👥The Hidden Face👥 [ പ്രണയരാജ ] 591

രാജേട്ടാ… ഞാൻ,

മതി പോവാൻ നോക്ക്

അവൻ വേഗം തൻ്റെ ബൈക്കിന് അടുത്തേക്കു പാഞ്ഞു. അർച്ചന അവൻ രാക്ഷസി എന്നു വിളിച്ചത് കേട്ട കലിപ്പിലും അവൾ വേഗം പുറത്തേക്കിറങ്ങി.

രാജൻ വണ്ടി എടുക്ക്…

അരവിന്ദനു പിറകെ അവരും അരവിന്ദൻ്റെ വീട്ടിലേക്കു യാത്രയായി.

🌟🌟🌟🌟🌟

ഒരു ചെറിയ വീട് , ജനലുകൾ പോലും തകർന്നു കിടക്കുന്നു . തുണി മറ മാത്രം. അവൾ ആ തുണി ചെറുതായി നീക്കി മുറിയിലേക്കു  നോക്കി. ഒരു സ്ത്രീ കട്ടിലിൽ കിടക്കുന്നുണ്ട്.

ഒരു പ്ലേറ്റിൽ ചോറുമായി അരവിന്ദൻ മുറിയിലേക്കു കടന്നു വരുന്നു. വന്ന പാടെ മേശയിൽ പാത്രം വെച്ച് ഉറങ്ങി കിടക്കുന്ന അമ്മയെ നോക്കി. പിന്നെ ആ കാലിൽ പിടിച്ചു കൊണ്ട് ഇരുന്നു, കരയുകയാണ്.

സോറി അമ്മേ…..

വിശന്നു ഉറങ്ങി പോയല്ലെ,

പുതിയ കമ്മീഷ്ണർ ഒരു രാക്ഷസിയ,

മൂന്നു മണി, അമ്മ ഇതുവരെ,

അവളോടൊക്കെ ദൈവം ചോദിക്കും.

ആ വാക്കുകൾ എന്തു കൊണ്ടോ അർച്ചനയിൽ കോപമുണർത്തിയില്ല പകരം ഒരു നോവാണ് ഉണർത്തിയത്.

അവൻ പതിയെ അമ്മയെ വിളിച്ചു , ഉണർത്താൽ ശ്രമിക്കുകയാണ്. പെട്ടെന്ന് ഉണർന്ന അമ്മ അവൻ്റെ കഴുത്തിന് പിടി മുറുക്കി.

കൊല്ലും ഞാൻ,

എല്ലാരെയും കൊല്ലും ഞാൻ,

അതു കണ്ടതും അർച്ചന അവിടെ നിന്നും മുൻ വാതിലിലേക്കു നടന്നതും രാജൻ തടഞ്ഞു.

എന്താ… മാഡം,

അവര് അവൻ്റെ കഴുത്തിനു പിടിച്ചു.

അതു പതിവാ.. മാഡം, അതു കാര്യമാക്കണ്ട. നമ്മൾ വന്നത് അവൻ അറിയണ്ട, അറിയാത്തത നല്ലത്.

അർച്ചന കൂടുതൽ ഒന്നും പറയാതെ, വീണ്ടും ജനലിനരികിലേക്ക് തന്നെ പോയി. അരവിന്ദൻ ശ്വാസം എടുക്കാൻ നന്നായി പാടു പെടുന്നുണ്ട് , അവൻ ബലമായി ആ കൈകൾ വിടുവിച്ച ശേഷം അമ്മയെ വിളിച്ചു കൊണ്ടിരുന്നു.

അമ്മേ….

ഇതു ഞാനാ… അച്ചു.

അമ്മേടെ അച്ചു.

മോനെ അച്ചു…..

ആ അമ്മേ നമുക്കു ഭക്ഷണം കഴിക്കാ…

വേണ്ട,….

അങ്ങനെ പറയരുത്, നല്ല കുട്ടിയായി കഴിക്കണം.

മേനെ, അവരു വരുന്നുണ്ട്,

ആര് ,

എന്നെ കൊല്ലാൻ അവര് വരുന്നുണ്ട്,

ആരും വരുന്നില്ല. അമ്മയുടെ മോനിപ്പോ പോലീസല്ലെ… ആരും വരില്ല ട്ടോ…