👥The Hidden Face👥 [ പ്രണയരാജ ] 591

അമ്മ ഇതിൽ ഇടപ്പെടണ്ട,

അവർക്കു പിന്നെ സംസാരിക്കാൻ ഇട നൽക്കാതെ അവൾ പറഞ്ഞു.

ഡ്യൂട്ടിക്കു കയറാൻ സമയമായി , ഞാനൊരുങ്ങട്ടെ, കഴിക്കാനുള്ളത് വേഗം ആക്കിയെ.

അവൾ പെട്ടെന്നു തന്നെ ഫ്രഷ് ആയി, യൂണിഫോം അണിഞ്ഞ്, ഭക്ഷണം കഴിക്കാൻ ഡേബിളിൽ ഇരുന്നു.

മോളെ ആ കൊച്ചിനെ വിളിക്കണ്ടെ,

വേണ്ട,

അവനൊന്നും കഴിച്ചു കാണില്ല.

അമ്മയ്ക്കെന്താ അവനോട് ഒരു സിമ്പതി, അവനെൻ്റെ കീഴുദ്ദേഗസ്ഥനാ… അവനെ അവൻ്റെ സ്ഥാനത്ത് നിർത്തണം, അല്ലെങ്കിൽ അവനൊക്കെ തലയിൽ കയറും.

മോളെ അത്.

അമ്മ ഇതിൽ ഇടപ്പടണ്ട,

അവളുടെ സ്വഭാവം നല്ല പോലെ അറിയുന്ന അമ്മ പിന്നെ കൂടുതൽ ഒന്നും പറഞ്ഞില്ല. വേഗത്തിൽ ഭക്ഷണം കഴിച്ച് അവൾ പുറത്തേക്കു ചെന്നു.

യൂണിഫോമിൽ അവളെ കണ്ടതും അരവിന്ദൻ്റെ മനസു തന്നെ ഒന്നാടിയലഞ്ഞു. പോലീസ് യൂണിഫോമണിഞ്ഞ ഒരു അപ്സരസ്. അവളുടെ അംഗലാവണ്യങ്ങൾ എല്ലാം തെളിഞ്ഞു കാണാം. ഒരു നിമിഷം അവൻ അവനെ തന്നെ മറന്നു.

ടോ…

അവളുടെ വിളി കേട്ടതും അവൻ ഒന്നു ഞെട്ടി.

മേലുദ്യോഗസ്ഥനെ കണ്ടാൽ സല്യൂട്ട് ചെയ്യണമെന്നറിയില്ലെ,

സോറി മാഡം.

അതും പറഞ്ഞ് കൊണ്ട് അവൻ സല്യൂട്ട് ചെയ്തു.

ഓഫീസിലേക്കു പോകാം, അല്ല തൻ്റെ യൂണിഫോം എവിടെ,

രാത്രി ഇവിടെ വന്നത് കൊണ്ട്,

ഉം… വണ്ടി എടുക്ക്,

അവർ കമ്മീഷ്ണർ ഓഫീസിലേക്ക് യാത്രയായി . ഓഫീസിലെത്തിയതും ടോർ തുറന്ന് ഓഫീസിലേക്ക് കയറി പോകുന്ന അർച്ചനയെ, അരവിന്ദൻ വിളിച്ചു.

മാഡം,

ഉം… എന്താ…

ഞാനൊന്ന് വീട്ടിൽ പോയി വരട്ടെ,

ഒരു നിമിഷം, അവൾ ഒന്നാലോചിച്ചു, പിന്നെ പതിയെ പറഞ്ഞു.

താൻ എൻ്റെ കൂടെ അകത്തേക്കു വാ…

അവൾ വേഗം ചാർജ് എടുത്ത ശേഷം മീറ്റിംഗ് വിളിച്ചു എല്ലാവരും അവൾക്കു മുന്നിൽ നിരന്നു നിന്നു. അരവിന്ദ് ഒഴികെ എല്ലാവരും യൂണിഫോമിലാണ്. അവർക്ക് മുന്നിൽ വെച്ച് അവൾ പറഞ്ഞു.

ആ തൻ്റെ പേര് എന്താ…

അരവിന്ദനെ ചൂണ്ടി കൊണ്ടാണ് അവൾ അതു പറഞ്ഞത്.

അരവിന്ദൻ,

ഉം.. അരവിന്ദൻ നേരത്തെ എന്താ ചോദിച്ചത്.