❤️ദേവൻ ❤️part 13 [Ijasahammed] 286

“ദേവേട്ടനെന്നേ അറിയണേനെ മുന്നേ ഞാനാ ഇഷ്ടപ്പെട്ടെ..
എന്നും ആരെക്കാളും കൂടുതൽ അതിനെ സ്നേഹിച്ചതും ഞാൻ തന്നെയാ….

എന്നെ അത്രക്കൊന്നും ഇഷ്ടപ്പെട്ടിട്ടുണ്ടായിരിക്കില്ല…

ഞാനില്ലെങ്കിലും അതിന് പറ്റുമായിരിക്കും…
പറ്റുമായിരിക്കും എന്നല്ല..
പറ്റും.. നിക്കറിയാം..”

പക്ഷേ വേറെ ഒരുത്തനെ സ്നേഹിക്കാനും അയാൾടെ കൂടെ പൊറുക്കാനും എന്നെകൊണ്ട് കഴിയില്ലാ… അതിപ്പോ എത്ര കാലായാലും…

എന്തെക്കെ ആണെങ്കിലും ഒരിക്കെ ന്നേ സ്നേഹിച്ചിരുന്നിലേ.. മതി അത് മതി ഈ ജീവിതം മൊത്തം ജീവിച്ചങ്ങട് തീർക്കാൻ..

ഇപ്പൊ കൂടെ നിക്കണം എനിക്ക്..

ഏട്ടന് വേണ്ടി മാത്രല്ല അച്ചൂന് കൂടെ വേണ്ടീട്ട്..
അതിന്റെ പേരിൽ ന്റെ ജീവിതങ്ങട് മേപ്പെട്ടു പൂവ്വാച്ചാ അങ്ങട് പോട്ടെന്ന് വെക്കും ഞാന്..

ഒന്നൂല്ലേ കൊറച്ചു കാലം കരഞ്ഞാമതീലോ… !!”

ഞാനൊന്ന് ചിരിച്ചു…

പറഞ്ഞിട്ട് കാര്യമില്ലെന്ന അർത്ഥത്തിൽ അവള് വേറെഎന്തെക്കെയോ പറഞ്ഞോണ്ടിരുന്നു…

കാൾ കട്ട്‌ ചെയ്ത് ബെഡ് ലേക്ക് ഇട്ടുകൊണ്ട് നടന്നു…
അമ്മയെ തിരക്കി നടന്നു..
അടുക്കളയിൽ ണ്ടായിരുന്നു..

“ചായതന്നേ അമ്മാ… ”

“ഇനി ഉച്ചക്കത്തെ ചോർ കഴിക്കാ…

അടുപ്പിൽ ഊതിക്കൊണ്ട് എന്റെ മുഖത്തേക്ക് നോക്കി ഒന്ന് ഇളിച്ചു കാണിച്ചു കൊണ്ട് അമ്മപറഞ്ഞു…

“നേരം ഉച്ചആകുമ്പോ എണീറ്റ് വരും… ന്നട്ട് അവൾക്ക് ചായ…പൊക്കോ നീയ് പെണ്ണെ.. ”

ഞാൻ മുഖം ചുളിച്ചു കൊണ്ട് ഉമ്മറത്തേക്ക് നടന്നു….

ചിന്തകൾക്ക് ചൂട് പിടിച്ചു കൊണ്ട് വൈകീട്ട് ഉമ്മറത്തങ്ങനെ ഇരിക്കുമ്പോഴാണ് മുന്നിലെ പത്രം ശ്രദ്ധിച്ചത്…. .