👥The Hidden Face👥 [ പ്രണയരാജ ] 591

തന്നെയൊക്കെ ഒരു പോലീസുക്കാരൻ എന്നു പറയാൻ തന്നെ നാണമാകുന്നു. പോ എൻ്റെ മുന്നിൽ നിന്ന്.

കരഞ്ഞു കൊണ്ട് കാമ്പിന് വെളിയിലേക്കിറങ്ങിയതും എല്ലാവരും അവനെ സഹതാപത്തോടെ നോക്കി, റഹിം പിന്നെ കുറച്ചു പേരും അവനെ പരിഹസിച്ചു ചിരിച്ചു. അതൊന്നും കണ്ടില്ലെന്നു നടിച്ച് അവൻ കാറിനരികിലേക്ക് ചെന്നു.

🌟🌟🌟🌟🌟

അസിസ്റ്റൻഡ് കമ്മീഷ്ണറിനരികിലേക്കു പോകുമ്പോ ആരുടെയോ സംസാരം കേട്ട് അർച്ചന അവിടേക്കു ചെന്നു. ബിൽഡിംഗ് ഒരു ഒഴിഞ്ഞ ഭാഗം, സിഗരറ്റ് വലിക്കാൻ എല്ലാവരും പോകുന്ന ഭാഗം അവിടെ അവൾ ഒന്നു നോക്കിയപ്പോ കണ്ടത്, റഹിം കൂട്ടരും . അവർ പറയുന്നത് കേൾക്കാൻ അവൾ കാതോർത്തിരുന്നു. കാരണം തൻ്റെ പേരാണ് കൂടുതൽ ഉച്ഛരിക്കുന്നത്.

ടാ… മനു, എന്നാ മൊതലാടാ അത്,

അതെ റഹിം, സഹിക്കണില്ല,

അവളുടെ ബാക്ക് കണ്ടോ.. എൻ്റെ റബ്ബേ..

നോക്കി നിക്കാൻ തോന്നും അല്ലെടാ… റഹിം.

ആ സമയം വണ്ടിയുടെ സ്റ്റെപ്പിനി എടുക്കാനായി അരവിന്ദൻ അവിടേക്കു കയറി വന്നു.

റഹിം ആരാ വരുന്നെ എന്ന് നോക്കിക്കെ,

അതു കേട്ടതും അർച്ചന ജനലിലൂടെ നോക്കി, അരവിന്ദനെ കണ്ടതും അവൾക്ക് ദേഷ്യം കൂടി ഒരു നിഷ്കളങ്കനായി അഭിനയിക്കുകയാണ് അവൻ, ഇവരുടെ കൂടെ, എല്ലാത്തിനും ഞാൻ വെച്ചിട്ടുണ്ട്.

ടാ… അരവിന്ദാ…

അവൻ അതു മൈൻഡ് ചെയ്യാതെ, തൻ്റെ പണി തുടർന്നു.

മനു, പാവം പൂതി തോന്നി മുട്ടി നോക്കിയതാ… അവൾ നേരത്തെ അവനെ ഇട്ടു കുടഞ്ഞു.

ഇവനൊക്കെ എന്തിൻ്റെ കേടാ അല്ലെ, റഹിം

അർച്ചന എവിടെ, ഇവൻ എവിടെ, മണത്ത് പോയിട്ട് കിട്ടിയതും വാങ്ങി വന്നിരിക്കാ ഉളുപ്പില്ലാത്തവൻ,

റഹിം വേണ്ട,

എന്താടാ….

നിനക്ക് എന്നോടല്ലെ ദേഷ്യം, എന്നെ പറഞ്ഞോ എന്തിനാ മാഡത്തിനെ,

എടാ… മനുവേ… അവളെ പറഞ്ഞപ്പോ ഇവന് കൊണ്ടു. എന്താടാ അവള് വല്ലതും തുറന്ന് കാട്ടി തന്നോ…

തോന്നിവാസം പറയരുത് റഹിം,

നാവടക്കെടാ… നായെ,

എടാ നിനക്കും ഇല്ലേ… അമ്മയും പെങ്ങളും,

അതിന് അവളല്ലല്ലോ എൻ്റെ അമ്മയും പെങ്ങളും.

അവർക്കാണെങ്കിലോ ഇങ്ങനെ ഒക്കെ,

അതു പറഞ്ഞു തീരും മുന്നെ, റഹിം അവൻ്റെ കരണക്കുറ്റി നോക്കി അടിച്ചു. ശബ്ദം കേട്ട് അർച്ചന നോക്കിയപ്പോ കവിൾ പൊത്തി പിടിച്ച് നിൽക്കുന്ന അരവിന്ദനെയാണ് കണ്ടത്.