👥The Hidden Face👥 [ പ്രണയരാജ ] 591

എൻ്റെ വിഷമങ്ങൾ തീർക്കാൻ വെറുതെ, ഓരോന്ന് പറയണതല്ലെ രാജേട്ടാ…

അതെനിക്കറിയാം, എന്നാ മാഡത്തിന് മനസിലാവോ എന്നാ എൻ്റെ സംശയം.

നിങ്ങൾ വെറുതെ പറഞ്ഞു പേടിപ്പിക്കല്ലെ മനുഷ്യാ…

ഉം, വേഗം പോയി എന്താ വെച്ചാ വാങ്ങിക്കാൻ നോക്ക്,

രാജേട്ടാ..

എടാ… എനിയും നീ ചെന്നില്ലെ, അതിനായിരിക്കും അവര് ദേഷ്യപ്പെടുക.

രാജേട്ടൻ പറഞ്ഞത് ശരിയാണെന്ന് തോന്നിയതും അർച്ചനയുടെ കാമ്പിൻ ലക്ഷ്യമാക്കി അവൻ നടന്നു. ഭയത്തോടെ കാമ്പിനരികിൽ നിന്നു.

എസ്ക്യൂസ് മീ മാഡം,

യസ് , കമിൻ ,

അരവിന്ദൻ പതിയെ , ഉള്ളിലേക്കു കടന്നതും അർച്ചന അവനെ ഒന്നു നോക്കി. ഉടനെ അവൾ സീറ്റിൽ നിന്നും എഴുന്നേറ്റു, അതി വിനയത്തോടെ അവൾ പറയാൻ തുടങ്ങി.

അയ്യോ… അരവിന്ദൻ സാറൊ…

വന്നാട്ടെ, എന്താ നിക്കുന്നെ , ഇരുന്നാട്ടെ,

തൻ്റെ ചെയർ കാട്ടി കൊണ്ട് അവൾ അതു പറഞ്ഞത് , ഒരു തരം പരിഭ്രമത്തോടെ അവൻ പറഞ്ഞു.

അത് മാഡം ഞാൻ,

അതു പറഞ്ഞു മുഴുവനാക്കുന്നതിന്  മുന്നെ അർച്ചന തൻ്റെ വലതു കൈ മേശയിൽ ശക്തമായി അടിച്ചു. ഉടനെ പേടിച്ച് അരവിന്ദൻ ഒരു മൂലയിലേക്കു മാറി.

ടോ ഇവിടെ വരാൻ,

അവൻ പതിയെ അവൾക്ക്, അരികിലേക്കു വന്നു.

മേലുദ്ദ്യോഗസ്ഥരെ തനിക്കു തോന്നുന്നത് വിളിക്കാനാണോടോ തനിക്ക് ശമ്പളം തരുന്നത്.

അവൻ കരഞ്ഞു കൊണ്ടാണ് മറുപടി നൽകിയത്.

അത് മാഡം ഞാൻ അറിയാതെ,

എന്ത് അറിയാതെ,

അർച്ചന അലറുകയാണ്, പുറത്ത് ആ ശബ്ദം കേട്ട് മറ്റു പോലീസുക്കാർ കൂടി .

മുതലക്കണ്ണീര് ഒഴുക്കാതെടൊ… ഒരു നിഷ്കളങ്കൻ വന്നിരിക്കുന്നു. തൻ്റെ അഭിനയം കൊള്ളാം.

പക്ഷെ എൻ്റെ അടുത്ത് അത് വിലപ്പോവില്ല.

സോറി മാഡം,

തൻ്റെ അമ്മയെ കുറിച്ച് രാജൻ പറഞ്ഞപ്പോ സഹതാപം തോന്നി, ഒന്ന് സഹായിച്ചപ്പോ തലയിൽ കയറുന്നോ…

സോറി മാഡം,

ഒരു മാസം താൻ വീട്ടിൽ ഇരിക്കുമ്പോ എല്ലാം പഠിക്കും.

മാഡം പ്ലീസ്, എനിയുണ്ടാവില്ല, ഞാൻ അറിയാതെ, കാലു പിടിക്കാം.

അതും പറഞ്ഞു കൊണ്ട് അവൻ്റെ കാലു പിടിക്കാൻ, തുനിഞ്ഞതും

ഛി… മാറി നിക്കെടോ…