✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 828

ഞാൻ നിങ്ങളെ വിളിപ്പിച്ചത് ആ മർഡർ കേസുകളെ കുറിച്ച് സംസാരിക്കാൻ വേണ്ടിയാ …. നിങ്ങളാണല്ലോ ഇതുവരെ അ കേസുകൾ അന്വേഷിച്ചത് , മുകളിൽ നിന്ന് നല്ല പ്രഷർ ഉണ്ട് …. ഒരു മാസം അതാ എനിക്ക് തന്നിരിക്കുന്ന സമയം ….. മ് നിങ്ങൾ പറഞ്ഞോളൂ , എന്തൊക്കെയാ നിങ്ങൾക്ക് മനസ്സിലായത് ….. ”

രഘുറാം അവരോട് ചോദിച്ചു .

” സർ , ആദ്യം കൊല്ലപ്പെട്ട യുവാവിന്റെ പേര് രാഹുൽ . നാട്ടിലും വീട്ടിലുമൊക്കെ അയാൾ പറഞ്ഞിരുന്നത് ടെക്നോപാർക്കിലെ ഒരു ഐറ്റി കമ്പനിയിൽ നല്ല ശംമ്പളത്തിൽ ജോലി ചെയ്യുന്നു എന്നാണ് . പക്ഷെ അന്വേഷിച്ചപ്പോൾ അയാൾ പറഞ്ഞ പേരിൽ ഒരു കമ്പനിയും ടെക്നോപാർക്കിലില്ല …. അയാൾ എവിടെ എന്ത് ജോലിയാണ് ഇത്രയും നാൾ ചെയ്തതെന്ന് ഇതുവരെ കണ്ടെത്താൻ കഴിഞ്ഞിട്ടില്ല . ഫ്രണ്ട്സ് റിലേറ്റീവ്സ് എല്ലാവരെയും ചോദ്യം ചെയ്തു പക്ഷെ അയാളോട് ശത്രുതയുള്ള ആരും തന്നെയില്ല എന്നാണ് മനസ്സിലാക്കാൻ കഴിഞ്ഞത് . ഒരു സ്റ്റേഷനിലും ഒരു പെറ്റിക്കേസുപോലുമില്ല , ക്ലിയർ ഇമേജ് . കില്ലർ കഴുത്തറുത്താണ് അയാളെ കൊലപ്പെടുത്തിയത് …. മുഖത്ത് സാരമായ പരിക്കും ഏൽപ്പിച്ചിട്ടുണ്ട് . ബോഡി കണ്ടെത്തുമ്പോൾ ഉടലും തലയും വേർപെടുത്തിയ നിലയിലായിരുന്നു ….

അതിന് ശേഷം കൊല്ലപ്പെട്ടത് രണ്ട് പേർ വിവേക് , ക്രിസ്റ്റോ എന്നിവർ . അതിൽ വിവേക് ഒരു അനാഥനാണ് , അയാളെപ്പറ്റി മറ്റ് ഡീറ്റൈയിൽസ് ഒന്നും തന്നെയില്ല ….