്ചു, ഏകദേശം നാലുമണി കഴിഞ്ഞിട്ടുണ്ടാകും കാർ അധികം വേഗതയിൽ അല്ലാതെ മുന്നോട്ട് പൊയ്ക്കൊണ്ടിരിക്കുകയാണ് പെട്ടന്നാണ് ഞാൻ കണ്ടത് ആര്യ റോഡിന്റെ ഓരം ചേർന്നു നടന്നു പോകുന്നത് കണ്ടത്,
ഒരു ചുവന്ന കളർ ചുരിദാർ ആണ് വേഷം, ഞാൻ കാർ കൊണ്ട് അടുത്തേയ്ക്ക് കൊണ്ട് നിർത്തി, എങ്ങോട്ടാ ?
ഗ്ലാസ് താഴ്ത്തി ഞാൻ ചോദിച്ചു,
ഒരു ഭയപ്പാടോടെ ഞെട്ടി തിരിഞ്ഞു നോക്കി എന്നെ കണ്ടതും ഒരു പുഞ്ചിരി ചുണ്ടുകളിൽ വിടർന്നു.

ആഹാ… സാർ ആയിരുന്നോ?
ഒരു ഇന്റർവ്യൂന് പോയതാ, അതും ശരിയായില്ല ,
ഇപ്പോൾ എങ്ങോട്ട് പോകുന്നു?
അമ്മയുടെ വീട് ഇവിടെയാണ്‌, അങ്ങോട്ട് പോകുകയാണ്,
എന്നാൽ താൻ വാ ,
ഞാൻ അങ്ങോട്ടേയ്ക്ക് കൊണ്ട് വിടാം,
വേണ്ട സാർ ഇവിടെ അടുത്താണ്,
ജാഡ ഇടാതെ കയറു പെണ്ണേ, അവൾ വേഗം കാറിൽ കയറി,

സാർ എങ്ങോട്ടാ?
നാട്ടിലേക്ക്, അമ്മയെ കാണാൻ.

ആര്യ,
എന്താ സാർ?
എന്റെ സുഹൃത്തിന്റെ സ്ഥാപനം ആണ് “ഇൻബോൺ മീഡിയ”
ഗ്രാഫിക് ഡിസൈനിങ്, വെബ് ഡിസൈനിങ് തുടങ്ങി കുറഞ്ഞകാലം കൊണ്ട് നല്ലൊരു പേര് ഉണ്ടാക്കിയിട്ടുണ്ട് തന്റെ കാര്യം ഞാൻ ഒന്ന് സംസാരിക്കട്ടെ, പോയാൽ ഒരു വാക്ക് ചിലപ്പോൾ ബിരിയാണി കിട്ടിയയാലോ തന്റെ അനുവാദം ഉണ്ടെങ്കിലല്ലേ എനിക്ക് പറയാൻ സാധിക്കൂ,