⚔️ദേവാസുരൻ⚒️ s2 ep13(Demon king-DK) 3544

സമറിന്റെ വരവ് രുദ്രൻ നോക്കി നിന്നു…..
അവന്റെ മുഖമാകെ ഒന്ന് മാത്രമാണ് അവൻ കണ്ടത്….. കോപം…. അടക്കുവാനാവാത്ത വെറി……

അവനടുത്തെത്തിയ സമർ അലറിക്കൊണ്ട് ചാടി തന്റെ ഇരുമ്പ് മുഷ്ടിയാൽ രുദ്രന്റെ മുഖത്തേക്ക് അടിച്ചു…..

ശേഷം തന്റെ പെരുവിരൽ മടക്കി അവന്റെ നെഞ്ചിൽ ആഞ്ഞു കുത്തി…..
ശേഷം ഒന്ന് ഉയർന്ന അവന്റെ കൈ മസിലിലേക്ക് പെരുവിരൽ മടക്കി ആഞ്ഞടിച്ചു….

അത് പോലെ രുദ്രന്റെ പലയിടത്തായി സമറിന്റെ കൈ വിരലുകൾ കേറിയിറങ്ങി…..

എല്ലാം ഒന്ന് എതിർക്കുക പോലും ചെയ്യാതെ നോക്കി നിന്നു….. സമറിന്റെ വേഗത പോലും അവനെ ചെറുതായോന്ന് ഇമ്പ്രെസ്സ് ചെയ്തിരുന്നു……

അവസാനം സമർ നിശ്ചലമായി…. അവൻ രുദ്രന്റെ മുഖത്തേക്ക് നോക്കിയൊന്ന് ചിരിച്ചു…..

കാരണം ഇനിയവന് ചുവടില്ല….. ആ നിൽക്കുന്ന നിൽപ്പിൽ നിന്ന് ഒന്ന് അനങ്ങാൻ പോലും സാധിക്കില്ല….. കാരണം അവൻ പ്രയോഗിച്ചത് നാഡി വിദ്യായാണ്…..

മനുഷ്യ ശരീരത്തിലെ നാനാ ഭാഗത്തിൽ നിന്നും വരുന്ന നാഡികളെ പ്രവർത്തനരഹിതമാക്കാൻ ശേഷിയുള്ള മഹാ വിനാശകാരിയായ വിദ്യ……

എന്നാൽ അവിടെയും എല്ലാം മാറിമറഞ്ഞു…..
എതിരെ നിൽക്കുന്ന രുദ്രൻ സമറിനെ നോക്കി ചിരിക്കുന്നു….. അത് കണ്ടതോടെ സമറിന്റെ ചുണ്ടിലെ ചിരിയും മാഞ്ഞു….. അവനാകെ ആശ്ചര്യമായി…..

നാഡി വിദ്യ ഉപയോഗിച്ചിട്ടു പോലും രുദ്രന് ഒന്നും സംഭവിച്ചിട്ടില്ല……

‘”” ഇല്ലാ…… ഇത് സത്യമല്ല…….'”…

സമറിന്റെ ചുണ്ടുകൾ വളരെ പതിഞ്ഞ സ്വരത്തിൽ മന്ത്രിച്ചു….. അവൻ തന്റെ വിരലുകളെ നോക്കി…..

‘”” അച്ഛൻ പഠിപ്പിച്ചത് ഞാൻ മറന്നുവോ….
യാ അള്ളാഹ്…….'””

സമർ സ്വയം ചോദിച്ചു……
പക്ഷെ അവനിൽ ഉത്തരമില്ല……

‘”” സമർ……..
അച്ഛൻ പഠിപ്പിച്ചത് ഒന്നും നീ മറന്നിട്ടില്ല……
പക്ഷെ എന്നെ വീഴ്ത്താനുള്ള വിദ്യയൊന്നും നിന്റെ തന്ത പഠിച്ചിട്ടില്ല…… പിന്നെയാണോ നീ…..'””

അവനൊരു പരിഹാസത്തോടെ അവനോട് ചോദിച്ചു…..

‘”” ടാ………'””

സമർ ഒരു അലർച്ചയോടെ  രുദ്രന് നേരെ ചെന്നു….. ശേഷം അവന്റെ കഴുത്തിലേക്ക് ബലമായി പിടിച്ചു……

ഒപ്പം അവന്റെ ഒരു കൈകൊണ്ട് രുദ്രന്റെ ഹൃദയത്തിലേക്ക് തന്നെ വിരൽ ഇറക്കി…..
പക്ഷെ അത്ര ശ്രമിച്ചും അവന്റെ വിരൽ അവനെ മുറിവേൽപ്പിക്കുന്നില്ല…..

അവന്റെ തൊലി എന്തോ കാഠിന്യമേറിയ എന്തുകൊണ്ടോ ആവരണം ചെയ്ത പോലെ…..

. രുദ്രൻ പെട്ടെന്ന് അവന്റെ ആ വിരലിൽ പിടുത്തമിട്ടു……

‘”” നീയിനിയും പഠിച്ചില്ലല്ലോ സമർ……'””

എന്നും പറഞ്ഞുകൊണ്ട് ഒരു പൂ പറക്കും പോലെ അവൻ സമറിന്റെ വിരൽ തിരിച്ചൊടിച്ചു…… അസ്സഹനീയമായ വേദനയിൽ സമറിന്റെ മറുകരം രുദ്രന്റെ കഴുത്തിൽ നിന്നും വിട്ടഴിഞ്ഞു വന്നു…..

‘”” ആഹ്…………. “”

സമർ തന്റെ ഒടിഞ്ഞു തൂങ്ങിയ വിരലിലേക്ക് നോക്കി ഉറക്കെ നിലവിളിച്ചു….. പെട്ടെന്ന് രുദ്രൻ അവന്റെ നെഞ്ചിലേക്ക്  തന്നെ ആഞ്ഞു ചവിട്ടി……

സമർ പുറകിലേക്ക് തെറിച്ചു പോയി അവന്റെ ശകടമായ ജീപ്പിന്റെ ബോണറ്റ്റിൽ പുറമടിച്ചു വീണു……

ആ ഒരു പ്രഹരത്തിൽ അവന്റെ നട്ടെല്ല് തന്നെ ഒടിഞ്ഞിരുന്നു…. സമർ വീണ്ടും അവിടെ കിടന്ന് നിലവിളിച്ചു…..

രുദ്രന്റെ കാലുകൾ പതിയെ അവന്റെ അടുക്കലേക്ക് നീങ്ങി….. കൊടൂരമായ വേദനയിൽ പോലും അവന്റെ കണ്ണുകൾ രക്തവർണ്ണമായിരുന്നു….

സമർ സകല വേദനയും സഹിച്ച് വീണിടത്ത് നിന്നും എഴുന്നേറ്റ് രുദ്രന് നേരെ ഓടി….. അവന്റെ വയറിൽ കൈ ചുറ്റി അവനെ തള്ളി താഴെ വീഴ്ത്തുവാനാണ് ശ്രമിച്ചത്…..

പക്ഷെ രുദ്രനെന്ന ഒറ്റകൊമ്പന്നെ വീഴ്ത്താനും മാത്രമൊന്നും ശക്തി സമറിനു ഉണ്ടായിരുന്നില്ല…..