✮കൽക്കി࿐ (ഭാഗം – 9) വിച്ചു [ ചെകുത്താനെ സ്നേഹിച്ച മാലാഖ ] 831

ഈ മർഡർ നടന്ന സ്ഥലങ്ങളിൽ ഒരു തെളിവും ആ കൊലയാളി അവശേഷിപ്പിച്ചിട്ടില്ല . ഫോറന്സിക് സംഘത്തിന് പോലും ഒന്നും കണ്ടെത്താൽ സാധിച്ചിട്ടില്ല …

ഈ മർഡർ നടക്കുന്ന സമയം അതിന് തൊട്ടടുത്ത സ്ഥലങ്ങളിൽ മാത്രമാണ് ആ ബൈക്കും ആ വസ്ത്രം ധരിച്ചയാളും പ്രത്യക്ഷപ്പെടുക …

ആകെ മൊത്തത്തിൽ തലവേദന കേസ്സായിരുന്നു സർ ഇത് ….. ”

SI ജയരാജ് പറഞ്ഞതും രഘുറാം ഒന്ന് പുഞ്ചിരിച്ചു ….

” അപ്പൊ ആ തലവേദന ഇപ്പൊ എന്റെ തലയിലായി എന്ന് സാരം ….. ഓക്കെ ……

ഈ മർഡർ നടന്ന സ്ഥലങ്ങളിൽ ആ സമയം വന്ന് പോയ കോമൺ ആയിട്ടുള്ള ഫോൺ നമ്പർ ഏതെങ്കിലുമുണ്ടോ എന്ന് ചെക്ക് ചെയ്തോ ? അതുപോലെ ആ സമയം ആ പരിസരത്ത് നിന്ന് പോയ കോൾ ട്രാക്ക് ചെയ്യുകയോ മറ്റോ ….. ?

രഘുറാം സംശയത്തോടെ ചോദിച്ചു.

” മർഡർ നടന്ന സ്ഥലങ്ങളിൽ അതെ സമയം വന്ന് പോയ കോമൺ ആയിട്ടുള്ള ഫോൺ നമ്പർ ഒന്നും തന്നെയില്ല സർ ….. പിന്നെ രണ്ടാമത്തെ മർഡർ നടന്ന സ്ഥലത്ത് വെച്ച് കില്ലർ ഒരു ഫോൺ കോൾ ചെയ്തിരുന്നു എന്ന് വിഷ്വൽസിൽ നിന്ന് മനസ്സിലായി . അത് വച്ച് ആ സമയം ആ പ്രദേശത്ത് നിന്ന് കോൾ പോയ ഒരു നമ്പർ ട്രാക്ക് ചെയ്യാൻ ശ്രമിച്ചു ……
ആ ഫോൺ അവിടെ വച്ച് ഓൺ ചെയ്ത് കോൾ ചെയ്ത ശേഷം അവിടെ വച്ച് തന്നെ ഓഫ് ചെയ്തു എന്ന് മനസ്സിലായി , കൂടാതെ ആ സിം എടുത്തിരിക്കുന്നത് ഒരു ഫേക്ക് ഐഡിയിലും .