✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 831

ജബ്ബാർ ഒരു ഗുണ്ടയാണ് സർ , അയാളുടെ പേരിൽ ഒട്ടനവധി കേസുകൾ രജിസ്റ്റർ ചെയ്തിട്ടുണ്ട് പക്ഷെ പലതിലും ശിക്ഷിക്കപ്പെട്ടിട്ടില്ല , നല്ല സ്വാധീനം ഉള്ളതു കൊണ്ട് ഊരിപ്പോരുകയാണ് പതിവ് , മുത്തു ഇയാളുടെ സഹായിയാണ് . അയാളുടെ പേരിലും കേസ്സുകൾ ഉണ്ട് …. പിന്നെ ചരണും ഇവരുടെ ഒപ്പം തന്നെ പക്ഷേ സ്ഥിരമല്ല , കേസ്സുകളുമില്ല ….

ഇവരെയും കഴുത്തറുത്താണ് കെലപ്പെടുത്തിയത് , പക്ഷെ ഒരു വ്യത്യാസം ജീവൻ എടുക്കുന്നതിന് മുൻപ് ഇവരെ മൂന്ന് പേരെയും ആ കില്ലർ നരകിപ്പിച്ച് കൊല്ലാതെ കൊന്നു ….

ഇതിൽ ചരണിന്റെ കഴുത്തെല്ല് ഒടിഞ്ഞിട്ടുണ്ട് ഒപ്പം ശരീരത്തിൽ സാരമായ ക്ഷതവും . ജബ്ബാറിന്റെ വാരിയെല്ല് പൊട്ടി ശ്വാസകോശത്തിലും ഹൃദയത്തിന്റെ ഭാഗത്തിലും തുളച്ച് കയറിയിട്ടുണ്ട് …. മുത്തുവിന്റെ ശരീരം മുഴുവൻ കത്തി ഉപയോഗിച്ച് ആഴത്തിൽ മുറിവേൽപ്പിച്ചിട്ടുണ്ട് …..

ഇവരെ കഴുത്തറുത്ത് കൊന്നില്ലായിരുന്നു എങ്കിലും ഇവർ മരിക്കുമായിരുന്നു , അത്രയ്ക്കും വേദനിപ്പിച്ചിട്ടുണ്ട് …. പോസ്റ്റ്മാർട്ടം ചെയ്ത ഡോക്ടർ പറഞ്ഞത് , വേദന അനുഭവിപ്പിക്കാൻ വേണ്ടി ഉടനെ മരിക്കാത്ത രീതിയിൽ ശരീരത്തിൽ പരിക്കുകൾ ഏൽപ്പിച്ചു എന്നാണ് പലതും ശരീരത്തിനുള്ളിൽ ……

അതേ ദിവസം തന്നെ മറ്റൊരാൾ കൂടി , ഒരു വർക്കി ….. കുടുംബം ഉപേക്ഷിച്ച അയാൾ വീട്ടിൽ ഒറ്റയ്ക്കായിരുന്നു , വേറെ ക്ഷതങ്ങൾ ഒന്നും ഏൽപ്പിക്കാതെ കഴുത്തറുത്ത് കൊലപ്പെടുത്തി .