✮കൽക്കി࿐ (ഭാഗം – 25) വിച്ചു [ചെകുത്താനെ സ്നേഹിച്ച മാലാഖ ] 916

കാരണവർ മറ്റൊരു പുസ്തകമാണ് വെളിച്ചത്ത് കൊണ്ടുവന്നത് യഥാർത്ഥ പുസ്തകവുമായി ഒരു ബന്ധവുമില്ലാത്ത മറ്റൊരു പുസ്തകം . അതിന്ന് ഒരു ചില്ല് കൂട്ടിൽ , എന്തോ വലിയ കാര്യം പോലെ , നീയും കണ്ടതല്ലേ ? അന്ന് ആ കത്തി കൈക്കലാക്കാനായി പോയപ്പോൾ വായിച്ച് മനസ്സിലാക്കാൻ ശ്രമിച്ചതല്ലേ എന്നിട്ട് കഴിഞ്ഞോ ? ഇല്ല . കാരണം അതിൽ ഒന്നുമില്ല , യഥാർത്ഥമായത് അപ്പോഴും ചേകവർ മനയിലെ നിലവറയിൽ സുരക്ഷിതമായിരുന്നു .

ചേകവർ മനയിലെ കാരണവർ സ്ഥാനക്കാരെല്ലം ആ പുസ്തകം വായിച്ചിട്ടുമുണ്ടാകണം . ശേഖരൻ തമ്പിയും അത് വായിച്ചു . അതുകൊണ്ട് തന്നെയാ അയാൾ അയാളുടെ മകളെ സുരക്ഷിതമായി നാട് കടത്തിയത് . അതും അന്ന് നവദുർഗയുടെ രക്തം പുരണ്ട ആ രുദ്രാക്ഷമാല അണിയിപ്പിച്ചു കൊണ്ട് . ആ രുദ്രാക്ഷ മാലയുടെ സാമിപ്യം കാരണം എനിക്കവരെ എന്റെ മാന്ത്രിക വിദ്യ ഉപയോഗിച്ച് പിന്തുടരാൻ കഴിഞ്ഞില്ല , അത് അയാൾക്കുമറിയാമായിരുന്നു .

ഒടുവിൽ ഞാൻ നേരിട്ട് തേടിയിറങ്ങി അവരെ കണ്ടെത്താൻ അവളുടെ വയറ്റിലെ ആ കുഞ്ഞിനെ നശിപ്പിക്കാൻ . ഒരുപാട് അലഞ്ഞു , ഒടുവിൽ കണ്ടെത്തി . മറ്റൊരു നാട്ടിൽ ഒരിടത്ത് സന്തോഷത്തോടെ കഴിയുന്ന പൂർണ്ണ ഗർഭിണിയായ ശ്രീദേവിയെയും ഹരി നാരായണനെയും …..

അവർ താമസിച്ചിരുന്ന ആ വീട് അഗ്നിക്കിരയാകുന്നത് കണ്ട് സന്തോഷിച്ചാ ഞാനാ നാട്ടിൽ നിന്ന് മടങ്ങിയത് . ഞാൻ പടർത്തിയ തീയിൽ ആ വീടും അവരും വെന്ത് വെണ്ണീറാകുമെന്ന് കരുതി , പുറത്ത് നിന്ന് പൂർണമായും ബന്ധിച്ച ആ വീട്ടിൽ ആളിപ്പടരുന്ന അഗ്നി അതിൽ എല്ലാം തീരുമെന്ന് ഞാൻ ഉറപ്പിച്ചു ..