✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 831

” അവർ അനുഭവിച്ച വേദന എന്തെന്ന് ഞാൻ …. ഞാൻ നിനക്ക് മനസ്സിലാക്കിത്തരം …. ”

ഒരു ഭ്രാന്തമായ രീതിയിൽ പറഞ്ഞ ശേഷം ആദി അവിടെ നിന്ന് എണീറ്റ് തൊട്ടടുത്ത് കിടന്ന കയറ് കയ്യിലെടുത്തു ….. വേദന കൊണ്ട് കരഞ്ഞ് തളർന്ന് ചുവരിൽ ചാരിയിരിക്കുന്ന മുത്തുവിനെ ചവിട്ടി കമഴ്ത്തിയിട്ട ശേഷം ആദി അവന്റെ കൈകൾ പുറകിൽ നിന്ന് കെട്ടി ഒപ്പം കാല് കൂടി കൂട്ടിക്കെട്ടിയ ശേഷം കയ്യും കാലും മറ്റൊരു കയറ് ഉപയോഗിച്ച് വലിച്ച് കെട്ടി , ഒന്നനങ്ങാനോ പിടയാനോ പോലും കഴിയാത്ത രീതിയിൽ . ശേഷം അവിടെ കിടന്ന ഒരു പഴയ തുണിക്കഷ്ണം അവന്റെ വായിലേക്ക് കുത്തിയിറക്കി ……

എന്നിട്ട് ആദി അവന്റെ ഇടത് കാലിൽ കുത്തിക്കയറ്റിയ കത്തി ഊരിയെടുത്ത ശേഷം അവനെ പിടിച്ച് ചുവരിൽ ചാരിയിരുത്തി …. രക്തം പുരണ്ട ആ കത്തി ആദി പതിയെ മുത്തുവിന്റെ മുഖത്ത് കൂടി കഴുത്തിൽ പിന്നെ നെഞ്ചിൽ വയറിൽ അങ്ങനെ പതിയെ തലോടി ഒടുവിൽ കാലിലെ തുടയിൽ കുത്തിയിറക്കി …..

ഒന്ന് നിലവിളിക്കാനോ അനങ്ങാനോ കൂടി കഴിയാതെ മുത്തു വേദന കൊണ്ട് കണ്ണുകൾ മുറുക്കിയടച്ച ശേഷം അവിടുന്ന് നിരങ്ങി നീങ്ങാൻ ശ്രമിച്ചു …..

” എന്താടാ ഒന്ന് നിലവിളിച്ച് കരയാൻ കൂടി പറ്റുന്നില്ല അല്ലെ ? ”

മുത്തുവിന്റെ ഷർട്ടിലെ കോളറിൽ പിടിച്ച് അവനെ ചുവരോട് ചേർത്ത് ഇരുത്തിക്കൊണ്ട് ആദി ചോദിച്ചു . ശരീരത്തിൽ നിന്ന് രക്തം ഒരുപാട് പോയത് കാരണം മുത്തു ആകെ അവശനായിത്തുടങ്ങിയിരുന്നു …..