👥The Hidden Face👥 [ പ്രണയരാജ ] 591

വെള്ളമടിയോ… അരവിന്ദനോ… ഇല്ല മാഡം.

അതെന്താ താൻ ഇത്ര ഉറപ്പിച്ചു പറയുന്നത്.

മിക്ക രാത്രിയും ഞാനും ജോൺസർ കൂടാറുണ്ട് അവനും ഉണ്ടാകും കൂടെ ഇന്നുവരെ അവൻ തൊണ്ടിട്ടില്ല തൊടില്ല, അതെനിക്കുറപ്പാ…

അപ്പോ ബോധമില്ലാതെ അവൻ കിടന്നതോ…

ഉറങ്ങിക്കാണില്ല, മാഡം മിക്ക രാത്രിയും അമ്മ കാരണം ഉറക്കമളയ്ക്കുന്നവനല്ലെ .

ഉം , അവനോട് പൊയ്ക്കോളാൻ പറഞ്ഞോ….

രാജൻ സന്തോഷത്തോടെ പുറത്തേക്കു പോകാൻ നിന്നതും.

രാജൻ….

എന്താ മാഡം,

അവൻ്റെ വീട് തനിക്കറിയില്ലെ,

അറിയാം മാഡം,

നമുക്കവിടെ വരെ പോകണം.

ശരി മാഡം,

പിന്നെ നമ്മൾ വരുന്ന കാര്യം അവനോട് പറയരുത്.

ശരി മാഡം .

തൻ്റെ ഫോൺ നമ്പർ പറ,

8942 71……

ഉടനെ ഫോൺ റിംഗ് ചെയ്തതും രാജൻ അർച്ചനയെ നോക്കി.

കോൾ അറ്റൻഡ് ചെയ്യു രാജൻ,

രാജൻ കോൾ അറ്റൻഡ് ചെയ്തതും അർച്ചന പറഞ്ഞു.

കോൾ കട്ടാക്കാതെ പോക്കറ്റിൽ ഇട്ടു കൊള്ളു നിങ്ങൾ സംസാരിക്കുന്നത് എനിക്കു കേക്കണം.

രാജൻ അവളെ നോക്കി പുഞ്ചിരിച്ച ശേഷം, അവനരികിലേക്കു പോയി.

അരവിന്ദാ…

രാജേട്ടാ…

നീ കരയുവായിരുന്നോ…

ഏയ്, ഞാനോ…

ടാ… മുഖത്തേക്ക് നോക്കെടാ…. എൻ്റെ മുഖത്ത് നോക്കി പറയെടാ…

അതു കേട്ടതും അവൻ പൊട്ടിക്കരഞ്ഞു പോയി.

ടാ… മോനെ, എന്താടാ ഇത് ,

ഇന്നുവരെ ഒരു കുറവുമില്ലാതെ നോക്കിയതാ… ഞാൻ, ഇന്ന് എൻ്റെ അമ്മ….

ടാ… നീ… വീട്ടിൽ പോയി വാ….

ആ രാക്ഷസി സമ്മതിക്കണ്ടെ….

ടാ… അങ്ങനൊന്നും പറയല്ലെ,

എൻ്റെ രാജേട്ടാ… പിന്നെ ഞാൻ എങ്ങനെ,

നീ… നിർത്തിയേ… എന്നിട്ടു വേഗം പോവാൻ നോക്ക് മാഡം സമ്മതിച്ചു.

സത്യം,

എടാ രാജേട്ടൻ നിനക്ക് രാവിലെ വാക്കു തന്നതല്ലെ…