✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 831

പിന്നെ ക്രിസ്റ്റോ അവനും കൊല്ലപ്പെട്ട രാഹുലിനെപ്പോലെ നാട്ടിൽ കള്ളം പറഞ്ഞിരിക്കുകയായിരുന്നു ഒരു കമ്പനിയിൽ വർക്ക് ചെയ്യുകയാണെന്ന് , പക്ഷെ അന്വേഷണത്തിൽ ക്രിസ്റ്റോ ആ കമ്പനിയിൽ ഒരു തവണ പോലും ഒരു കാര്യത്തിനും ചെന്നിട്ടില്ല എന്നാണ് അറിയാൻ കഴിഞ്ഞത് .
ഇവരും രാഹുലിനെപ്പോലെ തന്നെ , ഒരു സ്റ്റേഷനിലും ഒരു കേസും ഇവർക്കെതിതെ രജിസ്റ്റർ ചെയ്തിട്ടില്ല …. ഇവരുടെയും ജോലി എന്താണ് മറ്റ് ഡീറ്റൈൽസ് ഒന്നും കിട്ടിയിട്ടില്ല .
ഇരുട്ടിൽ കിടന്ന് തപ്പുന്നത് പോലെയായിരുന്നു സർ ഇവരെപ്പറ്റിയുള്ള അന്വേഷണം ….

ഇവരെയും കഴുത്തറുത്താണ് കൊലപ്പെടുത്തിയത് …. ശരീരത്തിൽ നല്ലതു പോലെ ക്ഷതം ഏറ്റതിന്റെ പാടുകളുമുണ്ട് കൂടാതെ മറ്റ് മുറിവുകളും …. അന്ന് ഇവർ സഞ്ചരിച്ച കാറിൽ നിന്ന് അഞ്ച് കോടി രൂപയോളം കള്ളപ്പണം കിട്ടിയിരുന്നു സർ …. അന്ന് അവരും കില്ലറുമായി സംഘട്ടനം നടന്നിരുന്നു , സിസിറ്റി വി വിഷ്വൽസിൽ അത് വ്യക്തമാണ് …. അതുപോലെ കൊല്ലപ്പെട്ട വിവേക് കില്ലറെ ഷൂട്ട് ചെയ്തിട്ടുമുണ്ട് … പക്ഷെ കില്ലറിലേക്ക് എത്താൻ ഒരു തുമ്പും അന്നും കിട്ടിയില്ല …

അതിന് ശേഷം ഒരു ദിവസം തന്നെ രണ്ട് സ്ഥലത്തായി നാല് കൊലപാതകങ്ങൾ
ആദ്യം റയിൽവേ കോളനിക്ക് സമീപം ഒരു ഒഴിഞ്ഞ കെട്ടിടത്തിൽ വച്ച് മൂന്ന് പേർ ജബ്ബാർ , മുത്തു പിന്നെ ചരൺ എന്നിവർ …

അതിൽ ജബ്ബാർ മാത്രമാണ് മലയാളി , മുത്തു തമിഴ്നാട് സ്വദേശിയാണ് ചരൺ നോർത്ത് ഇന്ത്യയും ….