👥The Hidden Face👥 [ പ്രണയരാജ ] 591

മോൻ വരാറായോ…

അത് ചേച്ചി’ ഞാൻ

മോനെ വീട്ടില് ഒത്തിരി ജോലിയുണ്ട്.

ചേച്ചി പൊക്കോ….

ശരി മോനെ., ആ പിന്നെ മോനെ ഉച്ചക്കുള്ള കഞ്ഞി ഞാൻ ആക്കി വച്ചിട്ടുണ്ട്, മോൻ വന്നാ കൊടുക്കാൻ മറക്കണ്ട.

ഞാൻ കൊടുത്തോളാം ഏച്ചി.

അതു പറയുമ്പോ അവൻ്റെ കണ്ഠം ഇടറിയിരുന്നു. അവൻ കോൾ കട്ട് ചെയ്ത്, കാർ വൃത്തിയായി തുടച്ചു കഴിഞ്ഞപോയാണ് രാജേട്ടൻ അവനരികിലേക്കു വന്നത്.

ഉം എന്താടാ നിൻ്റെ മുഖത്തിനൊരു വാട്ടം,

അത് രാജേട്ടാ… ഇന്ന് ഉച്ചയ്ക്ക് അമ്മ പട്ടിണിയാകുമല്ലോ എന്നോർത്തപ്പോ..

ഞാൻ ഒന്നു സംസാരിച്ചു നോക്കാം.

ഉം….

അവൻ്റെ ആ മൂളലിന് തീരെ ശക്തിയുണ്ടായിരുന്നില്ല. അർച്ചനയിൽ അവന് പ്രതീക്ഷയും ഉണ്ടായിരുന്നില്ല.

ആ സമയമാണ് അർച്ചന കാറിനരികിലേക്ക് വേഗത്തിൽ വന്നത്. അർച്ചനയെ കണ്ടതും ഇരുവരും സല്യൂട്ട് ചെയ്തു, അർച്ചന രാജനെ ഒന്നു നോക്കി. അതോടെ രാജൻ അവിടെ നിന്നും വലിഞ്ഞു.

അരവിന്ദ് വണ്ടിയെടുക്ക്.

അതു കേട്ടതും അവൻ വേഗം വണ്ടി സ്റ്റാർട്ട് ആക്കി.

IG  ഓഫീസ്..

കാറിൽ കയറി കൊണ്ട് അർച്ചന പറഞ്ഞു. അവൻ കാർ മുന്നോട്ടെടുത്തു.

🌟🌟🌟🌟🌟

പാർക്കിംഗിൽ അർച്ചനയുടെ വരവും കാത്ത് അവൻ നിൽക്കുകയാണ് . സമയം ഉച്ച ഒരു മണിയായി. അവന് ഉളളിൽ സങ്കടവും ദേഷ്യവും ഒരു പോലെയുണ്ട് എന്നാൽ അതു പ്രകടിപ്പിക്കാനാവാതെ നിന്നു വിയർക്കുകയാണ്.

ആ സമയം ഓഫീസിന് മുന്നിൽ അർച്ചനയെ കണ്ടതും, അവൻ കാർ വേഗം അവൾക്കരികിലേക്കെടുത്തു. അവൾ വേഗം കാറിലേക്കു കയറി.

വീട്ടിലേക്കെടുത്തോ…

അവൻ അവളെ നേരെ കോട്ടേയ്സിൽ ഇറക്കി. വീട്ടിലേക്ക് കയറി പോവാൻ തുനിഞ്ഞ അവളോട് എന്തോ അവൻ പറയാൻ തുനിയുന്നതിനു മുന്നെ അവൾ പറഞ്ഞു.

താനിവിടെ , നില്ല്,

അല്ലെ വേണ്ട, പുറത്തെ ഹോട്ടലിൽ നിന്നും വേഗം കഴിച്ചോ.. ഇന്ന് നമുക്ക് ഒത്തിരി വർക്ക് ഉണ്ട്.

അതും പറഞ്ഞ് അവൾ അകത്തേക്കു കയറി പോയി. അവൻ കാറിൽ ചാരി അങ്ങനെ തന്നെ നിന്നു. ആ കണ്ണുകൾ നിറഞ്ഞിരുന്നു.

അകത്ത് ഭക്ഷണം തിരക്കിട്ടു കഴിക്കുകയാണ് അർച്ചന, വന്നു കയറിയതേ… ഉള്ളു ഒത്തിരി സ്റ്റഡി ചെയ്യാൻ ഉണ്ട്. ആ സമയം അമ്മ അവിടേക്കു വന്നത്.