✮കൽക്കി࿐ (ഭാഗം – 25) വിച്ചു [ചെകുത്താനെ സ്നേഹിച്ച മാലാഖ ] 915

അതിലൊരുവൻ തന്റെ കയ്യിലെ ടോർച്ച് ലൈറ്റിന്റെ സഹായത്തോടെ മുന്നോട്ട് നീങ്ങിയ സമയം , പെട്ടെന്നാണ് ഒരു മരത്തിന്റെ മറവിൽ നിന്ന് അവന്റെ മുന്നിലൂടെ ഒരു കറുത്ത നിഴൽ പോലെ എന്തോ ഓടി മറഞ്ഞത് ….

അത് കണ്ട അവൻ തന്റെ ചുണ്ടുകൾ ചേർത്ത് പിടിച്ച് വിസിൽ മുഴക്കിയതും ,

ഇരുട്ടിലൂടെ മുന്നോട്ട് ഓടിയ ആദി ആ മൺ പാതയുടെ നടുക്കായി മരിച്ച് കിടക്കുന്നവന്റെ അടുത്തെത്തി , അവന്റെ ശരീരത്തിൽ തറച്ച് കയറിയിരിക്കുന്ന തന്റെ വാൾ ( കറ്റാന ) തിരികെ എടുക്കാനായി .

ജീപ്പിന്റെ ഹെഡ് ലൈറ്റ് വെളിച്ചത്തിന് മുന്നിലവനെത്തിയ നിമിഷം .
ബാക്കിയുള്ളവരെല്ലാം പെട്ടെന്ന് തന്നെ അവന് ചുറ്റിലും വളഞ്ഞു …

അവർ നോക്കുമ്പോൾ തങ്ങളെപ്പോലെ എന്നാൽ വ്യത്യസ്തമായ കറുത്ത വസ്ത്രം ധരിച്ച മറ്റൊരുവൻ , ഒറ്റ നോട്ടത്തിൽ ഒരു നിൻജയ്ക്ക് സമമാണ് അവന്റെ വേഷവിധാനം …

” ആരാ നീ ….. എന്തിന് ഞങ്ങൾക്ക് തടസ്സമാകുന്നു ? ”

അതിലൊരുവൻ ഉറക്കെ വിളിച്ചു ചോദിച്ചതും ആദി തന്റെ വാൾ നിലത്ത് ജീവനറ്റ് കിടക്കുന്നവന്റെ ശരീരത്തിൽ നിന്ന് വലിച്ചൂരിയെടുത്ത ശേഷം ചൂണ്ട് വിരൽ കൊണ്ട് അവർ കാൺകെ അതിലെ രക്തം തുടയ്ച്ച് മാറ്റി . എന്നിട്ട് ചുറ്റിലും നോക്കി , തനിക്ക് നേരെ ആയുധങ്ങളേന്തി നിൽക്കുന്നവരെ ….

” ഞാൻ നിങ്ങൾക്കല്ല , നിങ്ങളാണ് എനിക്കു തടസ്സമായത് . പറഞ്ഞതല്ലേ ഇനി ഒരടി പോലും മുന്നോട്ടു പോകരുതെന്ന് …. പിന്നെ ഞാൻ ആരെന്ന് –