?The Hidden Face? [ പ്രണയരാജ ] 591

ഓടെടാ…..

റഹിം ഉറക്കെ പറഞ്ഞതും അരവിന്ദൻ മുറിക്ക് വെളിയിലേക്കു പോയി. സമയം 5 ആവാറായി. ഇവർക്കുള്ളത് നാളെയാക്കാം എന്നുറപ്പിച്ച് അവൾ തൻ്റെ കാര്യങ്ങൾ തീർത്ത് വേഗം കാറിനരികിലെത്തി. കാറിൽ ഡ്രൈവിംഗ് സീറ്റിൽ കണ്ണടച്ച് കിടക്കുന്ന അരവിന്ദനെ അവൾ ഒന്നു നോക്കി. ആ കണ്ണുകൾ നിറഞ്ഞൊഴുകുന്നുണ്ട്.

അവൾ ഗ്ലാസിൽ കൊട്ടിയതും അവൻ ചാടി പിടഞ്ഞെഴുന്നേറ്റു. കണ്ണുകൾ തുടച്ചു , അർച്ചനയെ നോക്കി ഒന്നു പുഞ്ചിരിച്ചു. അർച്ചന വേഗം കാറിൽ കയറി.

വീട്ടിലേക്കു പോകാം.

?????

രാത്രി ഒരു എഴു മണി ആയിക്കാണും. അർച്ചനയെ ഊണു കഴിക്കാനായി അവളുടെ അമ്മ വിളിച്ചു. അവൾ വന്ന് ഡൈനിംഗ് ടേബിളിൽ ഇരിക്കുകയാണ്. എന്നാൽ അവൾ എന്തോ ഗാഡമായി ചിന്തിക്കുകയാണ്.

അർച്ചന, എന്തു പറ്റി മോളെ,

ഏയ് ഒന്നുമില്ല അമ്മേ…

ഇല്ല എന്തോ ഉണ്ട്,

അത് , അമ്മ പറഞ്ഞത് ശരിയാ…

എന്ത്,

ആ അരവിന്ദൻ ഒരു പാവമാ…

അരവിന്ദൻ , അതാരാ…

ആ ഡ്രൈവർ ചെക്കൻ,

എൻ്റെ ഈശ്വരാ എന്താ ഞാൻ ഈ കേക്കുന്നെ, നിൻ്റെ വായിൽ നിന്ന് ഒരാൺ പാവാണെന്ന് പറയുകയോ…

ദേ… അമ്മേ…

സത്യം വയ്യാത്ത അമ്മയെ അവൻ നോക്കുന്നത്, കാണണം, പിന്നെ സ്ത്രീകളോടുള്ള സമീപനം, ചിന്താഗതി, അവൻ വ്യത്യസ്ഥനാണ്.

എന്താ മോളെ, ഒരു ചാഞ്ചാട്ടം.

എൻ്റെ വായിലിരിക്കുന്നത് കേക്കണോ അമ്മയ്ക്ക്.

ഒരു പ്രതീക്ഷയ്ക്കു വകയുണ്ടോ എന്ന് നോക്കിയതാ… എവിടെ, നിൻ്റെ കല്യാണം കാണാൻ എനിക്കു യോഗമില്ല.

എത്ര പറഞ്ഞാലും ഈ തള്ള നന്നാവില്ല.

അതും പറഞ്ഞു കൊണ്ട്, ഭക്ഷണം മതിയാക്കി അവൾ എഴുന്നേറ്റു പോയി.

എടി കഴിച്ചിട്ടു പോടി…

ആ അമ്മയും ഭക്ഷണം മതിയാക്കി, പാത്രങ്ങൾ എടുത്തു കൊണ്ട് പോകുമ്പോൾ ആ കണ്ണുകൾ നിറഞ്ഞൊഴുകുകയായിരുന്നു.

?????

പെരുമണ്ണ

സമയം രാത്രി 12 മണി, ഒരു വലിയ വീട്, അതിനു ചുറ്റും വലിയ മതിൽ, പുറത്ത് നായികളുടെ കുര കേൾക്കാം, അതേറ്റു പിടിച്ച് കൊണ്ട്, ആ വീട്ടിലെ നായികളും കുരയ്ക്കുന്നത് കാണാം.

ഇരുട്ടിൽ പെട്ടെന്ന് ഒരു നിഴൽ രൂപം  ആ വീട്ടിലെ മുറ്റത്തേക്ക് എന്തോ ഒന്ന് വലിച്ചെറിഞ്ഞു . അതു മാംസക്കഷ്ണമായിരുന്നു. അതു മണത്തു വന്ന വീട്ടിലെ നായികൾ അതു കഴിക്കുന്നു. പിന്നെ അവ പതിയെ അവിടെയൊക്കെ ഓടി നടക്കുന്നു.