??ജോക്കർ 5️⃣ [??? ? ?????] 3291

10.00am

മെഡിക്കൽ കോളേജ് പോലീസ് സ്റ്റേഷൻ…

തലേ ദിവസം പോലീസ് ഹോസ്റ്റലിൽ കയറിയ കാര്യം ക്യാമ്പസ്സിൽ ഫ്ലാഷ് ആയിരുന്നത് കൊണ്ടാവണം അശ്രിതയോടൊപ്പം സ്റ്റുഡന്റ്സിന്റെ ഒരു കൂട്ടം തന്നെ പോലീസ് സ്റ്റേഷനിലേക്ക് എത്തിയിരുന്നു….

സച്ചിന്റെ മുന്നിൽ ഇരിക്കുമ്പോഴും അശ്രിതയുടെ മുഖത്ത് ഭയം ലവലേശം പോലും ഇല്ലായിരുന്നു….

“എന്താ സർ ചോദിക്കാനുള്ളത്….?? ” അശ്രിത സച്ചിനോടായി ചോദിച്ചു…..

“നിങ്ങൾ ആരാ ????” സച്ചിൻ അശ്രിതയുടെ കൂടെ ഉണ്ടായിരുന്ന ആളോട് ചോദിച്ചു….

“എന്റെ പേരു അശോകൻ മാടായി, ഇവളുടെ അച്ഛൻ ആണ്….”

“നിങ്ങൾ ഒന്ന് പുറത്തേക്ക് ഇരിക്കണം…. എനിക്ക് അശ്രിതയോട് മാത്രം ആയിട്ട് കുറച്ചു കാര്യങ്ങൾ ചോദിക്കാൻ ഉണ്ട്….”

“പുറത്തു നില്കുന്നതിൽ ബുദ്ധിമുട്ടില്ല…. പക്ഷെ എന്റെ മകളെ എന്തിനാണ് ഇവിടെ വിളിച്ചു വരുത്തിയത് എന്ന് എനിക്ക് അറിയണം….”

“ഓഹോ… അതറിഞ്ഞാലേ താൻ എഴുന്നേൽക്കുള്ളോ …. ” സച്ചിൻ വലിയ ശബ്ദത്തിൽ ഒച്ച വെച്ച് മുന്നിലിരുന്ന ടേബിളിലേക്ക് ആഞ്ഞടിച്ചു…. അശ്രിതയുടെ അച്ഛന്റെ മുഖത്ത് ആപ്പോഴും ചിരി ആയിരുന്നു….

“സർ ഇവിടെ കിടന്നു ഒച്ച ഉണ്ടാക്കിയാലോ ടേബിളിൽ അടിച്ചാലോ കണ്ണുരുട്ടിയാലോ പേടിക്കുന്ന കുറെ പേരുണ്ടാവും… ഈ അശോകനെ ആ കൂട്ടത്തിൽ പെടുത്തണ്ട…. പോലീസ്‌കാരെയും പോലീസുകാരുടെ മൂന്നാം മുറയും ഒന്നും എനിക്ക് പുത്തരി അല്ല…”

സച്ചിന്റെ നിയന്ത്രണം വിട്ടു, അശോകന്റെ കഴുത്തിനു നേരെ നീണ്ട സച്ചിന്റെ കയ്യിൽ കാർത്തിക് പിടിത്തമിട്ടു….