✮കൽക്കി࿐ (ഭാഗം – 25) വിച്ചു [ചെകുത്താനെ സ്നേഹിച്ച മാലാഖ ] 916

 

 

എല്ലാ അന്വേഷണവും എന്നെ എത്തിച്ചത് ഇന്ദ്രജാലക്കല്ലിലേക്കാ അവസാനമത് ചേകവർ മനയിലെ നിലവറയിലേക്കും …. അതിൽ നിന്ന് ഒരു കാര്യം എനിക്ക് വ്യക്തമായി പല മുത്തശ്ശിക്കഥകളും വെറും പഴങ്കഥകളല്ല മറിച്ച് സൂചനകൾ ഒളിപ്പിച്ച് വച്ച വഴികാട്ടിയാണെന്ന് …. ”

പാർത്ഥൻ പറഞ്ഞു .

 

” അങ്ങനെയെങ്കിൽ ആ പാങ്ങോടനെ പൊക്കി ഒന്ന് കുടഞ്ഞാൽ സത്യം പുറത്ത് വരില്ലേ പലതും അറിയാൻ കഴിയില്ലേ …. ”

അർഷിത് സംശയത്തോടെ ചോദിച്ചു …..

 

” അത് അപകടം ക്ഷണിച്ചു വരുത്തുന്നതിന് തുല്യമാണ് . ഏതെങ്കിലും വഴി വിവരങ്ങൾ കൊട്ടാരത്തിലേക്ക് ലീക്കായാൽ പിന്നെ കാര്യങ്ങൾ നമ്മുടെ കയ്യിൽ നിൽക്കില്ല …

 

അതുകൊണ്ട് തൽക്കാലം തുറന്നു കിട്ടിയ വഴിയേ മുന്നോട്ട് പോ ആദ്യം അവനെ പിന്നെ അവളെ അതു വഴി ആ പുസ്തകം …. ബാക്കിയൊക്കെ പിന്നെ …. ”

രാജസേനൻ ഗൗരവത്തോടെ പറഞ്ഞു ….

 

                    ……………………..

 

 

പൊള്ളാച്ചി – തമിഴ്നാട് …..

 

” ഹലോ അണ്ണേയ് …. ”

 

” ടേയ് , മാണിക്യാ ….. കുതിരൈകളെ എല്ലാമേ ലോഡ് പണ്ണിയാച്ചാ ? ”

എസ്റ്റേറ്റ് മുതലാളിയായ അറുമുഖൻ തന്റെ ഫാം മാനേജറായ മാണിക്യനോട് ഫോണിലൂടെ കാര്യം തിരക്കി …

 

” ആമ അണ്ണാ … മൊത്തമാ അഞ്ച് ലോറി താൻ …. ”

 

” എതുക്കെടാ അഞ്ച് …. നാല് പോരാതാ …. ? ”

അറുമുഖൻ സംശയത്തോടെ തിരക്കി ….

 

” അണ്ണാ അന്ത മുത്തുവിന സെപ്പറേറ്റ് ഒരു ലോറി താൻ …. അല്ലാതെ അവനെ അങ്കെ കൊണ്ട് പോക മുടിയാത് ….. ”

മാണിക്യൻ മറുപടി പറഞ്ഞു …